रोमी 14:4 - चेपाङ

⁴ ङ्‌हाम्ओलम्‌पाय् सबै परमेस्‍वर्‌कोः नोकरी लेःआः इ। ङ्‌हाम्ओ मान्‍ताकोः काम्‌लम् योती “इपाय् पेलेःनाः ओउःपाय् पेल” त दाय्‍ह्‌ती तोसा परमेस्‍वर्‌कोः काम् लेःआः नीङ्‌कोः काम् खेःबाय्‌ल। ओउः मान्‍तापाय् परमेस्‍वर्‌कोः मीक्‌हाङः काम् पेतोलेः जाङ्‌ह्‌नौ त खेःया प्रभु परमेस्‍वर्‌इलेः ओउःतलेः जाङ्‌ह्‌ताक्आथै।

रोमी 14:4 ပူးပေါင်းရင်းမြစ်များ

खबरदुत 11:17

एतलेः ङीइ प्रभु येसु ख्रीस्‌कायः ङ्‌हाम्‌तोक् बेलाहाङः दोःओ परमेस्‍वर्‌कोः ग्‍वालामःपाय् ओउः यहुदी खेःमालो मान्‍तालम्‌कायःमा परमेस्‍वर्‌इ दोःताक्आथास। ओउः त खेःओ ङाइ परमेस्‍वर्‌कायः त्‍याःती तोसा खाय्आक्‌ङल” त दाय्‍ह्‌ती येसुकोः छ्युङ्‌ह्ओमयःकायःमा अरु ङ्‌हाम्ओलम्‌कायःमा पत्रुस्इ छ्यानःती तोआथास।

रोमी 11:23

ओहाङःसै यहुदीलम् ल्‍हुङ् द्यान्‍ह्‌तीलेः ङ्‌हाम्‌नानी त खेःया परमेस्‍वर्‌कोः सीङःहाङः फेरीलेः च्‍योतोती गम्‌नाःथास ओउःत हायःसा परमेस्‍वर्‌इ खाय्‌लेःनौ।

रोमी 14:3

ओउः सबै जेःसा ज्‍याक्ओ मान्‍ताइ ओउः मायः क्रीती जेःमालो मान्‍ताकायः क्‍लुनःती तोलाम्। फेरी ओउः मायः जेःसा क्रीओ मान्‍ताइमा ओउः सबै थोक् जेःओ मान्‍ताकायः गाल्‌धै बयःलाम् दोह् हायःती दाय्‍ह्‌सा ओउः नीस् मान्‍ताकायः परमेस्‍वर्‌इ लयःकोः मीक्‌हाङः घार्‌तोलेः पेतो योआथाच।

रोमी 16:25

लौ परमेस्‍वर्‌कायः ताङ्‌ह्‌ताक्‌पाःथै। ओउःइपाय् नीङ्‌कायः ग्रमःत ङ्‌हाम्‌ताक्‌सा खाय्‌तेःनै। येसु ख्रीस्‌कोः पेओ नोःराय् थोल्‍ह्‌ती तोतोक्‌हाङःमा ओउःतलेःमा तोआलाङः। ओउः उय्‍ह्‌लेहाङःसै आन ज्‍याङःतोकायः छ्यानःआक्‌मालो कुरा छ्यानःतोक्‌हाङः ओउःतलेःमा छ्यानःओ लेःआः।

रोमी 9:20

लौ नाङ्‌पाय् मान्‍ता ह खेःतेःनाः गत हायःतीतेः परमेस्‍वर्‌इ तोओकायः काय्‌काय्‌ती त्‍याङ्‌सा म्‍हर्‌तेःचाः। पोम् जाङ्‌ह्ओ मान्‍ताकायःपाय् पोम्इलेः “लौ दोह् हायःतीतेः ङाकायः एतलेः जाङ्‌ह्‌तेःनाःची” त दाय्‍ह्‌ती तोउलु।

हेब्रैनी 7:25

द्याह्‌मा लोनेःमा गलकायःमा ओउःकायः ङ्‌हाम्‌ती परमेस्‍वर्‌कःताङ् वाङ्‌ह्ओलम्‌कायः ओउःइ पेतोलेः दल्‌ताक्‌सा खाय्‌नौ दोह् हायःती दाय्‍ह्‌सा ओउःमयःकायः परमेस्‍वर्‌कःताङ् तेती तोसाकायः येसुपाय् गलकायःमा मुलेःनाः।

१ पत्रुस् 1:5

नाङ्‌कायःमा ओउःकोः कुरा ङ्‌हाम्‌ती झ्‍यान्‍ते परमेस्‍वर्‌कोः ग्‍वम्इ स्‍याङ्‌ह्‌ससै दाह्‌ती दल्‌ताक्‌सा दीन्‌हाङः आसारः त्‍याक्‌साकायः ओम्‌पायःतीलेः गम्‌तेःनै।

यहुदा 1:24

लौ नीङ्‌कायः त्‍योक्‌साकायः त्‍याःसा खाय्ओमा नीङ्‌कायः नीङ्‌तो चोङाय्‌तो स्‍याव्‌ताक्‌ती लयःकोः पेओ थाव्‌कोः दाक्‌ती गम्‌सा खाय्ओपाय् परमेस्‍वर्‌ लेःआः।