रोमी 13:10 - चेपाङ

¹⁰ सुसुइ लयःकः ब्रेङःकाय्‌ती याक्ओ मान्‍ताकायः राप्‌नौ ओउः मान्‍ताइपाय् अरुकायः पेमालो हायःउलु। ओउःत झ्‍यान्‍ते अरुकायः राप्ओ मान्‍ताइ ऐन्‌कोः हुकुम्‌लम् जुदालेः जाङ्‌ह्‌नौ।

रोमी 13:10 ပူးပေါင်းရင်းမြစ်များ

मत्ती 7:12

फेरी दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः नीङ्‌खेइ अरुकायः जाङ्‌ह्‌नु दा। ओउःत हायःओ उय्‍ह्‌लेकोः आखरःहाङःमा परमेस्‍वर्‌कोः कुरा छ्यानःओमयःमा दाय्‍ह्‌ती स्‍यान्ओ खेःतो।

युहना 13:34

द्याह् ङाइ नया हुकुम् बयःनेःनाङ्‌स। लःलयःकायः राप्‌काय्‌ती मुन गतलो ङाइ नीङ्‌कायः राप्‌नेःआलाङ् ओउःतलेः लःलयःकायः राप्‌काय्‌नाःइसी।

रोमी 13:8

अरु मान्‍ताकः पाय्‍क्‌सा खेःओ रीन् मुलाम् अरुकायः बुरु राप्ओ ह बयःसा खेःतो। सुखेइ अरुकायः राप्‌नानी ओउःइपाय् परमेस्‍वर्‌कोः ऐन्‌कोः हुकुम्‌मा जाङ्‌ह्‌नानी।

गालाती 5:14

दोह् हायःती दाय्‍ह्‌सा ओउः ऐन्‌कोः कुरापाय् सबैलेः याःआःज्‍याङ् कुराहाङः तोसा खाय्‌नौ। ओउः कुरापाय् इलेःआः “नाङ्‌कुस् ब्रेङःकाय्‌ती याक्ओ मान्‍तालम् लयःकायःलो धेःती राप्‌ती स्‍यास्उसु दा”

याकुब् 2:8

परमेस्‍वर्‌कोः राजीकोः नीयम् आखरःहाङः इलेः लेखती मुनाः “नाङ्‌कोः लयःकोः वेङ्‌ह्‌ग चेङ्‌ह्‌गकोः मान्‍तालम्‌कायः लयःकायः धेःती राप्‌ती स्‍यास्‌सा खेःतो” त दाय्‍ह्ओ मुलेःनाः। ओउः नीयम् नीङ्इ जाङ्‌ह्‌तेःनानी त खेःया ओउःखे पेलेःनाः।