रोमी 12:9 - चेपाङ

⁹ अरुकायः च्‍यवःताक्‌सा आले खेःल दोङ् ल्‍हुङ्इलेः अरुकायः राप्‌नु। पेमालो कुराखे ब्‍लाय्‍क्‌तीलेः फेती वाय्‌नु। पेओ कुराखेकः म्रोतीलेः मुन।

रोमी 12:9 ပူးပေါင်းရင်းမြစ်များ

मत्ती 26:49

ओउःत झ्‍यान्‍ते येसुकः दाह्‌तोक्‌हाङः यहुदा वाङ्‌ती “अ गुरुय” त दाय्‍ह्आक् ओउःकायः ग्रोम्आथै।

युहना 12:6

ह्र्यात्‌कायः योनःती तोउलु लयःकोः ल्‍हुङ् कुःरेव् खेःतो त झ्‍यान्‍ते तोआकान्। ओउःइ सबैकोः पैसाकोः थैलो लात्ओ खेःतो ओउः थैलोसै पैसा कुःझुङ्उतो ओउःत खेःओ मरीयम्‌कायः जान्आथै।

खबरदुत 11:23

ओहाङःसैको अन्‍तीयोक् सहर्‌ताङ् दाह्‌ती वाङ्आक्‌तीको “परमेस्‍वर्‌इ ओउःमयःकायः आन पेतो जाङ्‌ह्आथास” त च्‍यवःती बर्‌नाबास्‌पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्‍हुङ् फुस्‌तीलेः ङ्‌हाम्‌नु दा” त दाय्‍ह्‌ती बर्‌नाबास्इ लव्‍ह्‌ती तोआथास।

२ कोरीन्‍थी 6:6

ओहाङःसैको ङी छय्‍ङ्‌तो जाङ्‌ह्‌तीमा व्‍हाय्‌तो जाङ्‌ह्‌तीमा वाह्‌नाङी। अरुकायः रीस् वाङ्‌माःत काङ्‌तीलेः योनाङःसु। परमेस्‍वर्‌कोः छय्‍ङ्‌तो ग्‍वालामः दोःती ङीइ सबैकायः दोङ् पेतोलेः राप्‌नाङःसु।

२ कोरीन्‍थी 8:8

एत तोओपाय् गानाक्‌ती तोओलेः खेःल। ओउः अरु मान्‍तालम् गुच्‍युक् साय्‍क्‌तोलेः बयःसा ग्‍यानै त नीङ्‌कायः छ्यानःनेःआलाङ्‌स। ओहाङःसै नीङ्इमा अरुलम्‌कायः गुच्‍युक् राप्‌ती बयःतेःनानी त ङाइ योसालेः खाय्‌नाङः ओउःत हायःसाकायः ह इतलेः तोनेःआलाङ्‌स।

१ थेसलोनिकि 2:3

नीङ्‌कायः स्‍यान्ओहाङः ङीइ ब्रःतोलेः तोमाङुसुलु ल्‍हुङ्‌हाङः रेव्ओ म्‍हर्‌तीमा माःतीमा तोमाङुसुलु।

१ थेसलोनिकि 5:15

यात्‌चाक्इ नीङ्‌कायः पेमालो हायःतेःनै त खेःया ओउःकायः पेमालो पाय्‍क्‌लाम्। गलकायःमा लयःमयःकायःमा सबैकायःमा पेतो काङ्‌तीलेः हायःनीङ्इसी दा।

१ थेसलोनिकि 5:21

सबै कुरा वेलःती योनु पेओखे गम्‌नु।

१ तीमोथी 1:5

नाङ्इ ओउःमयःकायः तोआक्‌तीको सबैइ परमेस्‍वर्‌कोः कुरा चीःओमा पेतो छय्‍ङ्ओ ल्‍हुङ्‌मा दोःती ख्रीस्‌कायः दोङ्‌सीलेः ङ्‌हाम्‌ती अरुकायः राप्‌पानी इत हायःसाकायः ङाइ ओउःतलेः तोनेःआलाङ्।

हेब्रैनी 1:9

पेओ काम्‌खे झाक्‌तेःनाः पेमालो काम्‌खे अह्र्तेःनाः ओउःत झ्‍यान्‍ते परमेस्‍वर्‌इ नाङ्‌कोः परमेस्‍वर्‌इपाय् नाङ्‌कायः छीङ्‌ह्‌ती नाङ्‌कोः साथीलम्‌सै आन पेतोलेः ताङ्‌ह्‌ताक्‌ती चोङाय्‌ताक्‌तेःआ बा” तमा परमेस्‍वर्‌इ तोआथै।

हेब्रैनी 12:14

सबै मान्‍ताकुस् ब्राङ्‌काय्‌ती मुसामा बोङःनु पेओ नीङ्ओ ल्‍हुङ् दोःसाकायःमा बोङःनु। ओउःत पेओ ल्‍हुङ् दोःमाःत सुइमा प्रभुकायः योसा खाय्‌नीली।

याकुब् 3:17

ओउः त्‍यावःअसै दोःओ व्‍हाय्‌तो चीःओ ल्‍हुङ्‌पाय् नीङ्ओ लेःआः। ओउःत व्‍हाय्‌तोलेः चीःओ ल्‍हुङ् नाःओ मान्‍तापाय् खह्र्ओ काय्‌काय्ओ मान्‍तापाय् खेःल। ओउःपाय् काङ्ओलेः अरुकुस् ब्राङ्‌ती वाह्ओ लेःआः अरुकायः योनःती योओ मान्‍ता लेःआः बा ओउःइ पेओ काम्‌लम् आन जाङ्‌ह्‌नौ। ताङ्‌ह्ओ मान्‍तामा मीओ मान्‍तामा सुकायःमा घार्‌ताक्‌तीलेः योनौ ओउःइपाय् ब्रेह्‌तो लेइ नोःउलु।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।