प्रकाश 18:15 - चेपाङ

¹⁵ ओउःमयःइपाय् ओउः सहर्‌हाङः थोक्‌लम् आन वीनःती झ्‍यान्‍ते पैसा नाःतोलेः क्‍युनीतो द्याह् ओउःकायः न्‍युम्‍ह्‌ताक्ओ च्‍यवःती आन रैती झ्‍यान्‍ते लोक्‌तोसै योनानी। ओउःकायः क्रेस्‌तीलेः र्‍याःती मुआकाय्।

प्रकाश 18:15 ပူးပေါင်းရင်းမြစ်များ

मर्‌कस् 11:17

“लौ परमेस्‍वर्‌इ बयःओ आखरःहाङः इलेः लेखआ माःर ‘सबै जात्‌कोः मान्‍तालम्इ परमेस्‍वर्‌कायः तोसा थेङा ओउःकोः मन्‍दीर्‌ मुनाः’ त दाय्‍ह्‌ती ओहाङः लेखओआः नीङ्‌खेइ कुःरेव् मान्‍ताकोः कीम्‌लो जाङ्‌ह्‌तेःआकानी बा” त दाय्‍ह्‌ती येसुइ जान्‌ती ल्‍होक्आथास।

खबरदुत 16:19

ओहाङःसैको ओउः लान् ल्‍हेस्‌ती वाय्ओ च्‍यवःती “द्याह् ङीकायः पैसा दोःल” त दाय्‍ह्‌ती ओउः मोमःचोःकोः मालीक्‌लम्इ पावुल् सीलास् त तोओनीस्‌कायः चुम्‌ती बजार्‌ताङ् लात्‌ती ओउः सहर्‌कोः ताङ्‌ह्ओ मान्‍तालम्‌कःताङ् दाक्आथाच।

प्रकाश 18:12

ओउःमयःकोः सुन् चान्‍दी मनी मोतीकोः जाङ्‌ह्ओ थोक्‌लम् ओउःमयःकोः दुओमा आन पेओ रेसम्‌कोः य्‍हुन्‌नाय्‌लम् पेतो सय्‍ङ्ओ सीङःकोः थोक्‌लम् हाथीकोः दाह्रोकोः जाङ्‌ह्ओ थोक्‌लम् पेओ सीङः पीताल् फालाम् भाम्ओ बाङ्‌कोः जाङ्‌ह्ओ थोक्‌लम् वीनःसा खाय्‌नीली।

प्रकाश 18:13

सीङ्‌कौली रोक्‌सायःलम् पेतो सय्‍ङ्ओ सातीलम् धाक्‌सायःकोः तीःलम् कार्‌सा सातीलम् ओय्‍क्‌लम् गहुङ् स्‍याः मेत्‌छ्याःलम् घोरा घोराइ तेनओ राथ्‌लम् वीनःसाकायः काम् जाङ्‌ह्ओ नोकरी मान्‍तालम् सबैलेः साहुलम्इ ओउः बेलाहाङः दोह्‌मा वीनःसा खाय्‌नीली।

प्रकाश 18:14

“लौ नाङ् आन झाक्ओ पेओ थोक्‌लम्‌पाय् जुगाङ् म्‍हीत्‌ती वाय्ओ लेःआः। नाङ्‌कोः गह्र्मा महङ्‌गो चीस्‌लम्‌मा सबै वाय्ओ लेःआः। ओउःपाय् नाङ् गलमा द्यानःती दोःतेःल” त दाय्‍ह्‌ती ओउः साहुलम् दाय्‍ह्‌नै।

प्रकाश 18:19

तालाङ्‌हाङः फुत्‌साः ताआकायःइसी “लौ न्‍युम्‍ह्‌तोलेः स्‍याव्आ ओउः ताङ्‌ह्ओ सहर्‌पाय् गुच्‍युक् न्‍युम्‍ह्‌तोलेः स्‍याव्आ। ओउः सहर्‌कोः गह्र्सै तीः जहास् नाःओलम्इ आन पैसा क्‍युओ खेःतो। द्याह् यात् चीच्‍योक्‌हाङः ओउःपाय् जुगाङ् वाय्ओ लेःआः बा” त दाय्‍ह्‌ती ओउःमयः दाय्‍ह्आकाय्।

प्रकाश 18:3

दोह् हायःती दाय्‍ह्‌सा सबै देस्‌लम्‌कोः मान्‍तालम्‌कायः ओउःकोः पेमालो मोह्‌हाय्ओ ल्‍हुङ्इ ब्रःताक्आथास ओउःकुस् ल्‍हाव्‍ह्‌दैबाङ्‌कोः राजालम्‌मा ल्‍हास्‍या काम् जाङ्‌ह्आकानी। ओउःकोः रेव्ओ काम्‌लम्‌सै ल्‍हाव्‍ह्‌दैबाङ्‌कोः साहुलम्इमा आन गह्र् क्‍युती मुह्आकाय्” त दाय्‍ह्‌ती ओउःपाय् दाय्‍ह्आ।