रोमी 11:1 - चेपाङ1 लौ उया “ओउःकोः लयःइ छीङ्ह्ओ यहुदीलम्कायः परमेस्वर्इ फेआकान्या” त दाय्ह्ती मान्ता व्हत्नै यादो। खेःल बा। ङापाय् आब्राहाम्कोः प्लोमःदानेलेः खेःनाङः बेन्यामीन्कोः होह्र्कोः मान्ता लेःआः ङ। ओउःत झ्यान्ते ङामा यात्चाक् इस्राएली त तोओ यहुदी जात्कोः मान्ता लेःआः ङ। အခန်းကိုကြည့်ပါ။ |
रोमी 11:1
17 ပူးပေါင်းရင်းမြစ်များ
ओहाङःसैको पावुल् फेरीलेः नोःती “लौ ङापाय् सीलीसीया जील्लाकोः तार्सुस् सहर्हाङः ओत्ओ यहुदी मान्ता लेःआः ङ। लोन्ते इ यरुसालेम् सहर्ताङ् वाङ्ती ङाइ गामालीएल् त तोओ मास्तर्कःहाङः ङीकोः आय्कानः तोकानःइ जवओ ऐन् पेतो स्यान्आलाङःस। नीङ्लो लेखा ङाइ परमेस्वर्कोः कुरा जाङ्ह्ओ आन पेतोलेः झाक्ती जाङ्ह्आलाङः।
ओउःत हायःओ त खेःओ “ओउः यहुदीलम् क्वेन्ह्ती तोन्तोक्हाङः जुगाङ्लेः वाय्तो स्याव्आकाय्या” त दाय्ह्ती यात्नीस्इ व्हत्चानी यादो। खेःल ओउः यहुदीलम्खे ब्रःतोक्हाङः यहुदी खेःमालोलम्खे दल्तो स्याव्आकाय्। एत चीःआक्तीको ओउः यहुदीलम्पाय् ल्हुङ् लती “लौ ङीमा ओउःलो लेखालेः स्याव्पाःतय्ही” त दाय्ह्ती म्हर्ताक्साकायः परमेस्वर्इ ओउः यहुदी खेःमालो जात्लम्कायः दल्ताक्आथास।
परमेस्वर्इ तोती गम्ओ कुरापाय् दोङ् ङ्हाम्सीःओ कुरा लेःआः बा। माःहै मान्तालम्खेपाय् सबै माःओलेः मुचै त खेःया परमेस्वर्खे दोङ्सीःओ मुलेःनाः। ओउःकोः आखरःहाङः “लौ त्यानःकाय्ती नोःतोक्हाङःमा तय्छनःती योओ बेलाहाङःमा नाङ्कोः कुरा दोङ् पेओ कुरा लेःआः त सबैकायः छ्यानःसाआः” त दाय्ह्ओ परमेस्वर्कायः तोओ कुरा आखरःहाङः लेखती मुनाः।
ကြော်ငြာတွေ