रोमी 1:28 - चेपाङ

²⁸ ओहाङःसै ओउः मान्‍तालम्इ परमेस्‍वर्‌कोः कुरापाय् ल्‍हुङ्‌हाङः सेती गम्‌सा ग्‍याइली त झ्‍यान्‍ते परमेस्‍वर्‌इ “लौ ओउःमयः ल्‍हुङ्‌तुक्‌हाङः रेव्‌पै” त दाय्‍ह्‌ती ओउःमयःइ रेव्ओ काम् जाङ्‌ह्‌साकायः फेआथास।

रोमी 1:28 ပူးပေါင်းရင်းမြစ်များ

खबरदुत 17:23

नीङ्‌कोः सहर्‌हाङः वाह्‌तोक् बेलाहाङः ङाइ नाःतो मुर्‌ती च्‍यवःआलाङः बा। च्‍यवःतोक्‌हाङः यात्‌ज्‍योः थान्‌हाङः ‘इ थान् ङीइ चीःमालो इस्‍वर्‌कायः जाङ्‌ह्ओआः’ त लेखती मुओमा च्‍यवःआलाङः। लौ इ नीङ्इ झाह्ओ चीःआक्‌मालो इस्‍वर्‌कोः कुरा ङाइ द्याह् स्‍यान्‌ती चीःताक्‌चेःनाङ्‌स बा।

खबरदुत 17:32

एतलेः पावुल्इ तोथासतो “यात्‌चाक् सीआक्‌तीको उह्‌ती च्‍योक्ओ लेःआः” त सायःआक्‌तीको यात्‌नीस् मान्‍तालम्‌खेइ ङ्‌हाम्‌माःत पावुल्‌कायः ङीःआथै अरुखेइ “नाङ्इ तोओ कुरापाय् ङीइ लोन्‍तेमा सायःसा खेःतो” त दाय्‍ह्‌ती तोआकानी।

रोमी 1:18

ओहाङःसैको सुसुखेइ परमेस्‍वर्‌कः ग्‍यामाःत मुती रेव्‌तो जाङ्‌ह्‌ती ओउःकोः दोङ् पेओ कुरा त्‍याःनानी ओउःमयःकः ओउः लाङ्‌काहाङः मुओ परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।

रोमी 1:21

परमेस्‍वर्‌कायः मान्‍तालम्इ तय्‍ह्‌सापाय् तय्‍ह्‌नीतो ओउःकायः ताङ्‌ह्‌ताक्‌सामा ग्‍याइली “च्‍युता” त तोसामा ग्‍याइली। ग्‍यामाःत झ्‍यान्‍ते ओउःमयःकोः ल्‍हुङ्‌तुक्‌कोः कुरा भाङःती वाय्ओ लेःआः बा ओउःमयःकोः ल्‍हुङ्‌पाय् च्‍याक्‌तो स्‍याव्आ।

रोमी 1:24

मान्‍तालम्इ ओउःतलेः भाङःती वाय्ओ काम्‌लम् जाङ्‌ह्‌ती झ्‍यान्‍ते ओउःमयःकोः ल्‍हुङ्इ मोह्‌हाय्ओ रेव्ओ कुरा जाङ्‌ह्‌साकायःलेः परमेस्‍वर्‌इ “लौ रेव्‌तेःपै” त दाय्‍ह्‌ती फेआथास। ओहाङःसैको ओउः मान्‍तालम् लयःमयःकुस् आन अह्र्सीःओ काम् जाङ्‌ह्‌काय्आकाय्।

रोमी 1:26

ओउःत खेःओ ओउःमयःइ लयः मोह्‌हाय्ओ रेव्ओ काम् जाङ्‌ह्‌साकायः परमेस्‍वर्‌इ फेआथास। ओहाङःसैको मोमःचोःलम् लयःकोः गोय्‌चोःकुस् एनःओ फेती अरु मोमःचोः गोय्‌चोःकुस् जुगाङ् रेव्‌तो ल्‍हास्‍या काम् जाङ्‌ह्आकानी।

१ कोरीन्‍थी 15:34

व्‍हक्‌तोलेः चीःती पेओ काम् जाङ्‌ह्‌नौ दा नीङ्‌कोः रेव्ओ काम् ताःताः जाङ्‌ह्‌नुलु। नीङ्‌पाय् रास्‌सा खेःतो त तोनेःनाङ्‌स बा दोह् हायःती दाय्‍ह्‌सा यात्‌नीस्‌चाक्इ परमेस्‍वर्‌कायः तय्‍ह्‌तेःनीली।

२ कोरीन्‍थी 10:5

सबै आह्रे माःती नोःओ काय्‌काय्ओलम्‌कायःमा सबै परमेस्‍वर्‌कोः कुरा ङाःती त्‍याःसा बोङःओलम्‌कायःमा ङीइ क्‍लीमःनाङःसु। फेरी मान्‍ताकोः ल्‍हुङ्‌लम् सबै ख्रीस्‌कः ग्‍यातो स्‍याव्‌ताक्‌नाङःसु।

एफेसस् 5:4

रेव्‌तो नोःओमा थ्‍यावःओ कुरामा गलमा नोःमाःत सबैकायः परमेस्‍वर्‌कायः “च्‍युता” त तोतेःपानी।

२ थेसलोनिकि 1:8

ओहाङःसै ओउः परमेस्‍वर्‌कायः चीःमालोमा प्रभु येसुकोः पेओ समचार्‌ सायःसा ग्‍यामालो मान्‍तालम्‌कायःमा ओउःमयःकायः ल्‍युङ्ओ म्‍हेःइ जेःती न्‍युम्‍ह्‌ताक्‌नाःथास।

२ तीमोथी 3:8

उय्‍ह्‌लेकोः यानस् याम्‍ब्रस् त तोओनीस् मोसाकोः काम्‌पाय् आन त्‍याःसा बोङःचुतो ओउःनीस्‌लो लेखालेः

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।

फीलेमोन् 1:8

ओउःत झ्‍यान्‍ते नाङ्इ दोह् हायःसा खेःतो त गानाक्‌ती तोनेःनाङ्‌ल। नाङ्‌कायः गानाक्‌ती तोसा खाय्‌सापाय् खाय्‌नेःनाङ् दोह् हायःती दाय्‍ह्‌सा ओउःत हायःसाकायः ख्रीस्इ बयःआताङः बा।

२ पत्रुस् 3:5

ओउःत तोसापाय् तोनानी दोङ् कुरा चीःमालो लेखालेः तोनानी दोह् हायःती दाय्‍ह्‌सा परमेस्‍वर्‌कोः नोःराय्इ उय्‍ह्‌लेहाङः फेल्‌बाङ्‌मा जाङ्‌ह्आकान् साःमा तीःसै फाःती गम्ओ खेःतो एत ओउःमयःइ झाक्‌तीलेः म्‍हेःआकानी। ओहाङःसैको तीःइपाय् घोदुङ् यादुङ् जाङ्‌ह्ओलेः खेःतो।