रोमी 11:22 - चेपाङ

²² परमेस्‍वर्‌पाय् यात्‌नीस्‌कायः गुच्‍युक् काङ्ओ लेःआः अरुकायः आन खह्र्ओ लेःआः त नीङ्इ चीःसा खेःतो। ओउः ङ्‌हाम्‌मालो वाय्ओलम्‌खेकः परमेस्‍वर्‌ खह्र्ओ लेःआः। योनःती योतोक्‌हाङःपाय् नीङ्‌खेकः परमेस्‍वर्‌ आन काङ्ओलेः मुनाः। ओउःकोः काङ्‌ती हायःओ नीङ् अह्र्तेःचनै। अह्र्तेःनै त खेःया झाक्‌तेःइली त खेःया ओउःइ काङ्‌तो हायःओ फेती नीङ्‌कायःमा वाय्‌तोलेः स्‍याव्‌ताक्‌तेःनै।

रोमी 11:22 ပူးပေါင်းရင်းမြစ်များ

लुका 8:15

अरु मान्‍तालम्‌खेइ परमेस्‍वर्‌कोः कुरा सायःती पेओ ल्‍हुङ्‌हाङः सेती ङ्‌हाम्आक्‌तीको ओउःकोः काम् गुह्र्माःत ब्‍याव्‌तीलेः जाङ्‌ह्‌नानी। इ मान्‍तालम्‌पाय् ओउः पेओ साःहाङः दीह्ओ बीया चोयालो लेखा मुलेःनै” त दाय्‍ह्‌ती येसुइ छ्यानःआथास।

युहना 15:2

जुदा ङाकोः सायःमालो केङ्‌कालम्‌खे ओउःइ ह्राह्‌ती वाय्‌नौ सायःओलम्‌खे ओउःइ न्‍हाङ्‌तो सायःताक्‌साकायः त्‍यङ्‌ह्‌नौ।

युहना 8:31

ओउः ङ्‌हाम्ओ यहुदीलम्‌कायः “लौ ङाइ स्‍यान्ओ कुराकः नीङ् ग्‍याती जाङ्‌ह्‌तेःनानी त खेःया नीङ्‌पाय् दोङ्‌सीलेः ङाकुस् वाह्ओमयःतेः खेःतेःनै बा

खबरदुत 11:23

ओहाङःसैको अन्‍तीयोक् सहर्‌ताङ् दाह्‌ती वाङ्आक्‌तीको “परमेस्‍वर्‌इ ओउःमयःकायः आन पेतो जाङ्‌ह्आथास” त च्‍यवःती बर्‌नाबास्‌पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्‍हुङ् फुस्‌तीलेः ङ्‌हाम्‌नु दा” त दाय्‍ह्‌ती बर्‌नाबास्इ लव्‍ह्‌ती तोआथास।

खबरदुत 14:22

ओहाङःकोः येसुकोः ङ्‌हाम्ओलम्‌कायः लव्‍ह्‌ती तोआकाचु “लौ येसुकोः कुरा फेमाःत ग्रमःतलेः ङ्‌हाम्‌लेःआनु। लीह्‌सीःओ च्‍यवःओहाङःमा फेलाम् ग्रमःत मुन। लीह्‌सीःओमा हेलामा गोरःती ङी परमेस्‍वर्‌कोः राजीताङ् दाह्‌नाःतय्‍ही बा” त दाय्‍ह्‌ती स्‍यान्आथास।

रोमी 11:21

दोह् हायःती दाय्‍ह्‌सा लयः छीङ्‌ह्ओ यहुदीलम्‌कायः परमेस्‍वर्‌इ ङ्‌हाकोः दालालम्‌लो लेखा वाय्‌सा खेःतो त खेःओ नीङ् लोने च्‍योतोती गम्ओलम्‌पाय् पेतो हायःतेःनीली त खेःया ओउःइ नीङ्‌कायः न्‍हाङ्‌तोलेः वाय्‌सा ग्‍यानाः।

रोमी 2:7

सुसुखेइ गलकायःमा पेओ काम्‌लेः जाङ्‌ह्‌धै लयःकायः पेतोमा ताङ्‌ह्‌तो स्‍याव्‌साकायःमा गलमा द्योक्‌मालो जीङःकायःमा बोङःनानी ओउःमयःकायःलेः परमेस्‍वर्‌इ गलमा द्योक्‌मालो जीङः बयःआनाःथास।

१ कोरीन्‍थी 15:2

नीङ्इपाय् आह्रे ङ्‌हाम्‌तेःनीली त खेःया इ ङाइ तोओ पेओ समचार्‌ पेतोतेः ङ्‌हाम्‌ती झ्‍यान्‍ते नीङ् रेव्ओसै दल्‌तेःनै।

गालाती 6:9

पेतो हायःतोक्‌हाङः ल्‍हुङ् ब्‍ल्‍यवःतेःचनै ग्रमःत मुन। ओहाङःसैको लोनेः नीङ्‌कोः हायःझ्‍याङ्‌कोः दोःतेःनै।

१ थेसलोनिकि 3:5

ओहाङःसै “ओउः थेसालोनीकाहाङः मुओलम्‌पाय् गतलो ङ्‌हाम्‌ती मुनै। ओउःमयःकायः सैतान्इ थ्‍योन्‍ह्‌ती ङ्‌हाम्‌सा फेताक्‌चाःथास यादो ओउःत झ्‍यान्‍ते ङीकोः काम् लोल” त म्‍हर्‌ती नीङ्‌कायः आन ल्‍हुङ् रुःआलाङी। ओउःत खेःओ नीङ्‌कोः कुरा सायःसाकायः नीङ्‌कःताङ् तीमोथी ल्‍होक्‌ङोतो

१ थेसलोनिकि 3:8

परमेस्‍वर्‌कोः काम् नीङ्इ फेमाःत पेतोलेः जाङ्‌ह्‌धै मुतेःनै त झ्‍यान्‍ते ङीकोः जीङःपाय् स्‍याक्‌लेःनाः।

हेब्रैनी 10:23

ङीइ ङ्‌हाम्‌ती तोओ कुरापाय् क्रोङ्ओ ल्‍हुङ्इ ङ्‌हाम्‌नी दोह् हायःती दाय्‍ह्‌सा परमेस्‍वर्‌इ तोती गम्ओ कुरापाय् ओउःइ गलमा म्‍हेःमाःत दोङ्‌सीलेः ताप्‌ताक्‌नौ बा।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

हेब्रैनी 3:6

येसु ख्रीस्‌खेपाय् परमेस्‍वर्‌कोः चोःलेः खेःती झ्‍यान्‍ते परमेस्‍वर्‌कोः मान्‍तालम्‌सै पुःती ओउःकोः काम् पेतो जाङ्‌ह्‌नौ। फेरी ङीइपाय् ग्रमःत मुती लोनेः वाङ्‌सा कुराकायः पेतो चोङाय्‌तोलेः ङ्‌हाम्‌पाःतय्‍ह्‌नी ओउःत खेःया परमेस्‍वर्‌कोः मान्‍तापाय् ङीलेः खेःनाःतय्‍ही।

१ युहना 2:19

ओउः बीरोत्‌लम्‌पाय् ङीकःसै वेङ्इसीतो ङीकुस् दोङ् ब्राङ्ओमयः खेःइली ङीकुस् ब्राङ्ओमयः खेःइतो त खेःया ओउःमयः ङीकःसै वेङ्आक्इली। ङीकःसै वेङ्‌ती आल्आकाय् त झ्‍यान्‍ते ओउःमयः ङीकुस् ब्राङ्‌मालोलेः त छ्यानःआकानी।

प्रकाश 2:5

नाङ् ङ्‌हापाय् गुच्‍युक् पेतोतेः खेःतो त ल्‍हुङ्‌हाङः साक्आयःसा खेःतो। नाङ्इ ल्‍हुङ् द्यान्‍ह्‌ती ङ्‌हापाय् गतलोतेः पेतो हायःतेःउतो ओउःतलेः द्याह्‌मा हायःउ दा। नाङ्इ द्याह्‌हाङःसै हायःतेःउलु त खेःया नाङ्‌कोः बत्तीकोः तेव्‌केरासै त्‍युत्‌ती वाय्‌लाङ् वाङ्‌नाङः।