रोमी 1:17 - चेपाङ

¹⁷ फेरी ओउः नोःराय्इपाय् मान्‍तालम् गत हायःती परमेस्‍वर्‌कोः मीक्‌हाङः पेतो नीङ्‌तो स्‍याव्‌सा खाय्‌नानी त छ्यानःलेःनै। ङ्‌हाहाङःमा लोनेमा गलकायःमा मान्‍ताइ ङ्‌हाम्ओ त खेःया ओउःपाय् नीङ्‌तोलेः स्‍याव्‌ती स्‍याक्‌लेःनै दोह् हायःती दाय्‍ह्‌सा “सुखेलोइ ङ्‌हाम्‌नानी ओउः मान्‍तापाय् ङ्‌हाम्‌धार्‌नालेः नीङ्‌तो स्‍याव्‌नै” त दाय्‍ह्ओ परमेस्‍वर्‌कोः आखरःहाङः लेखती मुनाः।

रोमी 1:17 ပူးပေါင်းရင်းမြစ်များ

युहना 3:36

ओहाङःसैको परमेस्‍वर्‌कोः चोःकायः ङ्‌हाम्ओलम्‌खे गलमा वाय्‌मालो गलमा द्योक्‌मालो रौ जीङः दोःनै। सुसुइ ओउः चोःकायः ङ्‌हाम्‌नीली ओउःखे जीङः दोःबाय्इली ओउःकायः परमेस्‍वर्‌इ म्‍हर्‌ताक्‌माःत गलकायःमा न्‍युम्‍ह्‌ताक्‌नाःथास” त दाय्‍ह्‌ती तोआकान्।

रोमी 10:3

परमेस्‍वर्‌इ मान्‍तालम्‌कायः लयःकोः मीक्‌हाङः गत हायःती पेतो स्‍याव्‌ताक्‌नौ त दाय्‍ह्‌सा ओउः यहुदीलम्इ पेतो तय्‍ह्‌नीली। ओउःत झ्‍यान्‍ते ओउःमयः लयःकोः ल्‍याम्‌हाङः वाह्‌सा बोङःआकानी परमेस्‍वर्‌कोः दोङ् ल्‍याम्‌हाङः वाह्‌सा ग्‍याइली।

रोमी 3:21

ओउः उय्‍ह्‌ले बयःओ ऐन्‌कोः कुरा जुदालेः जाङ्‌ह्‌माःत झ्‍यान्‍ते मान्‍ता परमेस्‍वर्‌कोः मीक्‌हाङः गत हायःती पेतो नीङ्‌तो स्‍याव्‌सा खाय्‌नानी त दाय्‍ह्‌सा द्याह्‌पाय् छ्यानःओ लेःआः। एतलेः ओउः ऐन्‌मा परमेस्‍वर्‌कोः कुरा छ्यानःओलम्इमा ङ्‌हाहाङः छ्यानःआकानी।

रोमी 3:22

सुसुइमा येसु ख्रीस्‌कायःलेः ङ्‌हाम्‌नानी ओउःमयः सबैलेः यहुदीलम्‌मा यहुदी खेःमालोलम्‌मा ओउःकोः मीक्‌हाङः पेओ नीङ्ओ मान्‍ता स्‍याव्‌लेःनै।

रोमी 3:3

यात्‌नीस् यहुदीलम्इ बुरु परमेस्‍वर्‌कोः कुरा ङ्‌हाम्‌साकायः फेआकानी त खेःया ओउःमयःकायः बयःओ तोती गम्ओ कुरापाय् परमेस्‍वर्‌इ वाय्उलु।

रोमी 9:30

ङाइ तोसा कुरा इलेः। ओउः यहुदी खेःमालोलम्‌खेइ यहुदीलम्‌कोः ऐन्‌कोः कुरा जाङ्‌ह्‌सा बोङःमाःत परमेस्‍वर्‌कायः ङ्‌हाम्आकानी ओउःत झ्‍यान्‍ते ओउःमयःकायः परमेस्‍वर्‌इ लयःकोः मीक्‌हाङः पेतो स्‍याव्‌ताक्आथास।

२ कोरीन्‍थी 3:9

मान्‍तालम्‌कायः गाल्‌तुम्‌ती फुःओ ऐन्‌कोः कुराखे ओउःच्‍युक् ताङ्‌ह्ओलेः खेःतो त खेःया ओउः मान्‍ताकायः परमेस्‍वर्‌कोः मीक्‌हाङः पेतो स्‍याव्‌ताक्‌सा कुराखे न्‍हाङ्‌तोलेः ताङ्‌ह्‌लेःनाः बा।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

गालाती 3:11

ऐन्‌कोः कुरा जाङ्‌ह्‌ती सु खेःयामा परमेस्‍वर्‌कोः मीक्‌हाङः पेतो स्‍याव्इली। आखरःहाङःपाय् “सुसु ङ्‌हाम्आक्‌तीको परमेस्‍वर्‌कोः मीक्‌हाङः पेतो स्‍याव्‌नै ओउः मान्‍तापाय् जीङः दोःनै” त लेखती मुनाः।

फीलीपी 3:9

ओउःत हायःती ख्रीस्‌कुस् ब्राङ्‌तोलेः स्‍याव्‌नाङः। ऐन्‌कोः कुरा जाङ्‌ह्ओकायः खेःल ख्रीस्‌कायः ङ्‌हाम्‌ती झ्‍यान्‍ते द्याह् ङा परमेस्‍वर्‌कोः मीक्‌हाङः पेतोलेः मुनाङः। ओउःत स्‍याव्ओपाय् ङ्‌हाम्ओलम्‌कायः परमेस्‍वर्‌कःसै दोःनाः।

हेब्रैनी 10:38

ङाकोः पेओ मान्‍तालम्‌पाय् पेतो ङ्‌हाम्‌ती झ्‍यान्‍ते दल्‌तोलेः वाह्‌लेःनै। ओउःतलेः वाह्‌लेःइतो यात्‌चाक्इ ङाकायः फेलेःनाःताङः त खेःया ओउःइ ङाकायः म्रोताक्‌ताङःल” त दाय्‍ह्‌ती दाय्‍ह्ओ परमेस्‍वर्‌कोः कुरा आखरःहाङः लेखती मुनाः।