ओहाङःसैको ओउः नीस्चाक् मन्दीर्ताङ् दाह्आक्तीको ओउः फरीसीखे चीङ्ती ‘अ परमेस्वर्य ङापाय् अरु मान्तालम्लो लेखालेः रेव्तो काम् जाङ्ह्ओ खेःङल। ङाइ अरुकोः पैसा माःती जेःङल। अरु मान्तालम्कोः बुधीलम्कुस् वाह्ङल। ङापाय् इ जीमदार्च्युक् रेव्तो खेःङल। यात् सातहाङः ङाइ नीस् पल्त उपाङ् काःनाङ्स। ङा दोःओ थोक्लम्कोः दस् भाक्कोः ङाइ याआःज्योः नाङ्कायःलेः बयःनेःनाङ् बा। इच्युक् पेओ काम् जाङ्ह्साकायः ङाइ चीःलेःनाङः त झ्यान्ते नाङ्कायः ङाइ लुङ्तीलेः तोनेःनाङ्’ त दाय्ह्ती ओउः मान्ताखेपाय् लयःकायः तोआकास।
रोमी 12:3 - चेपाङ3 परमेस्वर्इ ङाकायः बयःओ त खेःओ इ कुरा ङाइ द्याह् सबैकायः तोनेःनाङ्स। लयःकायः “ताङ्ह्नाङः” ततेः ताःतेःचाःइसी। ताङ्ह्तोलेः ताःमाःत गुच्युक्लेः परमेस्वर्इ ङ्हाम्ताक्तेःआकाय् ओउःच्युक्लेः “लौ परमेस्वर्इ ङाकायः इच्युक् जाङ्ह्सा बयःआताङः बा” त लःलयःकायः चीःसातेः खेःतो। အခန်းကိုကြည့်ပါ။ |
रोमी 12:3
47 ပူးပေါင်းရင်းမြစ်များ
लौ पुःचोङ् हौचोङ्य यात्ज्योः ङ्हा छ्यान्ह्आक्मालो कुरा ङाइ द्याह् छ्यान्ह्नेःनाङ्स ओहाङःसैको नीङ्इ लयःकोः नेह्रो ओर्ताक्सा खाय्तेःनीली। ओउः कुरापाय् इलेःआः परमेस्वर्इ दोक्ती गम्ओ ङ्हाम्सा खेःओ यहुदी खेःमालोलम्पाय् आःताः जुदालेः ख्रीस्कःताङ् वाङ्माःत यहुदीलम्इपाय् ङ्हाम्सा ग्यामालो मुनै।
नीङ्कःहाङः यात्चाक्इ स्यान्ती तोओ स्यार्मे नाःओ त खेःया ओउःइपाय् परमेस्वर्कोः दोङ् कुरालेः चीःती तोपौ। अरुखेइ ङ्हाम्ओलम्कायः लव्ह्ती जाङ्ह्सा स्यार्मे नाःओ त खेःया ओउःपाय् परमेस्वर्कोः ग्वम् दोःतीलेः जाङ्ह्पौ ओहाङःसै इत हायःतीलेः प्रभु येसुकोः ङ्हाम्ओलम्इ दोह् खेःयाकायःमा परमेस्वर्कायः तोङ्ह्ताक्सा खाय्नानी। ओउः परमेस्वर्पाय् गलकायःमा ग्वम् नाःओमा तोङ्ह्ओमा मुलेःनाः बा। ओउःच्युक्लेः स्याव्पाः दै।
नीङ् लाव्मयःलम्य ओउः दीक्पाल्लम्इ तोओ कुरापाय् ग्याती सायःनु दा। माः रैस नीङ् सबैइ अरु अरुकायः ल्हुङ् युम्तीलेः काम् जाङ्ह्काय्न। सुमा लयःकोः नेह्रो ओर्ताक्लाम् दोह् हायःती दाय्ह्सा परमेस्वर्कोः आखरःहाङः “लौ लयःकोः नेह्रो ओर्ताक्ती वाह्ओलम्खेपाय् परमेस्वर् झाक्ल मीतो वाह्ओलम्खे परमेस्वर्इ योनःती योती पेतोलेः बयःनाःथास” त दाय्ह्ती दाय्ह्ओ लेखती मुनाः।
ကြော်ငြာတွေ