प्रकाश 21:17 - चेपाङ

¹⁷ ओउःकोः बार्‌कायःमा ओउः ल्‍होक्ओमयःइ क्रुआकान्। बार्‌लम्‌पाय् यात्‌सै चवालीस् मान्‍ताकोः तुप्‌क्रुच्‍युक् यास्ओलेः खेःतो ओउः ल्‍होक्ओमयःकोः दङ्‌गइ क्रुती इच्‍युक् यास्ओलेः खेःतो।

प्रकाश 21:17 ပူးပေါင်းရင်းမြစ်များ

प्रकाश 13:18

इत चीःसाकायः व्‍हाय्‌तोलेः चीःसा खेःतो। सुसु व्‍हाय्‌तोलेः मुनाः ओउःइपाय् ओउः ङ्‌हा थाओकोः नम्‍बर्‌ तय्‍ह्‌पानी दोह् हायःती दाय्‍ह्‌सा ओउः नम्‍बर्‌पाय् मान्‍ताकोः मय्‍ङ् छ्यानःनौ। ओउः नम्‍बर्‌पाय् छसै छयासाठी लेःआः।

प्रकाश 14:3

ओउः यात् लाख् चवालीस् हजार्‌ मान्‍तालम्‌पाय् ओउः राजा च्‍युङःसा थाव्‌कोः ङ्‌हासैमा ओउः चार्‌गोता जीङः नाःओलम्‌मा ओउः थालवःपालम्‌कोः ङ्‌हासैमा चीङ्‌ती नया अरुइ स्‍यान्‌सा खाय्‌मालो गीत् मेधै मुओ खेःइतो। ओउःमयःपाय् ल्‍हाव्‍ह्‌दैबाङ्‌हाङः मुओलम्‌कःसै ल्‍हाङ्ओ खेःइतो।

प्रकाश 21:16

ओउः सहर्‌पाय् बकीस्‌लो लेखा खेःतो। ओउःकोः चार्‌गोता बार्‌लम्‌पाय् ब्राङ्‌तो खात्ओलेः ग्‍याङ्ओ खेःतो। ओहाङःसैको ओउः दङ्‌गइ ओउः ल्‍होक्ओमयःइ सहर्‌ क्रुआकान्। यात्‌ज्‍योः बार्‌पाय् बार सै कीलोमीतर्‌च्‍युक् ग्‍याङ्ओ। ओउः सहर्‌पाय् ओउःच्‍युक्‌लेः यास्ओमा खेःतो।

प्रकाश 21:9

ओहाङःसैको ओउः सात्‌गोता मानाहाङः महामारी लात्ओ ल्‍होक्ओमयःकोः यात्‌चाक् ङाकःताङ् वाङ्‌ती “लौ वाङ्अ दा ङाइ ओउः भेदाकोः चोः त तोओकोः कमा छ्यानःनेःनाङ्” त दाय्‍ह्‌ती तोआताङः।

प्रकाश 7:4

ओहाङःसैको परमेस्‍वर्‌कोः छाप् दोःओलम्‌पाय् “इच्‍युक् नाःतोलेः” त दाय्‍ह्ओ सायःआलाङः। इस्राएल्‌कोः सबै खलक्‌सै यात् लाख् चवालीस् हजार्‌पाय् छाप् दोःओलम् खेःइतो।