लौ ङाइ नीङ्कःहाङः परमेस्वर्कोः कुरा छ्यानःओमयःमा व्हाय्तो चीःओलम्मा स्यान्ओलम्मा ल्होक्नेःनाङ्सु ओउःमयःकायः नीङ्इ सात्तेःनानी यात्नीस्कायः क्ल्याय्ओ सीङःहाङःतेः योकोःती सात्तेःनानी। अरुलम्कायः नीङ्इ थनःओ कीम्हाङः लाइ स्राप्तेःनानी अरुकायः सहर् सहर्सै नीङ्इ रुनःती ल्होक्तेःनानी।
रोमी 12:6 - चेपाङ6 फेरी ख्रीस्कोः क्रुत् दोम्लो लेखालेः ओउःकोः काम् जाङ्ह्साकायः परमेस्वर्इ मान्ता मान्ताकायः थेथेलेः बयःआतय्ही। यात्चाक्खेकायः परमेस्वर्कोः कुरा छ्यानःती तोसा बयःओलेः त खेःया ओउः मान्ताकोः ङ्हाम्जम्च्युक्लेः परमेस्वर्कोः कुरा छ्यान्ह्ती तोपनौ। အခန်းကိုကြည့်ပါ။ |
रोमी 12:6
31 ပူးပေါင်းရင်းမြစ်များ
ओहाङःसैको अन्तीयोक् सहर्कोः येसुकोः ङ्हाम्ओलम्हाङः पास्जन लोन्ते स्याव्सा कुरा छ्यानःसा चीःओमा स्यान्ओ मान्ता खेःइतो। यात्ज्योःखे बर्नाबास् त तोओ खेःतो। यात्ज्योःखे गाल्ओ सीमोन् त मय्ङ्ओ खेःतो। यात्चाक्खे क्युरीनी देस्सै वाङ्ओ लुसीयस् त तोओ खेःतो। यात्चाक्खे मनएन् त तोओ ओउःलेः हेरोद् राजाकोः दर्बाल्हाङः स्यास्ओ खेःतो। यात्ज्योः अरुखे तार्सुस् सहर्सै वाङ्ओ सावुल् खेःतो।
‘ “लौ स्याङ्ह्ससै लोन्दोहाङः ङाकोः ग्वालामः सबै मान्ताकोः जात्लम्कायः बयःनाङःसु” त दाय्ह्ती परमेस्वर्इ तोआकान्। “ओउः बेलाहाङः नाङ्कोः गोय्चोःलम्मा मोमःचोःलम्इमा लोन्ते स्याव्सा कुरा ङ्हाहाङःसै छ्यानःती तोनानी। नीङ्कोः लाव्मयःलम्इमा नीङ्कोः बुधालम्इमा माङःखाहाङः परमेस्वर्कोः कुरा च्यवःनानी।
ကြော်ငြာတွေ