प्रकाश 17:12 - चेपाङ

¹² ओहाङःसैको नाङ्इ च्‍यवःओ दस् रोङःलम्‌पाय् दस्‌गोता राजालम् लेःआः। ओउःमयःपाय् राजा स्‍याव्‌धाङ्इली लोनेः ओउःमयः यात् चीच्‍योक्‌कायः ओउः तीःसै थाओकुस् राजा स्‍याव्‌ती हुकुम् बयःसा ग्‍वम् दोःनै।

प्रकाश 17:12 ပူးပေါင်းရင်းမြစ်များ

प्रकाश 10:11

“लौ नाःतो देस्‌कोः मान्‍तालम्‌कायःमा जात्‌लम्‌कायःमा भासालम् राजालम्‌कायःमा नाङ्इ परमेस्‍वर्‌इ छ्यानःओ कुरा दाय्‍ह्‌सा खेःतो” त दाय्‍ह्‌ती ङाकायः तोओ खेःतो।

प्रकाश 12:3

ओहाङःसैको फेल्‌बाङ्‌हाङः अरु ताङ्‌ह्ओ छ्यान्‍ह्‌राय् थामाआ। यात्‌ज्‍योः आन ताङ्‌ह्ओ दुओ नाक् रुकोः खाल् च्‍यवःओ खेःतो। ओउःपाय् सात् तालाङ्‌मा दस् रोङः नाःओलेः तालाङ् तालाङ्‌हाङः यात्‌ज्‍योः मुकुत् ल्‍हुप्ओ खेःतो।

प्रकाश 13:1

रुपाय् द्युम्‌मालो तीःकोः चीनःसै मुतोक्‌हाङः तीःसै यात्‌ज्‍योः अरु खाल् थाओ त च्‍यवःआताङः। ओउःपाय् दस् रोङः सात् तालाङ् नाःओ खेःतो। ओउः दस् रोङःहाङःपाय् रोङः रोङःहाङः यात्‌ज्‍योः मुकुत् ल्‍हुप्ओ खेःतो तालाङ् तालाङ्‌हाङः परमेस्‍वर्‌कायः पेमालो जवओ मय्‍ङ् लेखओ खेःतो।

प्रकाश 17:16

ओहाङःसैको नाङ्इ च्‍यवःओ दस् रोङःलम्‌मा ओउः तीःसै थाओमा ओउः मोमःचोःकः अह्र्लेःनै। ओउःकोः चीस्‌पाय् सबै लाती त झ्‍यान्‍ते ओउः मोमःचोः जुगाङ् सोह् स्‍याव्‌लेःनाः। ओउःकोः मायः जेःती ओउःकायः म्‍हेःइ माक्‌ती जेःताक्‌नानी

प्रकाश 18:10

ओउःकोः न्‍युम्‍ह्ओकः आन रैती ओउः राजालम् लोक्‌तोसै योती “अह नाङ्‌पाय् न्‍युम्‍ह्‌तोलेः स्‍याव्‌तेःआ बा। नाङ् ताङ्‌ह्ओ ग्‍वम् नाःओ बाबीलोन् सहर्‌ न्‍युम्‍ह्‌तोतेः स्‍याव्‌तेःआ बा। यात् चीच्‍योक्‌हाङःपाय् नाङ्‌कायः न्‍युम्‍ह्‌ताक्ओ रैस” त दाय्‍ह्‌ती ओउःमयः र्‍याःती दाय्‍ह्‌लेःनै।

प्रकाश 18:17

द्याह् ओउःकोः नाःतो गह्र्लम्‌पाय् यातै चीच्‍योक्‌हाङः जुगाङ् वाय्ओ लेःआः बा” त दाय्‍ह्‌ती ओउःमयः र्‍याःओ र्‍याःआकाय्। ओहाङःसैको तीः जहास्‌कायः चलावओमयःमा जहास्‌हाङः वाह्ओलम्‌मा सबै द्युम्‌मालो तीःहाङः काम् जाङ्‌ह्ओलम्‌मा लोक्‌तोसै योती

प्रकाश 18:19

तालाङ्‌हाङः फुत्‌साः ताआकायःइसी “लौ न्‍युम्‍ह्‌तोलेः स्‍याव्आ ओउः ताङ्‌ह्ओ सहर्‌पाय् गुच्‍युक् न्‍युम्‍ह्‌तोलेः स्‍याव्आ। ओउः सहर्‌कोः गह्र्सै तीः जहास् नाःओलम्इ आन पैसा क्‍युओ खेःतो। द्याह् यात् चीच्‍योक्‌हाङः ओउःपाय् जुगाङ् वाय्ओ लेःआः बा” त दाय्‍ह्‌ती ओउःमयः दाय्‍ह्आकाय्।