प्रकाश 6:1 - चेपाङ

¹ ओहाङःसैको ङा योतोक्‌हाङः ओउः भेदाकोः चोः त तोओइ ओउः सात्‌गोता छाप्‌कोःपाय् यातैज्‍योः ङ्‌हाकोः छाप् तेत्आकान्। छाप् तेत्आक्‌तीको यात्‌ज्‍योः जीङः नाःओमयःइपाय् सोतो मुक्ओ हाव्‌नयःइलेः “वाङ्अ” त दाय्‍ह्‌ती तोआकान्।

प्रकाश 6:1 ပူးပေါင်းရင်းမြစ်များ

युहना 1:29

ओहाङःसैको उनम्‌कोः स्‍याङ्‌ह्‌लोहाङः येसु वाङ्‌धै वाङ्ओलेः युहनाइ च्‍यवःआकान् “लौ इपाय् ल्‍हाव्‍ह्‌दैबाङ्‌कोः मान्‍ताकायः रेव्ओ काम् क्‍युम्‍ह्‌ताक्‌सा चाक् लेःआः। ओउःपाय् परमेस्‍वर्‌कायः ल्‍हाती सात्‌सा भेदाकोः चोःलो लेखा लेःआः।

खबरदुत 4:20

नीचीइ लयः च्‍यवःओमा सायःओमा इ कुरा नीचीइ नोःमाःत छ्यानःमाःत मुसा खाय्‌धै खाय्‌ङुसुलु” त दाय्‍ह्‌ती पत्रुस्‌मा युहनामा त्‍याङ्आकाच।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 13:8

ओउः जाःकायः सबै ल्‍हाव्‍ह्‌दैबाङ्‌कोः मान्‍तालम्इ ताङ्‌ह्‌ताक्‌ती माननानी। सुसुकोः मय्‍ङ्‌पाय् ल्‍हाव्‍ह्‌दैबाङ् जापीनःती न्‍यास्ओ बेलाहाङःसै ओउः ल्‍हाती सात्ओ भेदाकोः चोःइ लेखओ जीङः नाःओलम्‌कोः कीताप्‌हाङः लेखती मुनाः ओउःमयःइ झुङ्आले ओउः जाःकायः माननीली।

प्रकाश 14:2

ओहाङःसैको लाङ्‌कासै वाङ्ओ हाव्‌नयः सायःआलाङः। ओउः हाव्‌नयःपाय् क्‍लोनःती ल्‍हक्अर्‌ओ तीःलो लेखालेः खेःमाःतो सोतो न्‍याम् मुक्ओलो लेखामा खेःतो। वरनी प्रय्‍ह्ओ मान्‍तालम्‌कोः हाव्‌नयःलो लेखामा खेःतो।

प्रकाश 19:6

ओउःत दाय्‍ह्आक्‌तीको नाःतो हुम्ओलम्‌कोः हाव्‌नयः क्‍लोनःती ल्‍हक्अर्‌ओ तीःलो लेखामा न्‍याम् मुक्ओलो लेखामा सायःआलाङः “लौ परमेस्‍वर्‌कायः ताङ्‌ह्‌ताक्‌तीलेः तोपाःथै दोह् हायःती दाय्‍ह्‌सा ङीकोः ग्‍वम् नाःओ प्रभु परमेस्‍वर्‌पाय् सबैकोः राजालेः मुनाः।

प्रकाश 4:8

ओउःमयःपाय् छगोता पाप् नाःओलेः खेःइतो आङ्‌गन् नाःतो मीक् खेःतो बाहीरमा भीत्रमा मीक् खेःइतो। न्‍हीदीङ्‌मा याह्‌दीङ्‌मा गलकायःमा ओउःमयः परमेस्‍वर्‌कायः मनःती मुइतो “लौ सबैसै ग्‍वम् नाःओ प्रभु परमेस्‍वर्‌पाय् छय्‍ङ्ओलेः छय्‍ङ्ओलेः छय्‍ङ्ओ लेःआः बा। ओउःपाय् ङ्‌हालेः खेःतो द्याह्‌मा मुलेःनाः लोनेःमा वाङ्‌सा खेःलेःनाः” त दाय्‍ह्‌ती मेधै मुनै।

प्रकाश 5:1

ओहाङःसैको ओउः राजाकोः थाव्‌हाङः च्‍युङःओचाक्‌कोः ङोय् क्रुत्‌हाङः तुलःती गम्ओ कागत्‌कोः थुरी च्‍यवःआलाङः। ओउः कागत्‌पाय् खोस्‌सैमा काह्‌सैमा लेखओ खेःतो सात्‌गोता मोहर्‌ छाप्इ पानःओ खेःतो।

प्रकाश 5:12

आन सोतोलेः मेआकाय् “लौ ओउः सात्ओ भेदाकोः चोःपाय् ग्‍वम्‌मा गह्र्मा व्‍हाय्ओ म्‍हुक्ओ मनःओमा ताङ्‌ह्‌ताक्ओ लुङ्‌ती नोःओमा ल्‍हासा स्‍याव्ओचाक् लेःआः बा” त दाय्‍ह्‌ती मेलेःआकाय्।

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।

प्रकाश 6:3

ओउः घोरा लन्‍ह्ओचाक्‌पाय् आल्आक्‌तीको ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउः तेत्आक्‌तीको यात्‌ज्‍योः अरु जीङः नाःओमयःइपाय् “वाङ्अ” त दाय्‍ह्‌ती तोआकान्।

प्रकाश 6:5

ओहाङःसैको ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउः छाप् तेत्आक्‌तीको यात्‌ज्‍योः अरु जीङः नाःओमयःइपाय् “वाङ्अ” त दाय्‍ह्‌ती तोआकान्। ओउःत तोआक्‌तीको ङाइ योती यात्‌ज्‍योः गाल्ओ घोरा च्‍यवःआलाङः। ओउःकोः गीङ्‌हाङः लन्‍ह्‌ती वाह्ओचाक्इपाय् क्रुत्‌हाङः लाङ्‌साकायः तुलो लात्आकान्।

प्रकाश 6:7

ओउःत दाय्‍ह्आक्‌तीको ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउःकुस् चार्‌गोता छाप् तेत्ओ खेःतो। ओउः छाप् तेत्आक्‌तीको ओउः लोनेकोः जीङः नाःओमयःइपाय् “वाङ्अ” त दाय्‍ह्‌ती तोआकान्।

प्रकाश 8:1

ओहाङःसैको ओउःत तोआक्‌तीको ओउः भेदाकोः चोःइपाय् ओउः सोय्‍ह्‌ती दप्ओ छाप् तेत्आकान्। ओउःकुस्‌लेः सात् छाप् तेत्ओ खेःतो। तेत्आक्‌तीको लाङ्‌काहाङः आधा घन्‍ताच्‍युक्‌कायः जुगाङ् चीङःचाङःत स्‍याव्ओ खेःतो।