रोमी 11:13 - चेपाङ

¹³ द्याह् नीङ् यहुदी खेःमालोलम्‌कायः तोचेःनाङ्‌स। ङापाय् यहुदी खेःमालोलम्‌कायः ख्रीस्इ छ्युङ्‌हओ ल्‍होक्ओमयः लेःआः ङ। नीङ्‌कायः ल्‍होक्‌च्‍युक्‌हाङः ङाइ ओउः काम्‌कायःपाय् आन ङाःतीलेः तोनाङः

रोमी 11:13 ပူးပေါင်းရင်းမြစ်များ

खबरदुत 13:2

ओउःमयः पास्‌जन परमेस्‍वर्‌कायः झाह्‌ती तोती उपाङ् काःती मुतोक्‌हाङः “लौ ङाइ तोओ काम् जाङ्‌ह्‌साकायः इनीस् सावुल् त तोओमा बर्‌नाबास् त तोओमा वेङ्‌ती गम्‌पाःच” त दाय्‍ह्‌ती परमेस्‍वर्‌कोः ग्‍वालामःइ तोआथास।

खबरदुत 22:21

एत त्‍याङ्आक्‌तीको ‘लौ आल्अ दा यहुदी खेःमालो जात्‌लम्‌कायः स्‍यान्‌ती तोलाङ् ङाइ नाङ्‌कायः लोक्‌तो लोक्‌तो देस्‌लम्‌ताङ् ल्‍होक्‌नेःनाङ् बा’ त दाय्‍ह्‌ती येसुइ तोआताङः” त दाय्‍ह्‌ती पावुल्इ ओउः हुम्ओ यहुदीलम्‌कायः तोआथास।

खबरदुत 9:15

“खेःल नाङ् आल्अ दा। ओउः मान्‍तापाय् अरु इस्राएल्‌कोः मान्‍तालम्‌कायः ङाकोः कुरा तोसाकायः छ्युङ्‌ह्आलाङः बा। ङाकोः कुरा अरु यहुदी खेःमालो जात्‌लम्‌कायःमा ओउःमयःकोः राजालम्‌कायःमा ओउःइलेः तोसा खेःतो।

गालाती 1:16

ओहाङःसैको यहुदी खेःमालो मान्‍तालम्‌कायः ओउःकोः चोःकोः कुरा थोल्‍ह्‌ती तोसाकायः परमेस्‍वर्‌इ येसु ख्रीस्‌लेः छ्यानःआताङः। ओउःत ङाकःताङ् छ्यानःआथै

गालाती 2:2

परमेस्‍वर्‌इ ङाकायः “लौ आल्अ दा” त तोती झ्‍यान्‍ते यरुसालेम्‌ताङ् आल्आलाङः। ओहाङः आल्‌ती ङ्‌हाम्ओलम्‌कोः ताङ्‌ह्ओ मान्‍ता त तोओलम्‌कुस् क्रुस्आलाङः। ओउःमयःकुस् झुङ्आले क्रुस्‌ती क्रुस्‌तोक्‌हाङः “ङाइ ङ्‌हा जाङ्‌ह्ओ काम्‌मा जाङ्‌ह्‌धै मुओ काम्‌मा आह्रे स्‍याव्‌लाम्” त दाय्‍ह्‌ती म्‍हर्‌ती यहुदी खेःमालोलम्‌कायः ङाइ दोह् दोह् पेओ समचार्‌ तोओ खेःतो ओउः सबैलेः ओउः ताङ्‌ह्ओ मान्‍तालम्‌कायः ल्‍हाक्‌ती छ्यानःआलाङःसु।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

१ तीमोथी 2:7

ओउः कुरा छ्यानःती “इ येसु ख्रीस्‌कोः दोङ् कुरा ङ्‌हाम्‌नु” त ङाइ थोल्‍ह्‌ती तोसाकायःमा परमेस्‍वर्‌इ ङाकायः यहुदी खेःमालो मान्‍तालम्‌कःताङ् छ्युङ्‌ह्‌ती ल्‍होक्आताङः। एत दाय्‍ह्‌ती ङाइ माःती तोओ खेःल दोङ् कुरालेः तोनेःनाङ् बा।