प्रकाश 6:16 - चेपाङ

¹⁶ ओहाङः नुक्‌तोक्‌हाङः ओउःमयःइ स्‍यालुङ्‌कायःमा बाङ्‌कायःमा “लौ ङीकायः क्‍लीमःती ओउः राजाकोः थाव्‌हाङः च्‍युङःओचाक्‌कोः मीक्‌सै फय्‌ताक्‌ताङी। ओउः भेदाकोः चोःकोः ल्‍हुङ् मल्‍ह्ओसै नुस्‌ताङी।

प्रकाश 6:16 ပူးပေါင်းရင်းမြစ်များ

मत्ती 26:64

“नाङ्इ तोओलो लेखा ओउःतलेः खेःनाङः। लौ ङाइ तोनेःनानाङ्‌स लोन्‍तेसै ओउः मान्‍ताकोः चोः त तोओपाय् परमेस्‍वर्‌कोः गुल्‍ह्‌दाङ् स्‍याव्आक्‌तीको ओउःकोः ग्‍वम् दोःती लाङ्‌कासै मुस्‌हाङः ग्‍ल्‍युङ्‌ह्‌ती वाङ्ओ च्‍यवःतेःनानी” त दाय्‍ह्‌ती येसुइ तोआथास।

मर्‌कस् 3:5

ओउःमयः नोःमाःत ल्‍हुङ् कलःतो मुती झ्‍यान्‍ते येसु लीह्‌तीमा ओउःमयःकायः ल्‍हुङ् मल्‍ह्‌तीमा त्‍यास्‌ती योआथास। फेरी ओउः क्रुत् स्रीत्‌ती जीक्ओकायः “लौ क्रुत् प्‍योस दा” त दाय्‍ह्‌ती येसुइ तोथातो ती ओउः मान्‍ता क्रुत् प्‍योआक्‌तीको जुगाङ् सेलः स्‍याव्आ।

लुका 23:30

ओउः लीह्‌सीःओ बेलाहाङःमा मान्‍तालम्इ स्‍यालुङ्‌कायःमा ‘लौ ङीकायः क्‍लीमःताङी दा’ त दाय्‍ह्‌तीमा बुम्‌लम्‌कायःमा ‘ङीकायःपाय् नुस्‌ताङी दा’ त दाय्‍ह्‌तीमा नोःनानी बा।

प्रकाश 10:6

ओउः गलकायःमा जीङः नाःओ परमेस्‍वर्‌कोः मय्‍ङ् पेह्‌ती लाङ्‌काहाङः ल्‍हाव्‍ह्‌दैबाङ्‌हाङः द्युम्‌मालो तीःहाङः नाःओ थोक्‌लम्‌कायः जापीनःती जाङ्‌ह्ओ परमेस्‍वर्‌कोः मय्‍ङ् पेह्‌ती कीरीया जेःआकान् “लौ द्याह्‌पाय् बीलम्‌ब नाःल।

प्रकाश 19:15

ओउः ङ्‌हा वाह्ओचाक्‌कोः म्‍होतोङ्‌सै व्‍हानःओ तरवाल् ग्‍ल्‍युङ्‌ह्ओ खेःतो ओउः तरवाल्इ ओउःइ जात् जात्‌लम्‌कायः क्‍लीमःती जुगाङ् जोक्ओ ल्‍हुङ्इ ओउःइ राजालो लेखा हुकुम् बयःनाःथास। सुसुकः ओउः ग्‍वम् नाःओ परमेस्‍वर्‌पाय् आन ल्‍हुङ् मल्‍ह्‌तो स्‍याव्‌नै ओउःमयःकायः ओउः ङ्‌हा वाह्ओचाक्इ न्‍युम्‍ह्‌ताक्‌नाःथास।

प्रकाश 20:11

ओहाङःसैको ङाइ ताङ्‌ह्ओ भाम्ओ राजा च्‍युङःसा थाव्‌मा च्‍यवःआलाङः ओहाङः च्‍युङःओचाक्‌मा च्‍यवःआलाङः। ओउःकःसै ल्‍हाव्‍ह्‌दैबाङ्‌मा फेल्‌बाङ्‌मा क्रव्‌ती ज्‍याल्आ। जुगाङ् म्‍हीत्ओलेः खेःतो।

प्रकाश 4:2

ओउःत तोओ कुस्‌ब्रक्‌तलेः परमेस्‍वर्‌कोः ग्‍वालामः दोःआलाङः। ओहाङःसैको लाङ्‌काहाङःपाय् यात्‌ज्‍योः राजा च्‍युङःसा थाव् मुओ खेःतो फेरी ओहाङः यात्‌चाक् च्‍युङःओ खेःतो।

प्रकाश 4:5

ओहाङःसैको ओउः मुल् थाव्‌सै प्‍लीङ्‌ह्ओमा मुक्ओमा वाङ्आ। ङ्‌हाहाङः सात्‌गोता म्‍हेः ल्‍युङ्ओ चेर्‌म्‍हेः खेःतो ओउःपाय् परमेस्‍वर्‌कोः सात् ग्‍वालामः लेःआः बा।

प्रकाश 4:9

ओउः चार्‌ जीङः नाःओलम्इपाय् ओउः गलमा सीमालो राजाकोः थाव्‌हाङः च्‍युङःओचाक्‌कायः ताङ्‌ह्‌ताक्‌ती “च्‍युता” त तोती मनःधै मेधै मुलेःनै।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।

प्रकाश 6:10

ओउःमयः सोतोलेः “अ नाङ् दोङ् छय्‍ङ्‌तोलेः मुओ प्रभु परमेस्‍वर्‌य ल्‍हाव्‍ह्‌दैबाङ्‌कोः मान्‍तालम्‌कायः तय्‌छनःती योसा दीन्‌पाय् गल वाङ्‌नाः। ङीकायः सात्ओलम्‌कायः न्‍युम्‍ह्‌ताक्‌सा गुच्‍युक् ज्‍याङःतोहाङः स्‍याव्‌नाः” त दाय्‍ह्‌ती दाय्‍ह्आकाय्।

प्रकाश 9:6

ओउः पास् महीनाकायः ओउः मान्‍तालम्इपाय् ओउःच्‍युक् जीक्‌ती झ्‍यान्‍ते “सीपाङः” त दाय्‍ह्‌ती सीसा झाक्‌ती बोङःनीतो सीसापाय् दोःइली।