रोमी 11:6 - चेपाङ

⁶ ओहाङःसै ओउःमयःइ जाङ्‌ह्ओ पेओ काम्‌लम्‌कायः छीङ्‌ह्ओलेः खेःइली परमेस्‍वर्‌इ लयः झाक्‌ती योनःती योओलम्‌कायः ह ओउःइ छीङ्‌ह्आकान्। पेओ काम्‌लम् जाङ्‌ह्ओकायः छीङ्‌ह्आथास त खेःया योनःती योसा परल।

रोमी 11:6 ပူးပေါင်းရင်းမြစ်များ

लुका 6:13

ओहाङःसैको न्‍याम् दाह्आक्‌तीको ओउःकोः लयःकुस् वाह्ओमयःकायः गोत्‌ती ओउःमयःकःसै येसुइ बारजन छ्युङ्‌ह्‌ती “लौ नीङ् बारजनपाय् ङाकोः पेओ समचार्‌ थोल्‍ह्‌ती तोसा ल्‍होक्ओमयःलेःतेः स्‍याव्‌तेःपै” त दाय्‍ह्‌ती तोआथास।

१ कोरीन्‍थी 15:10

परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।

गालाती 2:21

परमेस्‍वर्‌इ ङीकायः योनःती बयःओ कुरापाय् त्‍याक्‌माःत मुसा ङा गलकायःमा ग्‍याङल। ऐन्‌कोः कुरा जाङ्‌ह्‌धार्‌नालेः ङी पेतो स्‍याव्‌नाःतय्‍ही त खेःया लौ ख्रीस्‌पाय् आह्रेलेः सीओआः बा।

गालाती 5:4

ऐन्‌कोः कुरा जाङ्‌ह्‌ती परमेस्‍वर्‌कोः मीक्‌हाङः पेतो स्‍याव्‌सा बोङःतेःनानी त झ्‍यान्‍ते नीङ्इ ख्रीस्‌कःसै जुगाङ्‌लेः वेङःतेःआकानी ओउःइ नीङ्‌खेकायः द्याह् योनःती योतेःइली।

२ तीमोथी 1:9

ओउःइ ङीकायः दल्‌ताक्‌ती लयःकोः मान्‍तालम् स्‍याव्‌साकायः गोत्आतय्‍ही। ङीपाय् ङीकोः लयः जाङ्‌ह्ओ काम्‌कायः छीङ्‌ह्ओ खेःतय्‍हीली परमेस्‍वर्‌इ ल्‍हाव्‍ह्‌दैबाङ् जाङ्‌ह्ओकोः ङ्‌हाहाङःसैलेः ङीकायः योनःती लयः झाक्‌ती येसु ख्रीस्इ दल्‌ताक्‌साकायः छीङ्‌ह्आतय्‍ही।