रोमी 12:7 - चेपाङ7 यात् अरुखेकायः सबै ङ्हाम्ओलम्कायः काम् जाङ्ह्सा बयःओलेः त खेःया ओउःइपाय् अरुकायः काम् पेतोलेः जाङ्ह्पनौ। अरुकायः ङ्हाम्ओलम्कायः स्यान्सा बयःओलेः त खेःया ओउःइपाय् स्यान्पनौ। အခန်းကိုကြည့်ပါ။ |
रोमी 12:7
31 ပူးပေါင်းရင်းမြစ်များ
यात्दीन्हाङः नीकोदेमस्पाय् येसुकःताङ् याह्दीङ्हाङःलेः वाङ्आ। येसुकःताङ् वाङ्ती “लौ गुरुय नाङ्पाय् परमेस्वर्कःसै स्यान्लाङ् वाङ्ओ मान्ता लेःतेःआः बा। नाङ्इ इच्युक् पेओ ग्याङ्ह्राय् जाङ्ह्ती झ्यान्ते परमेस्वर् नाङ्कुस् मुनाः त ङीइ चीःनाङःसु। परमेस्वर्पाय् ओउःकुस् ब्राङ्ती मुमाया सुइमा इ काम् जाङ्ह्सा खाय्नीली” त दाय्ह्ती नीकोदेमस् दाय्ह्आ।
ओहाङःसैको अन्तीयोक् सहर्कोः येसुकोः ङ्हाम्ओलम्हाङः पास्जन लोन्ते स्याव्सा कुरा छ्यानःसा चीःओमा स्यान्ओ मान्ता खेःइतो। यात्ज्योःखे बर्नाबास् त तोओ खेःतो। यात्ज्योःखे गाल्ओ सीमोन् त मय्ङ्ओ खेःतो। यात्चाक्खे क्युरीनी देस्सै वाङ्ओ लुसीयस् त तोओ खेःतो। यात्चाक्खे मनएन् त तोओ ओउःलेः हेरोद् राजाकोः दर्बाल्हाङः स्यास्ओ खेःतो। यात्ज्योः अरुखे तार्सुस् सहर्सै वाङ्ओ सावुल् खेःतो।
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ओहाङःसैको ओउःतोक् बेलाहाङः येसुकोः कुरा ङ्हाम्ओ मान्तालम्कःताङ् अरुलम् न्हाङ्तोलेः त्योम्ती वाङ्ती नाःतो स्याव्आकाय्। ओहाङःसैको ह्र्यात् मान्तालम्कायःमा बुधा सीओ मोमःचोःलम्कायःमा दीन्का दीन् जेःगालम् वेःती बयःओ खेःतो। ओउः जेःगा वेःती बयःओ बेलाहाङःलम् “लौ ओउः यहुदी मोमःचोःलम्खेकायः भोरःती बयःनाःथास ङी एलेनीकोः मोमःचोःलम्खेकायः य्हुर्ती बयःनाःथास” त दाय्ह्तीताङः ओउः एलेनी भासा नोःओलम् यव्ह्ती त्याङ्आकाय्।
ङ्हाम्ओलम्कायःपाय् परमेस्वर्इ मान्ता मान्ताकायः लःलयः जोक्कोः काम् बयःआकान्। ङ्हापाय् यात्नीस्चाक् परमेस्वर्इ छ्युङ्ह्ती ल्होक्ओ मान्ता लेःआः। ओहाङःसै अरुखे परमेस्वर्कोः कुरा छ्यानःओमयः लेःआः अरुलम् परमेस्वर्कोः कुरा स्यान्ओमयःलेः इ। ग्याङ्ह्राय् जाङ्ह्ओलम् जीक्ओ मान्ता स्याक्ताक्ओलम् लव्ह्ती बयःओलम् अरुकायः हुकुम् बयःओलम् थेथे भासा नोःओलम् इ सबै मुलेःनै।
ကြော်ငြာတွေ