रोमी 14:3 - चेपाङ

³ ओउः सबै जेःसा ज्‍याक्ओ मान्‍ताइ ओउः मायः क्रीती जेःमालो मान्‍ताकायः क्‍लुनःती तोलाम्। फेरी ओउः मायः जेःसा क्रीओ मान्‍ताइमा ओउः सबै थोक् जेःओ मान्‍ताकायः गाल्‌धै बयःलाम् दोह् हायःती दाय्‍ह्‌सा ओउः नीस् मान्‍ताकायः परमेस्‍वर्‌इ लयःकोः मीक्‌हाङः घार्‌तोलेः पेतो योआथाच।

रोमी 14:3 ပူးပေါင်းရင်းမြစ်များ

मत्ती 18:10

लौ इलो खेःओ हौलम्‌कः ब्‍लाय्‍क्‌लाम् दोङ्‌सीलेः ओउःमयःकायः स्‍यास्ओ लाङ्‌कासै ल्‍होक्ओमयः गलमा ङाकोः परमेस्‍वर्‌ आपाकुस् लाङ्‌काहाङः मुनै।

मत्ती 9:14

ओउःतलेः तोआथास ओहाङःसैको येसुकःताङ् बाप्‍तीस्‍मा बयःओ युहनाकुस् वाह्ओमयः वाङ्आकाय्। वाङ्‌ती “लौ ङीखेइमा फरीसीलम्‌खेइमा आन उपाङ् काःओ जवनाङःसु नाङ्‌कुस् वाह्ओमयःखेइ दोह् हायःतीलेः ङीलो लेखा उपाङ् काःइसीली” त दाय्‍ह्‌ती येसुकायः व्‍हत्‌नीतो

लुका 18:9

यात्‌नीस् मान्‍तालम्‌पाय् “लौ ङाइ पेओ काम् जाङ्‌ह्‌सा चीःलेःनाङः” त दाय्‍ह्‌ती लयःकोः नेह्‌रो ओर्‌ताक्‌ती नोःओ खेःतो। ओउःमयःपाय् अरु मान्‍तालम्‌कायः “रेव्ओलम् लेःआः इ” त म्‍हर्‌ती ओउःमयःकः अह्र्नै। इ लयःकोः नेह्‌रो ओर्‌ताक्‌सा बोङःओलम्‌कायः येसुइ यात्‌ज्‍योः वीनःराय् ल्‍हाक्‌ती स्‍यान्आथास।

खबरदुत 10:34

ओउःत तोआक्‌तीको “दोङ्‌सीलेः परमेस्‍वर्‌इ सुकायःमा घाराङ्‌लेः राप्‌नाःथास। इतलेः ङाइ द्याह् पेतोलेः चीःनाङः।

खबरदुत 10:44

पत्रुस् इतलेः स्‍यान्‌ती तोतोबालेहाङः ओउः सायःती मुओ मान्‍तालम् परमेस्‍वर्‌कोः ग्‍वालामः दोःआकाय्।

खबरदुत 28:2

ओहाङःसैको ओउःतोक्‌हाङः तीः वाखयःआ त झ्‍यान्‍ते ङीपाय् आन नीक्आलाङी। ओउःत च्‍यवःती ओउः माल्‍तकोः मान्‍तालम्इ ङीकायः योती योनःती सबैकायः म्‍हेः फोह्र्तो मुत्‌ती “इहाङः गारःलाङ् वाङ्‌न” त दाय्‍ह्‌ती ङीकायः गोत्‌ती त्‍याक्आताङी।

रोमी 11:15

परमेस्‍वर्‌इ यहुदीलम्‌कायः फेधार्‌नालेः ल्‍हाव्‍ह्‌दैबाङ्‌कोः सबै अरु जात्‌लम् ओउःकुस् ब्राङ्‌ताक्आकान्। ओउःत झ्‍यान्‍ते यहुदीलम्‌कायः परमेस्‍वर्‌इ रोम्आथास त खेःया गुच्‍युक् न्‍हाङ्‌तोलेः पेओलेः स्‍याव्‌नाः। ओउः बेलाहाङः ओउःमयः सीओसै च्‍योक्ओ मान्‍तालम्‌लो लेखालेः स्‍याव्‌नै।

रोमी 14:1

यात्‌नीस् मान्‍तालम् पेतो ङ्‌हाम्‌धाङ्‌नीली त खेःया ओउःमयःकुस् काय्‌काय्‌माःत रोम्‌काय्‌न।

रोमी 14:10

ओउःत झ्‍यान्‍ते नीङ्‌कोः ङ्‌हाम्ओ पुःचोङ् हौचोङ्‌कायः दोह् हायःतीतेः गाल्‌तुम्‌तीतेः नोःतेःनानी। दोह् हायःतीतेः ओउःमयःकायः मीतोतेः योतेःनानी। ङी सबैकायः लोने परमेस्‍वर्‌इ तय्‌छनःती योनाःतय्‍ही।

रोमी 14:13

ओउःत झ्‍यान्‍ते यात्‌चाक्इ अरुकायः गाल्‌तुम्‌ती ताः ताः नोःताःउलु। ओउःत हायःमामाःत दोह् दोह् हायःओइ नाङ्‌कोः ङ्‌हाम्ओ हौकायः रेव्‌तो जाङ्‌ह्‌ताक्‌नाःथै ओउःपाय् जाङ्‌ह्‌लाम्।

रोमी 14:15

ओहाङःसै यात्‌ज्‍योः थोक् जेःयाकायः नाङ्‌कोः ङ्‌हाम्ओ हौकायः नाङ्इ ब्रःताक्‌तेःनौ त खेःया ओउःत हायःसा स्‍याव्‌ल। जेःतेःनौ त खेःया ओउःकायः नाङ्इ पेतो राप्‌तेःउलु। ओउः मान्‍ता दल्‌ताक्‌साकायः ख्रीस्‌पाय् सीलेःआ ओउःत झ्‍यान्‍ते ओउः मान्‍ताकायः नाङ्इलेः वाय्‌ताक्‌तेःचनौ।

रोमी 14:21

इत हायःसा उया पेलेःनाः मायः जेःओयामा हान् तुङ्ओयामा दोह् खेःयामा नाङ्‌कोः ङ्‌हाम्ओ हौकायः ब्रःताक्‌नाःथै ओउःत हायःलाम्।

रोमी 15:7

परमेस्‍वर्‌कोः मय्‍ङ् ताङ्‌ह्‌ताक्‌साकायः ख्रीस्इ हायःओ लेखालेः नीङ्‌मा लःलयःकायः रोम्‌काय्‌ती त्‍याक्‌काय्‌न दा।