सुसुलो तेन्छ्याङ्कोः रेव्तो जाङ्ह्ओ मान्तालम्कःहाङः ङाकःमा ङाइ तोओ कुराकःमा ब्लाय्क्चनै ओउःकः ङा मान्ताकोः चोः त तोओपाय् लोनेः वाङ्सा दीन्हाङः ब्लाय्क्लेःनाः। ओउः दीन्हाङःपाय् ओउः मान्ताकोः चोः आपालो लेखा अङ्ग थङ्गत ताङ्ह्तो स्याव्ती ल्होक्ओमयःकुस् वाङ्नै” त दाय्ह्ती येसुइ स्यान्ती तोआथास।
रोमी 1:16 - चेपाङ16 ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी। အခန်းကိုကြည့်ပါ။ |
रोमी 1:16
38 ပူးပေါင်းရင်းမြစ်များ
ओउः पुन् तात्ओपाय् “लौ इत जवओ ङ्हासैलेः ङापाय् परमेस्वर्कोः मीक्हाङः पेतो स्याव्आलाङः” त अरुकायः छ्यानःसाकायः जाङ्ह्ओ खेःतो। ओहाङःसैको पुन् तात्ओ जवधाङ्मालो बेलाहाङःपाय् आब्राहाम् परमेस्वर्कोः मीक्हाङः पेतो स्याव्आ त झ्यान्तेलेः आब्राहाम्पाय् सबै परमेस्वर्कोः मीक्हाङः पेतो स्याव्ओ ङ्हाम्ओलम्कोः ताकुः लेःआः। ओउःपाय् पुन् तात्ओ जवमालो मान्तालम्कोः ताकुः लेःआः
“ङीइ ख्रीस्कोः पेओ कुरा ङ्हाम्तीलेः जाङ्ह्नाङःसु” त दाय्ह्ती दाय्ह्तेःनै। नाःतो नाःमालोलम्कायः बयःतेःनानी त खेःया नीङ्इ एत तोओ कुरा दोङ् कुरा लेःआः त ओउःमयःकायः छ्यानःसा खाय्तेःनानी। ओहाङःसैको ओउःमयःकायःमा सबैकायःमा नीङ् ल्हुङ् साय्क्तो मुतेःनै त खेःया परमेस्वर्कायः ताङ्ह्ताक्नानी।
परमेस्वर्कोः नोःराय् ङी नीङ्कःताङ् तोलाङ् वाङ्तोक्हाङः “लौ इपाय् मान्तासै वाङ्ओ नोःराय् ह खेःल परमेस्वर्कोः लेःआः” त दाय्ह्ती ङीइ स्यान्ओ कुराकायः ङ्हाम्ती सायःतेःआकानी। ओउःत झ्यान्ते ङीइ गलकायःमा परमेस्वर्कायः “च्युता” त तोनाङःसु। दोङ्सीलेः ङीइ स्यान्ओ नोःराय्पाय् परमेस्वर्कोः लेःआः। ओउः नोःराय्इपाय् देङीलेः नीङ् ङ्हाम्ओलम्कायः पेतो वाह्ताक्तेःनै।
ओउःत हायःती झ्यान्ते ङा द्याह् लीह्सीःओ गोरःतीलेः मुनाङः। लीह्सीःओ गोरःसापाय् गोरःलेःङोतो बुरु ङा ल्हुङ् घ्युम्तो स्याव्ङल दोह् हायःती दाय्ह्सा ङाइ ङ्हाम्ओचाक्पाय् “सुलो” त ङाइ पेतोलेः तय्ह्नाङः। दोह् दोह् ङाइ ओउःकुस् गम्आलाङः ओउःलेः ओउः लोनेः वाङ्नम् दीन्च्युक्कायः ओउःइ लयःकुस् पेतोलेः ओम्पायःती गम्बत्नाःताङः ओउःत ङाइ पेतो चीःती र्याङःमामाःत मुनाङः।
ओउःमयःखेइ फेताङःतो ओनेसीफोरस्खेइ ङाकःताङ् आन वाङ्ती झ्यान्ते ङाकायः आन ल्हुङ् धोमाय्ताक्आताङः। रोम् सहर्ताङ् दाह्ती वाङ्तोक्हाङः ङा झ्याल्खानहाङः मुओहाङः ओउःइ दोह्मा रैमाःत ङाकायः साक्साक्त बोङःती लोने क्रुस्आताङः। ओउःत झ्यान्ते ओउः लोनेः वाङ्सा खेःओ दीन्हाङः ओउःकायःमा ओउःकोः कीम्कोः मान्तालम्कायःमा प्रभुइ योनःती योपाःथास। ओउःतलेः प्रभुपाय् योनःती योसाकायः झाक्चाक्पाः ती। ङा एफेसस्हाङः मुओ बेलाहाङः ओउःइ ङाकायः आन लव्ह्आताङः ओउःतमा नाङ्इ चीःनौ।
परमेस्वर्कोः नोःराय्इपाय् जीङः नाःओलो लेखालेः आन जाङ्ह्सा खाय्नौ। व्हानःओ नाःसुयःइ ह्रुस् मायः तात्ती वेङ्काय्सा खाय्नौ ओउःसै न्हाङ्तोलेः परमेस्वर्कोः नोःराय्इ मान्ताकोः ल्हुङ्तुक् तात्ती पोक्सा खाय्नौ मान्ताकोः ल्हुङ्तुक्कोः झाक्ओ कुरामा म्हर्ओ कुरामा छीङ्गलःती योसा खाय्मानौ।
ကြော်ငြာတွေ