प्रकाश 20:9 - चेपाङ

⁹ ओहाङःसैको ओउःमयःपाय् ल्‍हाव्‍ह्‌दैबाङ्‌हाङः तोमःती वाह्‌ती परमेस्‍वर्‌कोः मान्‍तालम् न्‍यास्‌ती मुसा बेलाङ्‌कायःमा ओउःइ राप्ओ सहर्‌कायःमा तोङःनीतो लाङ्‌कासै म्‍हेः ग्‍ल्‍युङ्‌ह्‌ती वाङ्‌ती ओउः तोङःती मुओलम्‌कायः जुगाङ् माक्‌ती वाय्‌ताक्आथास।

प्रकाश 20:9 ပူးပေါင်းရင်းမြစ်များ

लुका 17:29

ओउःमयःइ ओउःत हायःदा हायःदा लोत्‌पाय् सोदोम् सहर्‌सै क्रव्‌नम् दीन्‌हाङः परमेस्‍वर्‌इ रोमो तोकोलेः त्‍यावःसै म्‍हेः ल्‍होक्‌ती ओउः नीस् सहर्‌कोः मान्‍तालम्‌कायः सबै झ्‍योम्‍ह्‌तीलेः वाय्आथास।

लुका 19:43

लोनेःहाङः नीङ्‌कोः दुस्‍मान्‌लम्‌पाय् दाह्‌ती वाङ्‌ती ओउःनम् दीन्‌हाङः ओउःमयःइ नीङ्‌कोः सहर्‌ तोङःती नीङ्‌कायः थुनतेःनै।

लुका 21:20

ओहाङःसैको लोनेः यरुसालेम् सहर्‌कायः नाःतो सीपाही तोङःती मुओ नीङ्इ च्‍यवःतेःनानी ओउःत च्‍यवःतोक्‌हाङः यरुसालेम् सहर्‌कायः ह्र्योङःती वाय्‌सा दीन् दाह्‌खेःआ त नीङ्इ चीःसा खाय्‌तेःनानी।

लुका 9:54

गाव्‌कोः मान्‍तालम्इ येसुकायः त्‍याक्‌सा ग्‍याइली त च्‍यवःती “लौ प्रभुय लाङ्‌कासै ग्‍ल्‍युङ्‌ह्ओ म्‍हेः गोत्‌ती इ समारीयाकोः मान्‍तालम्‌कायः माक्‌ती वाय्‌ताक्‌पाःतय्‍ह्‌नी माःर” त दाय्‍ह्‌ती याकुब् युहना नीस् पुःचाःइ येसुकायः तोचुतो

२ थेसलोनिकि 1:8

ओहाङःसै ओउः परमेस्‍वर्‌कायः चीःमालोमा प्रभु येसुकोः पेओ समचार्‌ सायःसा ग्‍यामालो मान्‍तालम्‌कायःमा ओउःमयःकायः ल्‍युङ्ओ म्‍हेःइ जेःती न्‍युम्‍ह्‌ताक्‌नाःथास।

हेब्रैनी 13:13

ओउःत झ्‍यान्‍ते ङीमा येसुकःताङ् बाहीर आल्‌ती ओउःकुस् ब्राङ्‌तीलेः ब्‍लाय्‍क्‌सीःओ स्‍याव्‌पाःतय्‍ही

प्रकाश 11:5

ओउःनीस्‌कायः सुखेलोइ रेव्‌तो हायःसा बोङःचाःथाच त खेःया ओउःनीस्‌कोः म्‍होतोङ्‌सै म्‍हेः ग्‍ल्‍युङ्‌ह्‌ती ओउः रेव्‌तो हायःसा बोङःओ बीरोत्‌लम्‌कायःलेः जेःती माक्‌नाःथै। ओउःनीस्‌कायः रेव्‌तो हायःसा बोङःओलम्‌पाय् ओउःतलेः सीलेःनाः।

प्रकाश 13:13

ओहाङःसैको ओउः साःसै थाओपाय् आन ग्‍याङ्‌ह्‌राय् जाङ्‌ह्आकान् सबैकोः मीक्‌हाङः ओउःइ लाङ्‌कासै साःताङ् म्‍हेः ग्‍लेःताक्आकान्।