प्रकाश 21:11 - चेपाङ

¹¹ ओउः सहर्‌पाय् परमेस्‍वर्‌सै दोःओ अङ्‌ग थङ्‌गत त पेओ थोङ्ओलेः खेःतो। ओउःपाय् पेओ यास्‍पर्‌ त तोओ झेल्ओ मनी बाङ्‌लो लेखालेः लीक्ओ खेःतो।

प्रकाश 21:11 ပူးပေါင်းရင်းမြစ်များ

प्रकाश 15:8

परमेस्‍वर्‌कोः आन ताङ्‌ह्ओ ग्‍वम्‌पाय् ओउः मन्‍दीर्‌कायः म्‍हेःकुःलो लेखालेः ब्‍लीङ्‌ताक्‌ती झ्‍यान्‍ते ओउः सात्‌गोता ल्‍होक्ओमयःइ लात्ओ सात्‌गोता महामारीलम् द्योक्‌धाङ्‌माच्‍युक्‌कायः मन्‍दीर्‌हाङः सुइमा पोक्‌सा खाय्‌नीली।

प्रकाश 22:1

ओहाङःसैको ओउः ल्‍होक्ओमयःइ ओउः जीङः बयःसा तीः खोला छ्यानःआताङः। ओउः तीःपाय् आन पेओ छेर्‌लीङ्‌त प्‍लीङ्‌ह्‌ती झेल्ओ तीःलेः खेःतो। परमेस्‍वर्‌कोःमा ओउः भेदाकोः चोःकोःमा च्‍युङःती मुओ थाव्‌सै ओउः तीः ग्‍ल्‍युङ्‌ह्‌ती वाङ्‌ती

प्रकाश 22:5

ओउः सहर्‌हाङः याह्‌दीङ्‌पाय् गलमा दाह्‌ल बत्ती थोङ्ओमा न्‍याम् थोङ्ओमा जुगाङ् परल दोह् हायःती दाय्‍ह्‌सा प्रभु परमेस्‍वर्‌इ ओउःहाङः मुओलम्‌कायः थोङ्‌ताक्‌नाःथास। ओउःमयःपाय् गलकायःमा राजालो लेखा मुलेःनाः।

प्रकाश 4:3

ओउःकोः रुप्‌पाय् आन पेओ भाम्ओमा दुतो लीक्ओ मनी बाङ्‌लो लेखा खेःतो। ओउः थाव् वेङ्‌ह्‌ग चीङ्‌ह्‌गहाङः प्‍लीओ योलो लेखा खेःतो।

प्रकाश 4:6

ङ्‌हाहाङःमा पेओ ऐनालो लेखा ताङ्‌ह्ओ झेल्ओ दुम्‌हान् मुओ खेःतो। ओहाङःसैको ओउः थाव् द्याङ्‌तोलेः चार्‌ दोवाहाङः प्‍लैज्‍योः जीङः नाःओ थोक्‌लम् खेःतो। ओउःमयःपाय् आन मीक् नाःओलेः ङ्‌हासैमा लोन्‌सैमा मीक् नाःओ खेःइतो।