रोमी 1:4 - चेपाङ4 ओउःपाय् परमेस्वर्कोः चोः लेःआः त छ्यानःसाकायः सीआक्तीको ओउःकायःपाय् ओउः छय्ङ्ओ ग्वालामःइ आन ग्वम्इ उह्ती च्योक्ताक्आथै। အခန်းကိုကြည့်ပါ။ |
रोमी 1:4
20 ပူးပေါင်းရင်းမြစ်များ
लोन्तेखेहाङः परमेस्वर्इ ङ्हा तोती गम्ओ दीन्हाङः यात्ज्योः परमेस्वर्इ छीङ्ह्ओचाक्इलेः सबै मान्तालम्कायः मान्ता मान्ताकोः कुरा सायःती सुसु ‘पेनाः’ सुसु ‘पेमालो’ त तय्छनःतीलेः तोनौ। इ कुरापाय् दोङ्सी लेःआः त सबैकायः छ्यानःसाकायः इ परमेस्वर्इ छीङ्ह्ओ चाक्कायः सीआक्तीको परमेस्वर्इ च्योक्ताक्आथै” त दाय्ह्ती पावुल्इ सायःलाङ् हुम्ओ मान्तालम्कायः तोआथास।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ