रोमी 1:21 - चेपाङ21 परमेस्वर्कायः मान्तालम्इ तय्ह्सापाय् तय्ह्नीतो ओउःकायः ताङ्ह्ताक्सामा ग्याइली “च्युता” त तोसामा ग्याइली। ग्यामाःत झ्यान्ते ओउःमयःकोः ल्हुङ्तुक्कोः कुरा भाङःती वाय्ओ लेःआः बा ओउःमयःकोः ल्हुङ्पाय् च्याक्तो स्याव्आ। အခန်းကိုကြည့်ပါ။ |
रोमी 1:21
34 ပူးပေါင်းရင်းမြစ်များ
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
यहुदी खेःमालोलम्कायःमा परमेस्वर्इ गुच्युक् योनःती योनाःथास तमा ख्रीस्पाय् छ्यानःलाङ् वाङ्ओ लेःआः ओहाङःसैको ओउःमयःइमा परमेस्वर्कायः ताङ्ह्ताक्ती मानसा खाय्नानी। “ओउःत हायःओकायः ङाइ यहुदी खेःमालोलम्कःहाङः नाङ् परमेस्वर्कायः ‘च्युता’ त तोलेःनेःनाङ् नाङ्कोः मय्ङ् ताङ्ह्ताक्ओ गीत्लेः मेनाङः” त दाय्ह्ती दाय्ह्ओ परमेस्वर्कोः आखरःहाङः लेखती मुनाः।
ओउः बेलाहाङःपाय् मान्तालम् लःलयःकायः राप्नीङ्इसी पैसा आन क्युसा बोङःनानी। लःलयःखेकायः “ताङ्ह्ओचाक् लेःआः ङ” त दाय्ह्ती लयःकायः नेह्रो ओर्ताक्नाःइसी अरुखेकायः पेमालो नोःती ओउःमयःइ लयःकोः आमा आपाइ तोओ कुरापाय् सायःसा जुगाङ् ग्याइली दोह्मा म्हर्माःत सबै त्याक्नानी। परमेस्वर्कोः कुराकः ग्यामामाःत
नीङ्कोः आय्कानः तोकानःइ आह्रे जवती जाङ्ह्ओसै दल्ताक्साकायः ह्र्याती मीह्ती वाय्सा खाय्ओ सुन् चान्दी ल्हाङःती बयःओ खेःबाय्ल त नीङ्इ चीःतेःनानी। सुन् चान्दीखेपाय् खेःल ओउः सबैसै महङ्गो येसु ख्रीस्कोः ल्हाती गम्ओ वयःखे ल्हाङःती बयःओलेः। ओउः ख्रीस्पाय् पेओमा केह्ओ भेदा मेत्छ्याःकोः चोःलो लेखालेः सात्साकायः ल्हाओ लेःआः।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ကြော်ငြာတွေ