रोमी 12:15 - चेपाङ

¹⁵ चोङाय्ओ मान्‍तालम्‌कुस् चोङाय्‌ती मुन क्रेस्ओ मान्‍तालम्‌कुस् क्रेस्‌ती र्‍याःन।

रोमी 12:15 ပူးပေါင်းရင်းမြစ်များ

लुका 1:58

गोय्‌चोःचोः ओत्आक्‌तीको “लौ इलीसबाकायःजा आन पेतो योनःती योती परमेस्‍वर्‌इ गोय्‌चोःचोः दोःताक्आथै रैस” त सायःती ओउःकोः लयःकोः मान्‍तालम्‌मा गाव्‌कोः मान्‍तालम्‌मा म्रोती चोङाय्‌ती हुम्‌लाङ् वाङ्आकाय्।

युहना 11:19

फेरी यरुसालेम्‌सै नाःतो यहुदीलम् मार्‌था मरीयम् नीस् नाःचाःकायः ल्‍हुङ् द्युमःताक्‌सा तोलाङ् वाङ्आकाय्।

खबरदुत 11:23

ओहाङःसैको अन्‍तीयोक् सहर्‌ताङ् दाह्‌ती वाङ्आक्‌तीको “परमेस्‍वर्‌इ ओउःमयःकायः आन पेतो जाङ्‌ह्आथास” त च्‍यवःती बर्‌नाबास्‌पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्‍हुङ् फुस्‌तीलेः ङ्‌हाम्‌नु दा” त दाय्‍ह्‌ती बर्‌नाबास्इ लव्‍ह्‌ती तोआथास।

२ कोरीन्‍थी 11:29

यात्‌चाक् ध्‍यव्‌तोलेः मुनाः त खेःया ङामा ध्‍यव्‌गार्‌नाङः। यात्‌चाक्‌कायः रेव्ओ काम्इ गन्‌नाःथै ङाकायःमा ल्‍हुङ्‌हाङः आन लीह्‌नाङः।

२ कोरीन्‍थी 2:3

नीङ्‌कायः लीह्‌तो स्‍याव्‌ताक्‌माःसाकायः ङाइ चेती लेखनेःआलाङ्‌स। “ङा वाङ्‌चाङः त खेःया ओउःमयःइ ङाकायः चोङाय्‌ताक्ओ खेःल लीह्‌ताक्‌नाःताङः” त म्‍हर्‌ती नीङ्‌कःहाङः वाङ्‌ङल चेतीलेः लेखनेःआलाङ्‌स। ङामा चोङाय्‌ती मुनाङः त खेःया नीङ् सबैमा चोङाय्‌तेःनै त ङाइ चीःनाङः।

फीलीपी 2:26

द्याह् ओउःपाय् नीङ्‌कायः आन झाह्‌ती ल्‍हुङ् र्‍याङःतोलेः मुनाः दोह् हायःती दाय्‍ह्‌सा “ओउःपाय् आन जीक्‌नाः” त दाय्‍ह्ओ ओउःकायः कुरा सायःताङःतेःआकानी।

फीलीपी 2:28

द्याह् ओउःपाय् ङाइ आन झाक्‌ती ल्‍होक्‌नेःनाङ्‌स ओहाङःसैको ओउःकायः क्रुस्आक्‌तीको नीङ्‌मा चोङाय्‌तेःनै ङा लीह्ओमा बल अम्‌नाङः।

हेब्रैनी 13:3

फेरी झ्‍याल्‍खानहाङः थुनती मुओलम्‌कायः नीङ्‌मा ओउःमयःकुस् मुओलो लेखा ताःती लव्‍ह्‌सा खेःतो एतमा म्‍हेःलाम्। लीह्‌सीःओ गोरःओलम्‌कायः नीङ्‌मा लयः धेःती लीह्‌सीःओ गोरःती मुओलो लेखा योनःतीलेः योनु दा।