रोमी 10:6 - चेपाङ6 ओउःखेपाय् ऐन् जाङ्ह्ती परमेस्वर्कोः मीक्हाङः पेतो स्याव्सा कुरालेः। इखेपाय् ङ्हाम्आक्तीको पेतो स्याव्सा कुरा लेःआः “लौ सुखेलो लाङ्काहाङः लन्ह्चै” त ल्हुङ्हाङः म्हर्लाम् ओउःत हायःसा ख्रीस्कायः ग्ल्युनःसालेः। အခန်းကိုကြည့်ပါ။ |
रोमी 10:6
15 ပူးပေါင်းရင်းမြစ်များ
ओउः दोङ् लाङ्कासै ग्ल्युङ्ह्ओ जेःगा ङा लेःआः। इकायः जेःआक्तीको मान्तापाय् गलमा द्योक्मालो जीङः दोःनै। ओउः जेःगापाय् उय्ह्लेकोः मन्न आम्ह् त तोओलो लेखालेः खेःबाय्ल ओउः मन्नकायः जेःओलम् द्युम्मालो जीङः दोःइली। जेःआक्तीको ओउःमयः सीइतो ङाखेकोः जेःआक्तीको मान्ता गलमा द्युम्मालो जीङः दोःआनै” त दाय्ह्ती येसुइ तोआथास।
मान्ताकोः रेव्झ्याङ्कोः ल्हाङःसा थेङा येसु ख्रीस्कायः परमेस्वर्इ सीसा ताक्आथै। ओहाङःसैको मान्तालम्इ ओउःकायः ङ्हाम्आक्तीको ओउःकोः वयः बयःधार्नालेः ओउःमयःकोः रेव्झ्याङ्कोः मीह्ती वाय्सा स्याव्नाः। एतलेः मान्ताकोः रेव्ओपाय् मीह्ती वाय्ताक्ती परमेस्वर्इ लयःकोः पेतो हायःओ छ्यानःनौ। ङ्हासै येसु ख्रीस् वाङ्धाङ्आक्मालो बेलाहाङः मान्ताकोः रेव्झ्याङ्कोः परमेस्वर्इ बयःआक्उलु रेव्ओ मान्तालम्कायः ओउःइ न्युम्ह्आक्थासल
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
ကြော်ငြာတွေ