प्रकाश 22:20 - चेपाङ

²⁰ इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।

प्रकाश 22:20 ပူးပေါင်းရင်းမြစ်များ

युहना 21:25

येसुइपाय् नाःतो अरु काम्‌लम् जाङ्‌ह्ओआः बा। ओउः कुरा सबैलेः कीताप्‌हाङः लेखनाः त खेःया ओउःच्‍युक् नाःतो कीताप् इ ल्‍हाव्‍ह्‌दैबाङ्‌हाङः य्‍होक्‌बाय्‌ल।

१ कोरीन्‍थी 16:22

सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

२ तीमोथी 4:8

द्याह् ङाकोः काम् जाङ्‌ह्‌झ्‍याङ्‌कोः मुलेःनाः। ओउः जाङ्‌ह्‌झ्‍याङ्‌कोः ओउः पेओ तय्‌छनःती योओ प्रभुइ लयः वाङ्‌सा खेःओ दीन्‌हाङः बयःनाःताङः। दोःआक्‌तीको ङापाय् परमेस्‍वर्‌कोः मीक्‌हाङः जय्‌कुमःत स्‍याव्‌नाङः। फेरी ङा ह दोःसा खेःङल ओउःकोः वाङ्‌सा खेःओकायः झाह्‌ती योओलम्‌मा सबै ङालो लेखालेः दोःनै।

हेब्रैनी 10:37

“लौ ओउः वाङ्‌सा खेःओ चाक्‌पाय् देङेलेः वाङ्‌नाः ओउःपाय् वाङ्‌साकायः भेक्‌ल।

हेब्रैनी 9:28

ओउःतलेः ख्रीस्‌मा नाःतोलम्‌कोः रेव्ओ काम् क्‍युम्‍ह्‌ती वाय्‌साकायः यातै पेन्‍ह्‌हाङः लयःकोः आङ्‌लेः ल्‍हाती सीआ। ओहाङःसैको यातै पेन्‍ह्‌कायः लयः ल्‍हाती सीआक्‌तीको ख्रीस्‌पाय् फेरीलेः वाङ्‌नाः। रेव्ओ काम् वाय्‌साकायः खेःल ओउःकायः ल्‍युङ्‌ह्‌ती मुओलम्‌कायः दल्‌ताक्‌सा थेङा वाङ्‌लेःनाः।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 1:2

युहनाइ च्‍यवःओ कुरापाय् ओउःइ सबै ल्‍हाक्‌ती तोनौ। परमेस्‍वर्‌कोः नोःराय्‌मा येसु ख्रीस्इ छ्यानःओ दोङ् कुरामा ओउःइ सबै स्‍यान्‌ती तोलेःनौ।

प्रकाश 2:16

लौ नाङ्इ जाङ्‌ह्ओ रेव्ओ काम्‌लम् फेउ दा। ओउःमयःइ इत हायःओ फेतेःनीली त खेःयाकायः ङाइ रेन्‍ह्‌तोलेः वाङ्‌ती ङाकोः म्‍होतोङ्‌सै ग्‍ल्‍युङ्‌ह्ओ तरवाल्इ ओउःमयःकुस् मीन्‍ह्‌काय्‌नाङी’

प्रकाश 22:10

ओहाङःसैको “लौ इ कीताप्‌हाङः लेखओ लोनेः वाङ्‌सा खेःओ कुरापाय् नुसुती गम्‌तेःचनौ दोह् हायःती दाय्‍ह्‌सा इ कुरा सबै ताप्‌सा बेलापाय् द्याङ्‌तो मुनाः।

प्रकाश 22:12

“लौ ङा रेन्‍ह्‌तोलेः वाङ्‌नाङः। वाङ्‌तोक्‌हाङः ङाइ सबैकायः ओउःमयःकोः काम् जाङ्‌ह्‌झ्‍याङ्‌कोः वानःलेःनाङःसु। मान्‍ता मान्‍ताइ गतलो लःलयःकोः काम् जाङ्‌ह्‌लेःआकानी ओउःतलेः बयःनाङःसु बा।

प्रकाश 22:18

“सुसुइ इ कीताप्‌हाङः लेखओ लोनेः स्‍याव्‌सा कुरा सायःनानी ओउःइपाय् इ कुराकायः दोह्‌मा पाःती लेखलाम्। ओउःइ पाःती लेखचौ त खेःया ओउःकायःलेः परमेस्‍वर्‌इ इ कीताप्‌हाङः लेखती तोओकोः महामारीलम् बयःनाःथै” त दाय्‍ह्‌ती ङाइ गानाक्‌तीलेः तोनाङः।

प्रकाश 22:7

“लौ ङा रेन्‍ह्‌तोलेः वाङ्‌नाङः बा” त दाय्‍ह्‌ती तोओ लेःआः। सुसुइ इ कीताप्‌हाङः छ्यानःती लेखओ कुरापाय् ल्‍हुङ्‌हाङः सेती गम्‌नानी ओउःपाय् चोङाय्‌सीःतोलेः मुजेःनै।