लौ उया इ मोमःचोःकोः नाःतो रेव्ओ काम् जाङ्ह्झ्याङ्कोःपाय् परमेस्वर्इ क्युम्ह्तोलेः वाय्नौ दोह् हायःती दाय्ह्सा ओउःइ आन राप्ओ काम् जाङ्ह्लेःआकान्। ओउःखेइ आन राप्उतो सुसुखेइ रेव्ओ काम्लम्पाय् नाःतो जाङ्ह्माःत झ्यान्ते नाःतो क्युम्ह्ती वाय्सा खेःहाङ्ल ओउः मान्ताइमा नाःतो राप्उलु” त दाय्ह्ती येसुइ सीमोन्कायः तोआकान्।
रोमी 12:1 - चेपाङ1 लौ उया पुःचोङ् हौचोङ्य परमेस्वर्इ ङीकायः एतलेः योनःती योआतय्ही ओउःत झ्यान्ते ओउःकायः म्रोताक्साकायः रेव्ओसै छय्ङ्ती पेङ्कलःतो स्याव्ती ओउःकोः काम् जाङ्ह्सा थेङा परमेस्वर्कायः लयःकोः आङ्मा ल्हुङ्मा जुदालेः ल्हाइसी एतलेः तेती तोनेःनाङ्स। ओउःत हायःसापाय् परमेस्वर्कायः दोङ् पेओ मानसा लेःआः बा। အခန်းကိုကြည့်ပါ။ |
रोमी 12:1
49 ပူးပေါင်းရင်းမြစ်များ
ओहाङःसै परमेस्वर्कायः चीःमालो ल्हाव्ह्दैबाङ्कोः मान्तालम्लो लेखालेः वाह्लाम् परमेस्वर्इ बयःओ रौ ल्हुङ् दोःती वाह्न। ओहाङःसै परमेस्वर्कोः ल्हुङ्हाङः झाक्ओ कुरालेः चीःसा खाय्तेःनानी। दोह् दोह् कुरा पेओ लेःआः दोह् दोह् कुरा ओउःकायः म्रोताक्ओ लेःआः दोह् दोह् छय्ङ्तो नीङ्ओलेः मुनाः ओउःमा चीःसा खाय्तेःनानी।
नीङ्इ अरु मान्ताकोः काम्लम् ग्याती केलःती जाङ्ह्तेःनानी त खेःया ओउः मान्ताकोः नोकरीलो लेखा स्याव्तेःनै। एतलेः नीङ्इ रेव्ओ काम्लम्खे ग्याती जाङ्ह्तेःनानी त खेःया रेव्ओकोः नोकरी स्याव्ती सीतेःनै। खेःल परमेस्वर्कोः पेओ काम्खे ग्यातीलेः जाङ्ह्तेःनानी त खेःया ओउःकोः मीक्हाङः पेतोतेः स्याव्तेःनै।
लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा”
ကြော်ငြာတွေ