प्रकाश 2:25 - चेपाङ

²⁵ ङा वाङ्‌धाङ्‌माःखाहाङः ल्‍हुङ् ग्रमःतलेः मुन।

प्रकाश 2:25 ပူးပေါင်းရင်းမြစ်များ

युहना 14:3

लौ नीङ्‌कायः थेङा ङाइ थाव् जाङ्‌ह्‌ती गम्‌लाङ् आल्‌नाङः। आल्आक्‌तीको ङा नीङ्‌कायः रोम्‌लाङ् फेरी द्यान्‍ह्‌ती वाङ्‌नाङः। रोम्आक्‌तीको ङा गाःताङ् मुचाङः नीङ्‌मा ओहाङः मुसा दोःतेःनै।

खबरदुत 11:28

ओउःमयःकःहाङः यात्‌चाक् आगाबस् त तोओ चीङ्‌ती “लौ इ ल्‍हाव्‍ह्‌दैबाङ्‌हाङः लोन्‍ह्‌ते जोक्‌तो अनीकाल् वाङ्‌लेःनाः” त दाय्‍ह्‌ती परमेस्‍वर्‌कोः ग्‍वालामःइ चीःताक्ओ कुरा तोआथास। ओउः अनीकाल् लोन्‍ह्‌ते क्‍लाव्‍दीयस् राजाकोः मुतोक्‌हाङः स्‍याव्आ।

रोमी 12:9

अरुकायः च्‍यवःताक्‌सा आले खेःल दोङ् ल्‍हुङ्इलेः अरुकायः राप्‌नु। पेमालो कुराखे ब्‍लाय्‍क्‌तीलेः फेती वाय्‌नु। पेओ कुराखेकः म्रोतीलेः मुन।

१ कोरीन्‍थी 11:26

दोह् हायःती दाय्‍ह्‌सा गल खेःयाकायःमा इ लाङ्‌मा जेःतेःनानी इ तुङ्‌गामा तुङ्‌मातेःनानी नीङ्इ प्रभु येसुकोः वाङ्‌धाङ्‌माःखाहाङः ओउःकोः सीओ कुरा अरुलम्‌कायः छ्यानःती तोतेःनानी।

१ कोरीन्‍थी 4:5

ओउःत झ्‍यान्‍ते प्रभु येसु वाङ्‌धाङ्‌माखाहाङःकायः सुकायःमा तय्‌छनःती योलाम्। लोन्‍ते प्रभु वाङ्‌तोक्‌हाङः ओउःइ सबै मान्‍ताकोः ल्‍हुङ्‌हाङः नुस्ओ च्‍याक्ओ कुरालम् फानःती छ्यानःताक्‌नौ। ओहाङःसैको परमेस्‍वर्‌इ मान्‍ता मान्‍ताकायः लःलयः जोक्‌कायः ओउःमयःकोः काम् जाङ्‌ह्ओकोः कुरा लुङ्‌तीलेः तोनौ।

१ थेसलोनिकि 5:21

सबै कुरा वेलःती योनु पेओखे गम्‌नु।

हेब्रैनी 10:23

ङीइ ङ्‌हाम्‌ती तोओ कुरापाय् क्रोङ्ओ ल्‍हुङ्इ ङ्‌हाम्‌नी दोह् हायःती दाय्‍ह्‌सा परमेस्‍वर्‌इ तोती गम्ओ कुरापाय् ओउःइ गलमा म्‍हेःमाःत दोङ्‌सीलेः ताप्‌ताक्‌नौ बा।

हेब्रैनी 3:6

येसु ख्रीस्‌खेपाय् परमेस्‍वर्‌कोः चोःलेः खेःती झ्‍यान्‍ते परमेस्‍वर्‌कोः मान्‍तालम्‌सै पुःती ओउःकोः काम् पेतो जाङ्‌ह्‌नौ। फेरी ङीइपाय् ग्रमःत मुती लोनेः वाङ्‌सा कुराकायः पेतो चोङाय्‌तोलेः ङ्‌हाम्‌पाःतय्‍ह्‌नी ओउःत खेःया परमेस्‍वर्‌कोः मान्‍तापाय् ङीलेः खेःनाःतय्‍ही।

हेब्रैनी 4:14

ओउःत खेःओ ङीइ थोल्‍ह्‌ती तोओ कुरापाय् पेतो ग्रमःत मुती ङ्‌हाम्‌पानाःतय्‍ही दोह् हायःती दाय्‍ह्‌सा लाङ्‌काताङ् ज्‍योय्‌ती दाह्ओ परमेस्‍वर्‌कोः चोः येसुपाय् ङीकायः आन ताङ्‌ह्ओ प्रधान् पुरोहीत् मुलेःनाः।

२ पत्रुस् 3:10

प्रभुइ ल्‍युङ्‌ह्‌सापाय् ल्‍युङ्‌ह्‌लेःनौ ओउःकोः वाङ्‌सा खेःओ दीन्‌पाय् कुःसा बोङःओ मान्‍तालो लेखालेः वाङ्‌नाः। ओउः दीन् “गल वाङ्‌नाः” त अरुइ चीःआक्‌नीली। ओउः दीन्‌हाङःलेः फेल्‌बाङ्‌पाय् ताङ्‌ह्ओ मुक्ओ कुस्‌ब्रक्‌त म्‍हीत्‌ती वाय्‌लेःनाः। ओउःहाङः सबै थोक्‌लम्‌कायः म्‍हेःइ माक्‌नौ। ल्‍हाव्‍ह्‌दैबाङ्‌मा ओहाङः मुओ सबै थोक्‌लम् म्‍हीत्‌तोलेः वाय्‌तो स्‍याव्‌नाः।

प्रकाश 1:7

लौ ओउःपाय् मुस्‌हाङःलेः वाङ्‌धै मुलेःनाः। ओउः बेलाहाङःपाय् ओउःकायः सबैइ च्‍यवःसा खाय्‌नानी। ओउःकायः ह्रोङ्‌ह्‌ती सात्ओलम्इमा ओउःकायः च्‍यवःलेःनानी ओहाङःसैको ल्‍हाव्‍ह्‌दैबाङ्‌कोः मान्‍तालम्‌पाय् सबैइ ओउःकायः क्रेस्‌लेःनानी। माः है ओउःतलेः स्‍याव्‌पाः दा।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।

प्रकाश 22:7

“लौ ङा रेन्‍ह्‌तोलेः वाङ्‌नाङः बा” त दाय्‍ह्‌ती तोओ लेःआः। सुसुइ इ कीताप्‌हाङः छ्यानःती लेखओ कुरापाय् ल्‍हुङ्‌हाङः सेती गम्‌नानी ओउःपाय् चोङाय्‌सीःतोलेः मुजेःनै।

प्रकाश 3:11

लौ ङा रेन्‍ह्‌तोलेः वाङ्‌नाङः बा। नीङ्‌पाय् दोह् दोह्‌तेः दोःतेःआ ओउःलेः पेतो सेती गम्उ दा। ओहाङःसैको नाङ्‌कोः पेतो जाङ्‌ह्‌झ्‍याङ्‌कोः अरु सुइमा लासा खाय्‌नीली।

प्रकाश 3:3

लौ उया नाङ्‌कायः स्‍यान्‌ती तोओ कुरापाय् नाङ्इ ङ्‌हालेः गतलो ग्‍याती सायःओ ओउःपाय् द्याह् गीलउ। रेव्‌तो जाङ्‌ह्ओ काम्‌लम्‌खे फेती ओउः ङ्‌हा सायःओ कुराखे ग्‍याती जाङ्‌ह्उ दा। नाङ्‌पाय् म्र्यातेःइली त खेःया चोर्‌ वाङ्ओलो लेखालेः ङा नाङ्‌कःहाङः वाङ्‌नाङः वाङ्‌तोक्‌हाङः नाङ्इ व्‍हक्‌माःत चीःतेःउलु।