प्रकाश 17:6 - चेपाङ

⁶ ओहाङःसैको ओउः मोमःचोःइपाय् परमेस्‍वर्‌कोः मान्‍तालम्‌कोः वयःमा येसुकोः काम् जाङ्‌ह्‌साकायः सात्ओलम्‌कोः वयःमा तुङ्‌ती झ्‍यान्‍ते ङोओ लेःआः त ङाइ च्‍यवःआलाङः। ओउः मोमःचोः च्‍यवःआक्‌तीको ङा आन ग्‍याङ्‌ह्आलाङः।

प्रकाश 17:6 ပူးပေါင်းရင်းမြစ်များ

युहना 2:10

“लौ अरु मान्‍ताखेइ ङ्‌हा पेओ धाक्‌सायः तीः वेःनानी लोने पहुनालम् ङोती चीःमाःखाहाङःलेः पेमालो खाल् बयःनानी नाङ्‌खेइ लोनेकायः पेओलेः रेती गम्‌तेःआकान् बा” त दाय्‍ह्‌ती ओउः मुल् नोकरी दाय्‍ह्आ।

खबरदुत 22:20

ओहाङःसैको नाङ्‌कोः कुरा ल्‍हाक्‌ती छ्यानःओ स्‍तीफन् त तोओकायः सात्ओ बेलाहाङः ओउःकायः “सात्‌पाः” त ङामा म्‍हर्‌ती ओउः सात्‌सा बोङःओ मान्‍तालम्‌कायः ङाइ नाय् योती मुङोतो’ त घोती ङा प्रभु येसुकायः दाय्‍ह्‌ती त्‍याङ्आलाङः।

प्रकाश 12:11

ङीकोः पुःचोङ् हौचोङ्‌लम्इपाय् भेदाकोः चोःकोः वयःइमा ओउःकोः कुरा छ्यानःतीमा सैतान्‌कायः क्‍लीमःआकानी। ख्रीस्‌कोः कुरा छ्यानःसाकायः ‘लौ सीसामा ग्‍यालेःनाङी’ त दाय्‍ह्‌तीलेः नोःआकाय्।

प्रकाश 13:15

एत हायःआक्‌तीको ओउः साःसै थाओखेइ ओउः मुर्‌तीकायः जीङः बयःसा थेङा ग्‍वम् बयःओ खेःतो। ओहाङःसैको जीङः बयःआक्‌तीको ओउः मुर्‌ती नोःसा खाय्ओ खेःतो ओउःकायः मानसा ग्‍यामालोलम्‌कायःमा सात्‌ताक्‌सा खाय्ओ खेःतो।

प्रकाश 13:7

ओहाङःसैको ओउः जाःकायःपाय् परमेस्‍वर्‌कोः मान्‍तालम्‌कायः मीन्‍ह्‌काय्‌ती क्‍लीमःसा ताक्ओ खेःतो। सबै खलक्‌लम्‌कायः सबै देस्‌लम् भासा नोःओलम् जात्‌लम्‌कायः हुकुम् बयःसा ग्‍वम् ओउःकायः बयःओ खेःतो।

प्रकाश 16:6

परमेस्‍वर्‌कोः मान्‍तालम्‌कायःमा ओउःकोः कुरा छ्यानःती तोओलम्‌कायःमा इ मान्‍तालम्इ सात्‌ती ओउःमयःकोः वयः होताक्आकानी ओउःत झ्‍यान्‍ते ओउः मान्‍तालम्‌कोः पेमालो हायःझ्‍याङ्‌कोः नाङ्इ ओउःमयःकायः वयः तुङ्‌सा बयःतेःनौ। ओउःपाय् स्‍याव्‌लेःनाः” त दाय्‍ह्‌ती ओउः लाङ्‌काकोः ल्‍होक्ओमयः दाय्‍ह्आ।

प्रकाश 2:13

नाङ्‌पाय् गाःहाङःलो याक्‌तेःनाः ओउःलेः चीःलेःनाङः। सैतान्‌पाय् राजालो लेखा याक्ओ थाव्‌हाङःलेः नाङ्‌मा याक्‌तेःनाः एत ङाइ चीःलेःनेःनाङ्। ओहाङःलेः याक्‌तीमा मुतेःनाः बुरु ङाकायः ङ्‌हाम्‌तीमा मुलेःतेःनाः। ङाकोः कुरा पेतो छ्यानःओ अन्‍तीपास् त तोओकायः नाङ्‌कोः सैतान् मुओ सहर्‌हाङः सात्‌तोक्‌हाङः नाङ्इमा ङाकायः ङ्‌हाम्ओकायः फेतेःउलु।