प्रकाश 20:6 - चेपाङ6 ओउः ङ्हा उह्ती च्योक्ओलम्पाय् छय्ङ्तोमा चोङाय्तोलेः मुनै। ओउःमयः फेरीलेः सीसा परइली परमेस्वर्कायःमा ख्रीस्कायःमा ओउःमयः पुरोहीत् स्याव्ती ख्रीस्कुस् यात् हजार् बर्सच्युक्कायः राजा मुलेःनै। အခန်းကိုကြည့်ပါ။ |
प्रकाश 20:6
19 ပူးပေါင်းရင်းမြစ်များ
लौ उया पुःचोङ् हौचोङ्य परमेस्वर्इ ङीकायः एतलेः योनःती योआतय्ही ओउःत झ्यान्ते ओउःकायः म्रोताक्साकायः रेव्ओसै छय्ङ्ती पेङ्कलःतो स्याव्ती ओउःकोः काम् जाङ्ह्सा थेङा परमेस्वर्कायः लयःकोः आङ्मा ल्हुङ्मा जुदालेः ल्हाइसी एतलेः तेती तोनेःनाङ्स। ओउःत हायःसापाय् परमेस्वर्कायः दोङ् पेओ मानसा लेःआः बा।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ओहाङःसैको लाङ्कासै वाङ्ओ हाव्नयः सायःआलाङः “लौ ‘द्याह्हाङःसै सुसु परमेस्वर्कोः काम् जाङ्ह्साकायः सीलेःनाः ओउःपाय् चोङाय्तोलेः स्याव्नै’ त दाय्ह्ती लेखउ दा” त दाय्ह्ती दाय्ह्ओ खेःतो। “माः है आन चोङाय्तोलेः मुनै। ओउःमयःपाय् ओउःमयःइ ह्र्युङ्ती जाङ्ह्ओ काम्लम्सै धोती मुसा खाय्नानी दोह् हायःती दाय्ह्सा ओउःमयःकोः काम् जाङ्ह्झ्याङ्कोः दोःलेःनै” त दाय्ह्ती परमेस्वर्कोः ग्वालामः दाय्ह्आ।
ओउःमयःखे ओउःतलेः स्याव्नै सुसुखे परमेस्वर्कोः काम् जाङ्ह्साकायः रैओ ल्हुङ् नाःओ मुलेःनै सुसुखे ङ्हाम्ओकायः फेओ मुनै सुसुखे आन क्रीसीःओ काम्लम् जाङ्ह्ओलेः मान्ता सात्ओलेः ल्हास्या काम् जाङ्ह्ओलेः मुनै सुसुखे झ्याओमा मुर्तीकायः मानओ काम् जाङ्ह्ओ लेःआः माःती तोओ लेःआः ओउःमयः सबै ओउः म्हेः ल्युङ्ओ गन्धक् नाःओ दुम्हान्हाङः न्युम्ह्तोलेः स्याव्नै ओउःत स्याव्ओलम्पाय् ‘फेरीलेः सीआ’ त तोओ लेःआः”
ကြော်ငြာတွေ