प्रकाश 2:17 - चेपाङ

¹⁷ लौ इ परमेस्‍वर्‌कोः ग्‍वालामःइ ङ्‌हाम्ओलम्‌कायः तोओ कुरापाय् पेतो सायःनु दा। सुसुइ रेव्ओकायः क्‍लीमःनानी ओउःकायः ङाइ नुस्‌ती गम्ओ मन्‍नकोःमा बयःलेःनाङः यात्‌ज्‍योः भाम्ओ बाङ्‌मा बयःलेःनाङः। ओउः बाङ्‌हाङः अरु सुइमा चीःमालो नया मय्‍ङ् लेखती मुलेःनाः। ओउः बाङ् दोःओ मान्‍ताइ ह दोह् मय्‍ङ् लेखओ मुनाः त चीःसा खाय्‌नानी।

प्रकाश 2:17 ပူးပေါင်းရင်းမြစ်များ

मत्ती 13:11

“नीङ् परमेस्‍वर्‌कोः कुराकः ग्‍याओलम्‌खेकायः ओउःकोः राजीकोः चीःआक्‌मालो कुरा द्याह् पेतो चीःसा दोःतेःनै अरु मान्‍तालम्‌खेइ चीःसा दोःइली।

मर्‌कस् 7:16

इ कुरा पेतो सायःनु दा” त दाय्‍ह्‌ती येसुइ तोआथास।

युहना 4:32

“खेःल ङाकायः नीङ्इ चीःमालो जेःगा मुबत्‌नाःताङः” त दाय्‍ह्‌ती येसु दाय्‍ह्आ।

१ कोरीन्‍थी 2:14

फेरी इ परमेस्‍वर्‌इ बयःओ कुरापाय् परमेस्‍वर्‌कोः ग्‍वालामः दोःओलम्‌खेकायः ह चीःसा खाय्‌लेःनानी। ओउःकोः ग्‍वालामः दोःमालोलम्‌खेइ इ कुरा सायःसा ग्‍याइली “इपाय् भ्‍यामःती नोःओ” त म्‍हर्‌ती सायःनीली ओउः कुरा चीःसा खाय्‌नीली।

कोलसी 3:3

दोह् हायःती दाय्‍ह्‌सा नीङ् सीओलो लेखालेः स्‍याव्‌तेःआकाय्। नीङ्‌कोः रौ जीङः परमेस्‍वर्‌इ ख्रीस्‌कुस् हेप्‌तो गम्ओलेः मुनाः।

प्रकाश 14:3

ओउः यात् लाख् चवालीस् हजार्‌ मान्‍तालम्‌पाय् ओउः राजा च्‍युङःसा थाव्‌कोः ङ्‌हासैमा ओउः चार्‌गोता जीङः नाःओलम्‌मा ओउः थालवःपालम्‌कोः ङ्‌हासैमा चीङ्‌ती नया अरुइ स्‍यान्‌सा खाय्‌मालो गीत् मेधै मुओ खेःइतो। ओउःमयःपाय् ल्‍हाव्‍ह्‌दैबाङ्‌हाङः मुओलम्‌कःसै ल्‍हाङ्ओ खेःइतो।

प्रकाश 19:16

ओउःकोः नाय्‌हाङःमा प्‍लेक्‌हाङःमा “राजालम्‌कोः राजालेः प्रभुलम्‌कोः प्रभुलेः” त दाय्‍ह्‌ती यात्‌ज्‍योः मय्‍ङ् लेखओ खेःतो।

प्रकाश 2:11

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरालेः पेतो सायःनु दा। सुसुइ रेव्ओलम्‌कायः क्‍लीमःनानी ओउःपाय् सीआक्‌तीको लोनेः फेरीकायःमा सीइली।

प्रकाश 2:7

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरालेः पेतो सायःनु दा। सुसुइ रेव्ओकायः क्‍लीमःसा खाय्‌नानी ओउःपाय् परमेस्‍वर्‌कोः राङ्‌हाङः मुओ जीङः बयःसा सीङःसै जेःसा दोःताक्‌नाङः’

प्रकाश 3:22

लौ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरापाय् पेतोलेः सायःनु दा”

प्रकाश 3:6

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरा पेतो सायःनु दा।