प्रकाश 19:10 - चेपाङ10 ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा। အခန်းကိုကြည့်ပါ။ |
प्रकाश 19:10
40 ပူးပေါင်းရင်းမြစ်များ
यरुसालेम्हाङः मुओ मान्तालम्मा ओउःमयःकोः ताङ्ह्ओ मान्तालम्इमा येसु त तोओपाय् ‘ङीकायः दल्ताक्साकायः वाङ्ओ ख्रीस् लेःआः’ त तय्ह्आक्नीली। सन्चर्बार् सन्चर्बार्हाङः परमेस्वर्कोः कुरा छ्यानःओ मान्ताइ लेखओ कुरा पह्रओ खेःतो ओउः कुरामा ओउःमयःइ तय्ह्आक्नीतो येसुकायः सात्ती झ्यान्ते ओउः परमेस्वर्कोः आखरःहाङः लेखओ कुरापाय् ताप्ताक्आकानी।
ओउःतलेः हायःइसीतो ओउःमयःखे खेःल ङीखे परमेस्वर्कोः मान्तालम्कोः दोङ् चीन्हलेः दोःआतय्ही दोह् हायःती दाय्ह्सा ङीइलेः परमेस्वर्सै ओउःकोः ग्वालामः दोःती ओउःकायः पेतो ताङ्ह्ताक्नाःतय्ह्नी। येसु ख्रीस्सै रौ जीङः दोःती ङीलेः चोङाय्ती मुनाःतय्ही। ङीपाय् मान्तालम्इ जवओ कुराकायः ङ्हाम्तय्ह्नीली।
ओउः तोती गम्ओ कुरापाय् पेतो घीःती सायःसा खेःतो बा। ल्हाव्ह्दैबाङ्हाङः तोतोक्हाङः ओउः कुरा सायःसा ग्यामालोलम्पाय् न्युम्ह्ताक्ओसै दल्सा खाय्आक्नीली। ओउःमयःखे दल्सा खाय्नीली त झ्यान्ते ङीइ ओउः लाङ्कासै गानाक्ती तोओ सायःओलम्खे ग्यातय्हीली त खेःया ङी न्हाङ्तोलेः न्युम्ह्ताक्ओसै दल्सा खाय्तय्ह्नीली।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
ओउःइ होताक्ओ तीः सीप्ओ लेःआः त योती झ्यान्ते ओउः ताङ्ह्ओ रुपाय् ओउः मोमःचोःकः आन ल्हुङ् मल्ह्ती ओउःकोः अरु चोःलम्कुस् मीन्ह्काय्लाङ् आल्आ। ओउः मोमःचोःकोः अरु चोःलम्पाय् परमेस्वर्इ तोओ कुरा ग्याती जाङ्ह्ओ येसुइ स्यान्ओ कुरा ङ्हाम्ओलम् लेःआः इ। ओहाङःसैको ओउः ताङ्ह्ओ रुपाय् द्युम्मालो तीःकोः चीनःसै मुओ खेःतो।
ကြော်ငြာတွေ