प्रकाश 22:14 - चेपाङ

¹⁴ सुसुइ लयःकोः क्रमःनाय्‌लम् धावःती भाम्‌ताक्‌नानी ओउःमयःपाय् चोङाय्‌तोलेः मुनै ओउःमयः ओउः जीङः बयःसा सीङःसै काव्‍ह्‌सामा दोःनै ओउः सहर्‌कोः धोकालम्‌हाङः पोक्‌सामा दोःलेःनै।

प्रकाश 22:14 ပူးပေါင်းရင်းမြစ်များ

युहना 10:7

ओहाङःसैको फेरीलेः येसुइ स्‍यान्‌ती तोआथास “दोङ्‌सी दाय्‍ह्‌भनाङ् ङापाय् भेदाकोः गोत्‌कोः धोकालो लेखा लेःआः ङ।

युहना 10:9

ङापाय् भेदाकोः गोत्‌कोः दोङ् धोका लेःआः ङ। सुसु ङाकःताङ् वाङ्‌ती पोक्‌चै ओउःलेः दल्‌तो स्‍याव्‌नै। ओउःमयःपाय् पेओ थाव्‌हाङःमा आल्‌सा दोःनै।

युहना 14:15

नीङ्इ ङाकायः राप्‌तेःनानाङ्‌स त खेःया ङाइ तोओ कुरा ग्‍याती जाङ्‌ह्‌नु दा।

युहना 14:6

“लौ ओउः ल्‍याम्‌पाय् ङा लेःआः। दोङ् स्‍यान्ओमा जीङः दोःताक्‌सामा ङा लेःआः ङ। ङाइ आःताः आलःमाःतो सुइमा ङाकोः आपाकःताङ् आल्‌सा दोःइली।

युहना 4:12

ङीकोः तोकानः याकुब् त तोओइ इ इनार्‌पाय् जाङ्‌ह्‌ताङःआकान्। जाङ्‌ह्आक्‌तीको ओउःमा ओउःकोः चोःलम्इमा स्‍याःलम्इमा इकोः तीः तुङ्आकानी। ओउःकोः इनार्‌कोः तीःसै नाङ्इ बयःसा तीः पेनाः त खेःया दोङ्‌सी नाङ्‌पाय् याकुब्‌सै ताङ्‌ह्‌तोतेः खेःतेःचाः” त दाय्‍ह्‌ती ओउः मोमःचोः दाय्‍ह्आ।

१ कोरीन्‍थी 7:19

दोह् हायःती दाय्‍ह्‌सा ओउः पुन् तात्ओ मुनाः त खेःयामा मुल त खेःयामा दोह्‌मा दयःल। परमेस्‍वर्‌इ तोओ कुरा ग्‍याती जाङ्‌ह्‌सापाय् ओउःपाय् दोङ् ताङ्‌ह्ओ कुरालेः ओउःत हायःसा परलेःनाः।

१ कोरीन्‍थी 8:9

एतलेः नीङ्इ चीःती दोह् खेःयामा सोकार्‌तोलेः जेःसा खाय्‌तेःनीतो ती नीङ्‌कःहाङः अरु पेतो चीःधाङ्‌मालो मान्‍तालम् मुनै त झ्‍यान्‍ते ओउःमयःकायः ल्‍हुङ् ब्रःतेःताक्‌तेःचानी।

१ कोरीन्‍थी 9:5

ङाइ अरु ख्रीस्इ छ्युङ्‌ह्‌ती ल्‍होक्ओमयःलो लेखा ङ्‌हाम्ओ मोमःचोः वानःसा दोःनाङः माःर। प्रभु येसुकोः हौचोङ्इमा पत्रुस्इमा ओउःत हायःनानी बा।

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

१ युहना 3:3

ओहाङःसैको सुसुखे ख्रीस्‌लो लेखा स्‍याव्‌सा झाक्‌नै ओउःलेः ख्रीस्‌लो लेखा ओजायःत गम्‌नाःइसी।

१ युहना 5:3

ङीइ परमेस्‍वर्‌इ तोओ कुरा सायःती जाङ्‌ह्‌धार्‌नालेः ओउःकायः राप्‌नाःतय्‍ह्‌नी। फेरी ओउःइ तोओ कुरा जाङ्‌ह्‌सापाय् चाक्‌तो खेःल

प्रकाश 2:7

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरालेः पेतो सायःनु दा। सुसुइ रेव्ओकायः क्‍लीमःसा खाय्‌नानी ओउःपाय् परमेस्‍वर्‌कोः राङ्‌हाङः मुओ जीङः बयःसा सीङःसै जेःसा दोःताक्‌नाङः’

प्रकाश 21:12

ओउः सहर्‌कोः खोओ बार्‌पाय् आन ब्राव्ओमा यास्ओमा खेःतो। ओहाङः बारगोता धोका मुओ धोका धोकाहाङः यात्‌चाक् ल्‍होक्ओमयः ल्‍युङ्‌ह्‌ती मुओ खेःतो। धोका धोकाकोः त्‍यावःसै यातैज्‍योः इस्राएली मान्‍तालम्‌कोः बार थर्‌कोः मय्‍ङ् लेखओ खेःतो।

प्रकाश 21:27

ओहाङःसैको ओउः सहर्‌हाङः दोह् दोह् क्रीसीःओ मुनाः ओउःलेः वानःसापाय् गलमा दोःल सुसुइमा रेव्ओ काम्‌मा माःओ काम्‌मा जाङ्‌ह्‌लेःनानी ओउःमा सहर्‌हाङः पोक्‌सा जुगाङ् दोःइली। सुसुखेकोः मय्‍ङ्‌पाय् ओउः भेदाकोः चोःकोः जीङः नाःओलम्‌कोः कीताप्‌हाङः लेखती मुनाः ओउःमयः ह पोक्‌सा दोःनै।

प्रकाश 22:2

सहर्‌कोः ताङ्‌ह्ओ ल्‍याम्‌कोः माझहाङः होती आल्‌नाः। ओउः तीःकोः इसै उसै चीनः चीनःसै ओउः जीङः बयःसा सीङः खेःतो। ओउः सीङःपाय् महीना महीनाहाङः सायःती बार पेन्‍ह्‌कायः सायः सायःनौ। ओउःकोः मात्‌पाय् देस् देस्‌कोः मान्‍तालम्‌कायः स्‍याक्‌ताक्‌साकायः मुओ।

प्रकाश 22:7

“लौ ङा रेन्‍ह्‌तोलेः वाङ्‌नाङः बा” त दाय्‍ह्‌ती तोओ लेःआः। सुसुइ इ कीताप्‌हाङः छ्यानःती लेखओ कुरापाय् ल्‍हुङ्‌हाङः सेती गम्‌नानी ओउःपाय् चोङाय्‌सीःतोलेः मुजेःनै।

प्रकाश 7:14

“अ प्रभुय ङाखेइ खेःल नाङ्‌खेइलेःतेः चीःतेःनौ” त दाय्‍ह्‌ती त्‍याङ्आलाङः। “लौ इमयःपाय् ओउः आन लीह्‌सीःओ बेलाहाङःसै दल्‌ती वाङ्आकाय्। ओउःमयःकोः नाय्‌लम् भेदाकोः चोःकोः वयःइ धावःती भाम्‌ताक्आकानी।