प्रकाश 17:15 - चेपाङ

¹⁵ “लौ ओउः मोमःचोः च्‍युङःती मुओ तीःलम्‌पाय् सबै नाःतो हुम्ओ देस् देस्‌कोः मान्‍तालम्‌मा सबै जात्‌कोः मान्‍तालम्‌मा सबै भासा नोःओलम्‌मा लेःआः इ।

प्रकाश 17:15 ပူးပေါင်းရင်းမြစ်များ

प्रकाश 10:11

“लौ नाःतो देस्‌कोः मान्‍तालम्‌कायःमा जात्‌लम्‌कायःमा भासालम् राजालम्‌कायःमा नाङ्इ परमेस्‍वर्‌इ छ्यानःओ कुरा दाय्‍ह्‌सा खेःतो” त दाय्‍ह्‌ती ङाकायः तोओ खेःतो।

प्रकाश 11:9

ओहाङःसैको सबै देस् देस्‌सै खलक् खलक्‌सै सबै भासा नोःओलम्‌सै जात्‌लम्‌सै वाङ्ओ मान्‍तालम्इ साधे तीन् दीन्‌च्‍युक्‌कायः ओउः नीस्‌चाक्‌कोः म्‍हाङ्‌कायः योनानी ओउः नीस्‌कायः पाम्‍ह्‌सा ताक्‌नीली।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 5:9

ओहाङःसैको नया गीत् मेती “लौ ओउः थुरी त्‍याक्‌ती छाप् तेत्‌ती फास्‌साकायः नाङ्‌लेःतेः ज्‍योतेःनाः दोह् हायःती दाय्‍ह्‌सा नाङ्‌पाय् सात्ओलेः खेःतेःतो। नाङ्‌कोः वयःइ परमेस्‍वर्‌कायः सबै खलक् भासा देस् जात्‌लम्‌कोः मान्‍तालम् ल्‍हाङ्‌ती लेःतेःआकान्।