रोमी 13:12 - चेपाङ

¹² याह्‌दीङ्‌पाय् ज्‍याल्‌खेःआ न्‍याम्‌पाय् थोङ्‌खेःआ ओउःत खेःओ याह्‌दीङ्‌कोः पेमालो काम्‌लम् फेती न्‍हीदीङ्‌कायः थाङ्ओहाङः जाङ्‌ह्‌सा पेओ काम्‌लम् जाङ्‌ह्‌नी।

रोमी 13:12 ပူးပေါင်းရင်းမြစ်များ

रोमी 13:14

येसु ख्रीस्इ बयःओ रौ ल्‍हुङ्‌पाय् दोःती ओउः ङ्‌हाकोः आय् ल्‍हुङ्‌कोः रेव्‌तो मोह्‌हाय्ओपाय् फेन।

१ कोरीन्‍थी 10:11

इ कुरालम्‌पाय् मान्‍ताकायः गानाक्‌ती स्‍यान्‌सा थेङालेः स्‍याव्आ। ओहाङःसै ङीइ पह्रती चीःताक्‌साकायः इ कुरालम् परमेस्‍वर्‌कोः आखरःहाङः लेखओ खेःतो दोह् हायःती दाय्‍ह्‌सा ङी ल्‍हाव्‍ह्‌दैबाङ्‌कोः द्युम्‌खेःओ बेलाहाङः दाह्‌खयःनाःतय्‍ही।

१ कोरीन्‍थी 7:29

लौ पुःचोङ् हौचोङ्‌य ङाइ तोओ कुरापाय् इलेःआः। द्याह्‌पाय् नाःतो दीन् मुधाङ्‌ल ओउःत खेःओ द्याह्‌हाङःसै बुधी नाःओ मान्‍तापाय् बुधी नाःमालो मान्‍तालो लेखा मुतेःपै।

२ कोरीन्‍थी 10:4

फेरी ल्‍हाव्‍ह्‌दैबाङ्‌सै दोःओ ग्‍वम्‌खेइ खेःल परमेस्‍वर्‌कोः ग्‍वम्‌खे दोःती ङीइ सैतान्‌कोः ताङ्‌ह्ओ जीरालम् ह्र्योङ्‌ती वाय्‌सा खाय्‌नाङःसु।

२ कोरीन्‍थी 6:7

परमेस्‍वर्‌कोः ग्‍वम् दोःती ङीइ ओउःकोः दोङ् कुरालेः तोनाङःसु परमेस्‍वर्‌कोः मीक्‌हाङः ङी पेतो स्‍याव्आक्‌तीको ओउःकोः काम् नीङ्‌तोलेः जाङ्‌ह्‌नाङःसु सुइमा ङीकायः क्‍लीमःसा खाय्‌ताङीली।

एफेसस् 4:22

ओउःत झ्‍यान्‍ते नीङ्‌कोः ङ्‌हाकोः रेव्ओ ल्‍हुङ् फेती ओउः खाल्‌कोः ल्‍हुङ्‌कोः मोह्‌हाय्ओ काम् जाङ्‌ह्‌तेःचानी। ओउः ङ्‌हाकोः ल्‍हुङ्‌पाय् रेव्‌ती वाय्‌लेःनाः।

एफेसस् 5:11

च्‍याक्ओ ल्‍हुङ् नाःओलम्इ आह्रे काम् जाङ्‌ह्‌नानी। ओउःमयःकुस् ब्राङ्‌ती वाह्‌माःत ओउःमयःकोः रेव्ओ काम्‌लम्‌मा फुःसा खेःतो।

एफेसस् 5:8

नीङ्‌पाय् ङ्‌हाखे च्‍याक्ओ ल्‍हुङ्‌लेः नाःती वाह्ओ खेःतेःइतो द्याह्‌खे प्रभुइ बयःओ थोङ्ओ ल्‍हुङ्‌लेः दोःती वाह्‌तेःनै।

हेब्रैनी 10:25

यात्‌नीस्‌चाक्इलेः अरु ङ्‌हाम्ओलम्‌कुस् हुम्‌ती थनःसाकायः फेआकानी ओउःमयःलो लेखालेः हायःलाम् ओहाङःसैको प्रभु वाङ्‌सा खेःओ दीन् द्याङ्‌तो दाह्‌ती वाङ्‌खेःओहाङः न्‍हाङ्‌तोलेः “हुम्‌लाङ् आल्इ” त दाय्‍ह्‌ती लव्‍ह्‌काय्‌ती तोकाय्‌न।

हेब्रैनी 12:1

ओउःच्‍युक् नाःतो पेतो हायःओलम् ङीकोः ङ्‌हासै वाह्आकाय् त खेःओ लौ वाह्‌तोक्‌हाङः दोह् दोह् कुराइ लीःनाःतय्‍ही दोह् दोह्इ रेव्‌ताक्‌नाःतय्‍ही ओउःपाय् जुगाङ् फेती ल्‍याम्‌कोः ङ्‌हाताङ् योती ल्‍हुङ् क्रोङ्‌तोलेः पेतो वाह्इ।

याकुब् 1:21

ओउःत झ्‍यान्‍ते सबै रेव्ओमा अह्र्सीःओ काम् जवओ फेती नीङ्‌कोः ल्‍हुङ्‌हाङः सेती गम्ओ पेओ नोःराय् ग्‍यातीलेः सायःनु ओहाङःसैको ओउः नोःराय्इ नीङ् दल्‌तेःनै।

याकुब् 5:8

नीङ्‌मा गुह्र्माःत पेतो म्रोती ल्‍युङ्‌ह्‌ती मुन प्रभु वाङ्‌सा बेलापाय् दाह्‌खेःनाः बा।

१ पत्रुस् 2:1

ओउःत खेःओ सबै रेव्‌तो हायःओ फेनु माःती तोओमा जाङ्‌ह्ओमा अरुकायः लती पेमालो नोःओमा इ सबै फेनु।

१ पत्रुस् 4:7

लौ सबै थोक्‌कोः द्युम्ओ बेलाहाङः दाह्‌खेःआ ओउःत झ्‍यान्‍ते घीःओ नीङ्ओ ल्‍हुङ् दोःती परमेस्‍वर्‌कः तेती तोनु दा।

२ पत्रुस् 3:11

सबै एतलेः म्‍हीत्‌तोलेः स्‍याव्‌नाः त खेःया नीङ् गत वाह्‌सा खेःतो दाय्‍ह्‌सा। नीङ्‌तो ल्‍हुङ्इ परमेस्‍वर्‌कोः काम् जुगाङ् पेतो जाङ्‌ह्‌ती

२ पत्रुस् 3:9

ओउःइ तोती गम्ओ कुरापाय् “जाङ्‌ह्‌साकायः प्रभुइ बाय्‌तोलेः जाङ्‌ह्‌नौ” त यात् नीस्‌चाक् म्‍हर्‌नै ओउःपाय् दोङ् कुरा खेःल बा। मान्‍तालम्‌कायः “सबै रेव्‌तो जाङ्‌ह्ओ काम्‌लम् फेती ह्र्योक्‌ती वाय्ओसै दल्‌पै” त दाय्‍ह्‌ती प्रभुइ गुह्र्माःत ल्‍युङ्‌ह्‌ती मुनाः।

१ युहना 2:18

लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।

प्रकाश 1:3

ओउः कुरापाय् इ कीताप्‌हाङः लेखती मुनाः। ओउःत झ्‍यान्‍ते इ कीताप् पह्रओ मान्‍तामा इहाङः लेखओ छ्यानःओ कुरा ग्‍याती सायःओलम्‌मा भालाकोःलम् लेःआः इ दोह् हायःती दाय्‍ह्‌सा इ कुरा स्‍याव्‌सा खेःओ बेला द्याङ्‌तोलेः दाह्‌खेःओआः बा।

प्रकाश 22:10

ओहाङःसैको “लौ इ कीताप्‌हाङः लेखओ लोनेः वाङ्‌सा खेःओ कुरापाय् नुसुती गम्‌तेःचनौ दोह् हायःती दाय्‍ह्‌सा इ कुरा सबै ताप्‌सा बेलापाय् द्याङ्‌तो मुनाः।