रोमी 1:23 - चेपाङ

²³ ओउः गलकायःमा सीमालो परमेस्‍वर्‌कायः ताङ्‌ह्‌ताक्‌माःत ओउःमयःइ सीसा खेःओ मान्‍ताकोः रुप् जाङ्‌ह्ओ मुर्‌तीकायःमा पुजा जाङ्‌ह्आकानी जाःलम् वाःलम् ङाःलम्‌लो लेखा जाङ्‌ह्ओ मुर्‌तीलम्‌कायःमा पुजा जाङ्‌ह्आकानी बा।

रोमी 1:23 ပူးပေါင်းရင်းမြစ်များ

खबरदुत 10:12

ओउः क्‍लाःओ लावःहाङः सबै साःहाङः वाह्ओमयःमा वाःलम्‌मा मुओ खेःतो।

खबरदुत 17:29

ङी मान्‍तालम्‌पाय् परमेस्‍वर्‌कोः रधीङःलेः खेःनाःतय्‍ही त खेःया ओउः परमेस्‍वर्‌पाय् ‘मान्‍ताकोः क्रुत्इ जाङ्‌ह्ओ सुन् चान्‍दी बाङ्‌कोः जाङ्‌ह्ओ द्यव्‌ता लेःआः। ओउःकोः रुप् जाङ्‌ह्‌सा खाय्‌नाःतय्‍ही’ त दाय्‍ह्ओ ङी गलमा म्‍हर्‌सा स्‍याव्‌ल। परमेस्‍वर्‌पाय् इ थोक्‌सै जाङ्‌ह्ओ खेःबाय्‌ल।

रोमी 1:25

परमेस्‍वर्‌कोः दोङ् पेओ कुराखे फेती ओउःमयःइ माःओ कुराखे ङ्‌हाम्आकानी। ओउः सबै जाङ्‌ह्ओ गलकायःमा ताङ्‌ह्‌ताक्‌सा खेःओ परमेस्‍वर्‌खेकायः मानओ खेःल ओउःइ जाङ्‌ह्ओ थोक्‌लम्‌खेकायः ताङ्‌ह्‌ताक्‌तीलेः पुजा जाङ्‌ह्‌माआकानी।

१ कोरीन्‍थी 12:2

परमेस्‍वर्‌कोः मान्‍ता स्‍याव्‌धाङ्‌मालो बेलाहाङः द्यव्‌तालम्इ नीङ्‌कायःपाय् ब्रःताक्‌ती झ्‍यान्‍ते नोःसा चीःमालो मुर्‌तीलम्‌कायः मानताक्‌तेःआकानी एत नीङ्इ चीःतेःनानी।

१ पत्रुस् 4:3

अनम्‍ह्‌पाय् नीङ्इ ङ्‌हाम्‌मालोलम्‌लो लेखालेः आन रेव्‌तो जाङ्‌ह्‌तेःआकानी ओउःत हायःओ द्याह् छ्यो। ओउः बेलाहाङः नीङ्इ ल्‍हास्‍याकोः कुरामा हान् तुङ्‌ती ङोओमा द्यव्‌तालम्‌कायः जात्र जवओमा सबै जाङ्‌ह्‌तेःआकानी।

प्रकाश 9:20

ओहाङःसैको ओउः अरु सात्आक्‌मालो मान्‍तालम्‌खेइपाय् लयः जाङ्‌ह्ओ थोक्‌लम्‌कायः मनःसाकायः फेनीली। लान्‌लम् मानसामा फेनीली सुन् चान्‍दी पीताल् बाङ्‌कोःमा सीङःकोःमा च्‍यवःसा सायःसा वाह्‌सा खाय्‌मालो मुर्‌तीकायः मानसाकायःमा फेनीली।