रोमी 1:13 - चेपाङ13 लौ पुःचोङ् हौचोङ्य नीङ्कायः क्रुस्लाङ् वाङ्सा आन बोङःझुङ्ङोतो वाङ्सापाय् दोःधाङ्ताङःल इत नीङ्इ चीःसा खेःतो। वाङ्आक्तीको अरु थाव्हाङः मुओ यहुदी खेःमालोलम्लो लेखालेः नीङ्कायःमा पेतो स्याव्ताक्सा आन झाक्लेःनाङः। အခန်းကိုကြည့်ပါ။ |
रोमी 1:13
38 ပူးပေါင်းရင်းမြစ်များ
पोतेयोली सहर्हाङः ङी तीःजहास्सै ग्ल्युङ्ह्ती ओहाङः यात्नीस् येसुकायः ङ्हाम्ओलम्कुस् क्रुस्काय्आलाङी। क्रुस्काय्आक्तीको “ङीकुस् सात्दीन्कायःच्युक् मुन” त दाय्ह्ती तोआताङी। ओउःत हायःती ओउःमयःकुस् सात्दीन्कायः मुआक्तीको ङी आल्ती ल्याम्इ ल्याम्इ वाह्ती रोम् त तोओ ओउः सीजर् राजाकोः सबैसै ताङ्ह्ओ सहर्ताङ् दाह्खेःआलाङी।
लौ पुःचोङ् हौचोङ्य यात्ज्योः ङ्हा छ्यान्ह्आक्मालो कुरा ङाइ द्याह् छ्यान्ह्नेःनाङ्स ओहाङःसैको नीङ्इ लयःकोः नेह्रो ओर्ताक्सा खाय्तेःनीली। ओउः कुरापाय् इलेःआः परमेस्वर्इ दोक्ती गम्ओ ङ्हाम्सा खेःओ यहुदी खेःमालोलम्पाय् आःताः जुदालेः ख्रीस्कःताङ् वाङ्माःत यहुदीलम्इपाय् ङ्हाम्सा ग्यामालो मुनै।
लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा”
ङापाय् प्रभु ख्रीस्इलेः छ्युङ्ह्ती ल्होक्ओ मान्ता एत यात्नीस् मान्ताइ ताःनीली यादो। ओउःमयःखेइ एत ताःनीतो नीङ्खेइ ङाकायःपाय् “प्रभुइ ल्होक्ओ मान्ता लेःआः” त चीःतेःनानी माःर दोह् हायःती दाय्ह्सा प्रभुइ ङाकायः नीङ्कःहाङः ल्होक्आक्तीको नीङ्इ ङ्हाम्तेःआकानी। ओउःत झ्यान्ते ङापाय् “ख्रीस्इ ल्होक्ओ मान्ता” त चीःसा खाय्ओ लेःआः।
लौ परमेस्वर्कायः “च्युता” त तोपाःथै दोह् हायःती दाय्ह्सा परमेस्वर्इ स्याव्ताक्ती झ्यान्ते ङी सैतान्कायः क्लीमःओलम् स्याव्ती ख्रीस्कुस् वाह्नाःतय्ही। म्हय्ङ्तो सय्ङ्ओलम् गाःताङ्मा थुह्ती आल्नाः ओउःलो लेखालेः ओउःकोः कुरा छ्यानःती चीःताक्साकायः परमेस्वर्इ ङीकायः सबै थाव्ताङ् ल्होक्आताङी।
लौ पुःचोङ् हौचोङ्य सीओ ङ्हाम्ओलम्पाय् गत स्याव्नै त ङाइ नीङ्कायः चीःताक्सा खेःतो। ओउःमयः एनःओलो लेखा मुनै ओउःत झ्यान्ते नीङ्पाय् अरु ङ्हाम्मालो मान्तालम्लो लेखा ल्हुङ् लीह्तोलेः नीङ्कोः सीओ पुःचोङ् हौचोङ्लम्कायः क्रेस्सा परतेःइली। ङ्हाम्मालो मान्तालम्खेइ “लोनेः पेतोलेः स्याव्नाः” त जुगाङ् चीःनीली
ကြော်ငြာတွေ