रोमी 14:9 - चेपाङ

⁹ सेलः मुओलम्‌कोः प्रभुलेः स्‍याव्‌साकायःमा सीओलम्‌कोः प्रभुलेः स्‍याव्‌साकायःमा ख्रीस्‌लेः सीओआः। सीआक्‌तीको उह्‌ती च्‍योक्‌माआ।

रोमी 14:9 ပူးပေါင်းရင်းမြစ်များ

मत्ती 28:18

फेरी येसु वाङ्‌ती “लौ द्याह्‌पाय् लाङ्‌काहाङःमा ल्‍हाव्‍ह्‌दैबाङ्‌हाङःमा सबै जाङ्‌ह्‌सा खाय्ओ ग्‍वम्‌पाय् ङाकायः बयःओ लेःआः।

लुका 24:26

ओउः मान्‍तालम्इ परमेस्‍वर्‌कोः आखरःहाङःपाय् परमेस्‍वर्‌इ ङ्‌हा तोती गम्ओ कुरा ख्रीस्‌कायः तोती ‘ओउःपाय् आन लीह्‌सीःओ गोरःती सीआक्‌तीको परमेस्‍वर्‌कुस् अङ्‌ग थङ्‌ग त आन पेतो स्‍याव्‌सा खेःनाः’ त दाय्‍ह्‌ती लेखती मुनाः माः र” त दाय्‍ह्‌ती येसुइ ओउः नीस्‌चाक्‌कायः तोआथाच।

युहना 12:24

दोङ्‌सीलेः दाय्‍ह्‌भनाङ् गहुङ्‌कोः बीया चोया साःताङ् ग्‍लेःती आःताः सीमाःत ओउःपाय् ब्‍याव्‌ल। साःहाङः सीआ त खेःया दुङ्आक्‌तीको आन ब्‍याव्‌नाः।

खबरदुत 10:36

लौ परमेस्‍वर्‌इ ङी इस्राएली मान्‍तालम्‌कायः तोओ कुरापाय् नीङ्इ चीःतेःनानी यादो। सबै जात्‌कोः प्रभु येसु ख्रीस् त तोओलेः परमेस्‍वर्‌कोः पेओ ल्‍हुङ् धोमाय्‌ताक्ओ नोःराय् थोल्‍ह्‌ती तोलाङ् ल्‍होक्ओ खेःतो।

खबरदुत 10:42

ओहाङःसैको ‘लौ ङाकोः पेओ कुरा सबैलम्‌कायः तोनु दा’ त ङीकायः येसुइ तोआताङी। ‘ओउः येसुपाय् सबै सीओ मान्‍ताकायःमा सेलः मुओ मान्‍ताकायःमा सु पेओ खेःतो सु पेमालो खेःतो त कुरा तय्‌छनःती सायःसाकायःमा तात्‌साकायःमा इ येसुकायःलेः परमेस्‍वर्‌इ छ्युङ्‌ह्आथै’ त ङीइ तोसा खेःनाङी।

रोमी 10:9

लेइलेः “लौ येसुपाय् प्रभु लेःआः” त दाय्‍ह्‌ती नाङ्इ अरुकायः फुती नोःमातेःनौ ल्‍हुङ्‌हाङःलेः “लौ येसुकायः परमेस्‍वर्‌इ उह्‌ती च्‍योक्‌ताक्आथै” त दाय्‍ह्‌ती ङ्‌हाम्‌मातेःनौ त खेःया नाङ्‌पाय् दल्‌तेःनाः।

२ कोरीन्‍थी 5:14

ख्रीस्इलेः ङीकायः आन राप्‌नाःताङी त चीःती ङीइ ओउःकोः काम् जाङ्‌ह्‌सा खेःनाङी। यात्‌चाक्‌पाय् सबै दल्‌ताक्‌साकायः ल्‍हाङःतीलेः सीआ ओउःत झ्‍यान्‍ते ओउः सील त खेःया सबै सीचाः खेःतो।

१ थेसलोनिकि 4:14

ङीखेइ “येसु ख्रीस् सीआक्‌तीको लोने उह्‌ती च्‍योक्ओ” त दाय्‍ह्ओ ङ्‌हाम्‌नाःतय्‍ह्‌नी ओउःत खेःओ सीतो मुओ येसुकायः ङ्‌हाम्ओलम्इमा लोने येसुकुस् वाङ्‌सा परमेस्‍वर्‌इ दोःताक्‌नाःथास।

१ थेसलोनिकि 5:10

ङीकायः दल्‌ताक्‌साकायः येसुपाय् सीओआः ओहाङःसैको ओउः वाङ्‌तोक्‌हाङः ङी सीयाकायःमा सेलः मुयाकायःमा गाव् खेःयाकायःमा ङी ओउःकुस् मुसा दोःनाःतय्‍ही।

२ तीमोथी 4:1

सीओलम्‌कायःमा स्‍याक्‌ती मुओलम्‌कायःमा सबै मान्‍तालम्‌कायः तय्‌छनःती योलाङ् वाङ्‌सा येसु ख्रीस् लेःआः बा। ओउःकोः मीक्‌हाङःमा परमेस्‍वर्‌कोः मीक्‌हाङःमा ङाइ द्याह् इ कुरा दोङ्‌ह्‌ती तोनेःनाङ् बा। येसु ख्रीस्‌मा ओउःकोः राजीमा वाङ्‌नाः त झ्‍यान्‍ते

हेब्रैनी 12:2

ङीकायः स्‍यालःओ येसुकायः जुःतीलेः योनी। ङीइ ङ्‌हाम्ओकायः येसुइ स्‍यालःमानाःतय्‍ही ताप्‌माताक्‌नाःतय्‍ही। ओउःपाय् “लोने पेओ चोङाय्ओ बेला वाङ्‌नाः” त म्‍हर्‌ती ओउः क्‍ल्‍याय्ओ सीङःहाङः आन लीह्‌सीःओ गोरःती लयःकायः दोह्‌तमा म्‍हर्‌माःत अरुकोः मीक्‌हाङः “मीतो स्‍याव्‌पाङः” त म्‍हर्‌ती सीलेःआ। द्याह् ओउःपाय् परमेस्‍वर्‌कोः गुल्‍ह्‌दाङ् स्‍याव्‌ती ओउःकोः ङोय्‌दोसै राजा च्‍युङःसा थाव्‌हाङः मुलेःनाः।

१ पत्रुस् 1:21

येसु ख्रीस् वाङ्‌ती झ्‍यान्‍ते ओउःकायः सीओसै उह्‌ती च्‍योक्‌ताक्ओमा ताङ्‌ह्‌ताक्ओ परमेस्‍वर्‌कायःलेः ङ्‌हाम्‌तेःनानी। ओउःत खेःओ नीङ् परमेस्‍वर्‌कायः ङ्‌हाम्‌ती चोङाय्‌तीलेः ल्‍युङ्‌ह्‌ती मुतेःनै।

१ पत्रुस् 4:5

ओउःमयःइ तेन्‌छ्याङ्‌खे हेला क्‍लाःतेःइतो लोन्‍तेखे ओउः सबैकायः तय्‌छनःती योसा परमेस्‍वर्‌कोः मीक्‌हाङः ओउःमयःइ लयः जाङ्‌ह्ओ रेव्ओ काम्‌लम्‌पाय् घोसा खेःलेःनै। ओउः बेलाहाङः सेलः मुओलम्‌कायःमा सीओलम्‌कायःमा सबैकायः परमेस्‍वर्‌इ तय्‌छनःती योनाःथास।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 2:8

द्याह् स्‍मर्‌नाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा। ‘लौ सबैसै ङ्‌हा सबैसै लोनेः खेःओ ओउः सीआक्‌तीको उह्‌ती च्‍योक्ओचाक्इ तोओ कुरापाय् इलेःआः बा।