रोमी 12:5 - चेपाङ

⁵ ओउःतलेः ङी ङ्‌हाम्ओलम्‌पाय् नाःतोलेः मुसापाय् मुनाःतय्‍ही। ख्रीस्‌कोः क्रुत् दोम्‌लो लेखालेः ङी यातैज्‍योः ख्रीस्‌कोः आङ्‌हाङः मुनाःतय्‍ही लयःमयःकुस् ब्राङ्‌तीलेः मुनाःतय्‍ही।

रोमी 12:5 ပူးပေါင်းရင်းမြစ်များ

युहना 17:11

द्याह् ङाखे नाङ्‌कःताङ् वाङ्‌ती ल्‍हाव्‍ह्‌दैबाङ्‌हाङः ज्‍याङःतो मुङल ओउःमयःखे ल्‍हाव्‍ह्‌दैबाङ्‌हाङः मुधाङ्‌नै। लौ छय्‍ङ्‌तो आपाय ओउःमयःकायः नाङ्‌कोः ग्‍वम्इ पेतो ओम्‌पायःती गम्उसु दा। ओहाङःसै नीचीलो लेखा ओउःमयः ल्‍हुङ् ब्राङ्‌तो मुनै।

रोमी 12:4

ङीकोः यातैज्‍योः आङ्‌हाङः क्रुत् दोम् मीक् ले नो अरु नाःतो मुलेःनाः। फेरी क्रुत्इ जाङ्‌ह्‌सा काम्‌लम् थेलेः दोम्इ जाङ्‌ह्‌सा काम्‌लम् थेलेः मीक्इ जाङ्‌ह्‌सा काम्‌लम् थेलेः।

१ कोरीन्‍थी 10:17

यात्‌केरः लाङ्‌मा ङी नाःतोलम्‌कायः सबै थोप्‌नाःतय्‍ही ओउःत खेःओ ङी यातैज्‍योः आङ्‌लो लेखा मुनाःतय्‍ही।

१ कोरीन्‍थी 10:33

ङालो लेखालेः लयःकोः कुरा बोङःमाःत सबैकायः गलमा म्रोताक्‌ती ओउःमयःकायः दल्‌ताक्‌सा बोङःनु।

१ कोरीन्‍थी 12:20

आङ्‌हाङः तालाङ् मीक् नो नेह् क्रुत् दोम् सबै नाःतो लेःआः आङ्‌पाय् यातैज्‍याङ् ह।

१ कोरीन्‍थी 6:15

नीङ्‌कोः आङ्‌लम्‌पाय् ख्रीस्‌कोः आङ्‌ज्‍याङ्‌कोः लेःआः एत नीङ्इ चीःतेःनानी माःर। ओउःत झ्‍यान्‍ते ख्रीस्‌कोः आङ्‌ज्‍याङ्‌पाय् ल्‍हास्‍याकुस् आङ् ब्राङ्‌सा स्‍याव्‌नाः जुगु।

एफेसस् 1:23

मान्‍ताकोः तालाङ्‌कुस् ओउःकोः आङ्‌ज्‍याङ् यातैज्‍योः लेःआः। ओउःलो लेखालेः ख्रीस्‌कुस्‌लेः ङ्‌हाम्ओलम् यातैज्‍योः स्‍याव्‌नै। ओहाङःसैको ख्रीस्इपाय् सबै कुरा यातैज्‍योः ब्राङ्‌ताक्‌ती स्‍याव्‌ताक्‌नौ।

एफेसस् 4:12

दोह्‌कायः बयःओ दाय्‍ह्‌सा परमेस्‍वर्‌कोः काम् पेतो जाङ्‌ह्‌सा थेङा ख्रीस्इलेः लयःकोः ङ्‌हाम्ओलम्‌कायः पेतो स्‍याव्‌ताक्‌साकायः बयःआथास।

एफेसस् 4:25

ओउःत झ्‍यान्‍ते माःओ कुरा फेती लयःमयःकुस् दोङ् कुरा ह नोःकाय्‌न ङी सबैलेः ख्रीस्‌कोः आङ् स्‍याव्‌ती यातैज्‍योः मुनाःतय्‍ही।

एफेसस् 5:23

दोह् हायःती दाय्‍ह्‌सा ङ्‌हाम्ओमयःपाय् ख्रीस्‌कोः आङ्‌लो लेखा मुनै। ओउःमयःकोः पुःओमा दल्‌ताक्ओमा ख्रीस् लेःआः ओउःतलेः बुधाइ बुधीकायःमा पुःनौ।

एफेसस् 5:30

दोह् हायःती दाय्‍ह्‌सा ङी ङ्‌हाम्ओलम्‌पाय् ख्रीस्‌कोः आङ्‌ज्‍याङ्‌लो लेखा मुनाःतय्‍ही।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

कोलसी 2:19

ओउः मान्‍तालम्‌पाय् सबै ङ्‌हाम्ओलम्‌सै पुःओ ख्रीस्‌कुस् ब्राङ्इली। मान्‍ताकोः आङ्‌पाय् तालाङ्‌कुस् द्योप्‌काय्‌ती मुओ ह आङ्‌मा तालाङ्‌मा सबै सोःलम्‌कुस्इ पेतोलेः ल्‍हेङःसा खाय्‌नौ। ओउःलो लेखालेः ङ्‌हाम्ओलम्‌मा ख्रीस्‌कुस् ब्राङ्‌तो मुओ ह परमेस्‍वर्‌इ सबै छेङःकलःताक्‌नाःथास।