प्रकाश 19:8 - चेपाङ

⁸ ओउः कमा लावसाकायः पेओ जुगाङ् छीःमालो भाम्ओ नाय्‌लम् बयःओ लेःआः” त दाय्‍ह्‌ती दाय्‍ह्आकाय्। ओउः नाय्‌लम् त तोसापाय् परमेस्‍वर्‌कोः मान्‍तालम्इ जाङ्‌ह्ओ पेओ काम्‌लम् लेःआः।

प्रकाश 19:8 ပူးပေါင်းရင်းမြစ်များ

मत्ती 17:2

ओहाङः लनःआक्‌तीको येसुकोः रुप् ल्‍हेस्‌ती थाङ्‌ती ओउःकोः खेन्‌पाय् न्‍याम्‌लो लेखा थोङ्आ ओउःकोः नाय् आन भाम् फीर्‌लीक् त छोओ खेःतो।

मत्ती 22:12

‘लौ हौय नाङ् गत हायःती बीहाकायः स्‍याव्ओ नाय् लावमाःत वाङ्‌ती मुतेःनाः’ त दाय्‍ह्‌ती व्‍हत्उतो ओउः मान्‍तापाय् दोह्‌मा त्‍याङ्‌सा खाय्उलु।

मर्‌कस् 9:3

ओहाङः लन्‍ह्आक्‌तीको ओउः सुम्‌चाक्इ योयोबालेहाङः येसुकोः रुप् ल्‍हेस्‌ती थाङ्‌ती ओउःकोः नाय्‌लम् आन भाम् फीर्‌लीक्‌त छोओ खेःतो। भाम्‌जम् भाम्ओ खेःमालो ओउःच्‍युक् भाम्ओ सुइमा नाय् धावःसा खाय्‌नीली।

लुका 24:4

येसुकोः म्‍हाङ् मुमाःत झ्‍यान्‍ते ओउःमयः आन ग्‍याङ्‌ह्आकाय् ओहाङःसैको ओउःमयः ग्‍याङ्‌ह्‌ती मुतोक्‌हाङः रोमो तोकोलेः नीस्‌चाक् आन भाम् फीर्‌लीक् त छोओ नाय् लावओ मान्‍तालम् च्‍यवःआकानी।

खबरदुत 1:10

ओहाङःसैको ओउःमयःइ त्‍याव्‌ती योतोक्‌हाङः ओउःमयःकःताङ् नीस्‌चाक् आन भाम्ओ नाय् लावओलम् चीङ्‌ती थाआकाच।

रोमी 13:14

येसु ख्रीस्इ बयःओ रौ ल्‍हुङ्‌पाय् दोःती ओउः ङ्‌हाकोः आय् ल्‍हुङ्‌कोः रेव्‌तो मोह्‌हाय्ओपाय् फेन।

रोमी 3:22

सुसुइमा येसु ख्रीस्‌कायःलेः ङ्‌हाम्‌नानी ओउःमयः सबैलेः यहुदीलम्‌मा यहुदी खेःमालोलम्‌मा ओउःकोः मीक्‌हाङः पेओ नीङ्ओ मान्‍ता स्‍याव्‌लेःनै।

प्रकाश 15:4

नाङ्‌कःहाङः सबै एङःतीलेः मुनै। नाङ्‌कोः मय्‍ङ्‌पाय् सबै ताङ्‌ह्‌ताक्‌लेःनानी दोह् हायःती दाय्‍ह्‌सा नाङ् ह जुगाङ् छय्‍ङ्ओलेः खेःतेःनाः। ‘नाङ्इ तय्‌छनःती योओ काम्‌लम् जुगाङ् पेओ लेःआः’ त सबैकायः छ्यानःओ लेःआः ओउःत झ्‍यान्‍ते सबै जात्‌लम् नाङ्‌कायः मानलाङ् वाङ्‌लेःनै” त दाय्‍ह्‌ती ओउःमयः मेआकाय्।

प्रकाश 15:6

ओउः मन्‍दीर्‌सै ओउः सात्‌गोता महामारी लात्ओ सात्‌गोता ल्‍होक्ओमयः वाङ्आकाय्। ओउःमयःपाय् पेओ जुगाङ् छीःमालो भाम्ओ नाय्‌लम् लावओ खेःतो। खोस्‌हाङः सुन्‌कोः तोङःनाय्‌मा तोङःओलेः खेःतो।

प्रकाश 19:14

ओउःकायः गुल्‍ह्‌ती लाङ्‌काकोः पल्‍तन्‌लम् भाम्ओ घोरालम् लन्‍ह्‌ती वाङ्आकाय्। ओउःमयःमा पेओ छीःमालो भाम्ओ नाय् लावआकायःइसी।

प्रकाश 3:18

लौ उया इतलेः तोनेःनाङ् बा। ङाकःसै दोङ् पेओ म्‍हेःहाङः जीओ सुन् लेःउ दा। ओहाङःसै नाङ्‌पाय् नाःतो नाःओचाक्‌तेः स्‍याव्‌तेःनाः। नीङ्‌कोः रास्‌सीःओ सोह् आङ् बोमःसाकायः भाम्ओ नाय्‌लम्‌मा ङाकःसै लेःउ। मीक् च्‍यवःताक्‌साकायः ङाकःसै मीक्‌कोः ओखोत्‌मा लेःउ दा।