प्रकाश 21:21 - चेपाङ

²¹ ओउः बारगोता धोकालम्‌पाय् बारगोता मोतीकोः जाङ्‌ह्ओ खेःतो यात्‌ज्‍योः धोकापाय् यातैज्‍योः मोती खेःतो। ओउः सहर्‌कोः ल्‍याम्‌पाय् पेओ ऐनालो लेखा झेल्ओ सुन्‌कोःलेः जाङ्‌ह्ओ खेःतो

प्रकाश 21:21 ပူးပေါင်းရင်းမြစ်များ

प्रकाश 17:4

ओउः मोमःचोःखेपाय् दुओमा ङालःओ नाय्‌लम् लावती आङ्‌पाय् सुन् मनी मोतीलेः लीक्ओ खेःतो। क्रुत्‌हाङः ओउः मोमःचोः यात्‌ज्‍योः सुन्‌कोः माना चुम्‌ती लात्आकान्। ओउः मानाहाङः ओउःइ जाङ्‌ह्ओ क्रीसीःओ ल्‍हास्‍या जाङ्‌ह्ओ पेमालो काम्‌लम् ब्‍लीङ्‌ती मुओ खेःतो।

प्रकाश 18:16

“लौ ओउःपाय् न्‍युम्‍ह्‌तोलेः स्‍याव्आ। ओउः ताङ्‌ह्ओ सहर्‌पाय् न्‍युम्‍ह्‌तोलेः स्‍याव्आ बा। ओउः सहर्‌कोः मान्‍तालम् ङ्‌हापाय् पेओ भाम्ओमा दुओ ङालःओ नाय्‌लम् लावइसीओ खेःइतो सुन्‌मा मोती मनीमा लीक्इसीओ खेःइतो।

प्रकाश 21:15

ओहाङःसैको ङाकायः छ्यानःओ ल्‍होक्ओमयःइपाय् ओउः सहर्‌कोः बार्‌लम् धोकालम् क्रुसा थेङा यात्‌ज्‍योः सुन्‌कोः जाङ्‌ह्ओ क्रुसा दङ्‌ग लात्आकान्।

प्रकाश 21:18

ओउः बार्‌खेपाय् पेओ यास्‍पर्‌ त तोओ बाङ्‌सै जाङ्‌ह्ओ खेःतो सहर्‌खे जुगाङ् पेओ ऐनालो लेखा झेल्ओ सुन्‌कोः जाङ्‌ह्ओ खेःतो।

प्रकाश 22:2

सहर्‌कोः ताङ्‌ह्ओ ल्‍याम्‌कोः माझहाङः होती आल्‌नाः। ओउः तीःकोः इसै उसै चीनः चीनःसै ओउः जीङः बयःसा सीङः खेःतो। ओउः सीङःपाय् महीना महीनाहाङः सायःती बार पेन्‍ह्‌कायः सायः सायःनौ। ओउःकोः मात्‌पाय् देस् देस्‌कोः मान्‍तालम्‌कायः स्‍याक्‌ताक्‌साकायः मुओ।

प्रकाश 4:6

ङ्‌हाहाङःमा पेओ ऐनालो लेखा ताङ्‌ह्ओ झेल्ओ दुम्‌हान् मुओ खेःतो। ओहाङःसैको ओउः थाव् द्याङ्‌तोलेः चार्‌ दोवाहाङः प्‍लैज्‍योः जीङः नाःओ थोक्‌लम् खेःतो। ओउःमयःपाय् आन मीक् नाःओलेः ङ्‌हासैमा लोन्‌सैमा मीक् नाःओ खेःइतो।