प्रकाश 16:19 - चेपाङ

¹⁹ ओउः ल्‍याङ् वाङ्आक्‌तीको ओउः ताङ्‌ह्ओ सहर्‌पाय् सुम् भाक्‌कायः वाक्ओलेः खेःतो सबै देस्‌कोः सहर्‌लम्‌पाय् ह्र्योङःती वाय्ओ खेःतो। ओउः ताङ्‌ह्ओ बाबीलोन् त तोओकोः पेमालो जाङ्‌ह्ओ कुरामा परमेस्‍वर्‌इ गीलती आन ल्‍हुङ् मल्‍ह्‌तोलेः स्‍याव्‌ती जुगाङ् दप्‌ताक्‌तोलेः न्‍युम्‍ह्‌ताक्आकान्।

प्रकाश 16:19 ပူးပေါင်းရင်းမြစ်များ

प्रकाश 11:8

सात्आक्‌तीको ओउः नीस्‌चाक्‌कोः म्‍हाङ्‌पाय् ओउः ताङ्‌ह्ओ सहर्‌कोः ल्‍याम्‌हाङः फेती गम्ओ खेःतो। ओउः ताङ्‌ह्ओ सहर्‌पाय् ओउः नीस्‌कोः प्रभुकायः क्‍ल्‍याय्ओ सीङःहाङः योकोःती सात्ओ सहर्‌ लेःआः। ओउः सहर्‌पाय् सोदोम्‌मा मीस्रा त तोओ हाल् मय्‍ङ् बयःओलेः खेःतो।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 17:18

ओहाङःसैको नाङ्इ च्‍यवःओ मोमःचोःपाय् ल्‍हाव्‍ह्‌दैबाङ्‌कोः राजालम्‌कायः पुःओ ताङ्‌ह्ओ सहर्‌ लेःआः बा” त दाय्‍ह्‌ती ओउः ल्‍होक्ओमयःइ तोआताङः।

प्रकाश 17:5

ओउःकोः जेल्‍ह्‌हाङः चीःसा खाय्‌मालो मय्‍ङ् लेखओ खेःतो। ओउः मय्‍ङ्‌पाय् इत लेःआः खेःतो “ताङ्‌ह्ओ बाबीलोन्” त तोओ “ल्‍हास्‍यालम्‌कोःमा ल्‍हाव्‍ह्‌दैबाङ्‌हाङः मुओ क्रीसीःओ काम् जाङ्‌ह्ओलम्‌कोः आमा लेःआः बा”

प्रकाश 18:10

ओउःकोः न्‍युम्‍ह्ओकः आन रैती ओउः राजालम् लोक्‌तोसै योती “अह नाङ्‌पाय् न्‍युम्‍ह्‌तोलेः स्‍याव्‌तेःआ बा। नाङ् ताङ्‌ह्ओ ग्‍वम् नाःओ बाबीलोन् सहर्‌ न्‍युम्‍ह्‌तोतेः स्‍याव्‌तेःआ बा। यात् चीच्‍योक्‌हाङःपाय् नाङ्‌कायः न्‍युम्‍ह्‌ताक्ओ रैस” त दाय्‍ह्‌ती ओउःमयः र्‍याःती दाय्‍ह्‌लेःनै।

प्रकाश 18:2

ओउः ल्‍होक्ओमयःइपाय् आन सोतो गोःती “लौ ह्र्योङःती वाय्ओ लेःआः। ओउः ताङ्‌ह्ओ बाबीलोन् त तोओ सहर्‌पाय् ह्र्योङःती वाय्ओ लेःआः बा। द्याह्‌हाङःसै ओउः सहर्‌पाय् लान्‌लम्‌कोः जीरा तागालेः स्‍याव्‌नाः। ओहाङः सबै खाल्‌कोः पेमालो क्रीसीःओ वाःलम् मुलेःनाः

प्रकाश 18:21

ओहाङःसैको यात्‌चाक् ताङ्‌ह्ओ ल्‍होक्ओमयः ताङ्‌ह्ओ ग्रायःबाङ्‌च्‍युक् लीःओ बाङ् च्‍युन्‌ती द्युम्‌मालो तीःहाङः तोस्‌ती वाय्‌ती “लौ इतलेः ओउः ताङ्‌ह्ओ बाबीलोन् त तोओ सहर्‌पाय् तोस्‌ती वाय्‌लेःनाः। वाय्आक्‌तीको ओउःपाय् जुगाङ् म्‍हीत्‌लेःनाः” त दाय्‍ह्‌ती दाय्‍ह्आ।

प्रकाश 18:5

ओउःकोः रेव्ओ काम्‌लम्‌पाय् लाङ्‌काताङ् त्‍युम्‍ह्‌ती पोम्‍ह्‌ती दाह्‌नाः ओउः रेव्ओ न्‍युम्‍ह्‌ताक्‌साकायः परमेस्‍वर्‌इ गलमा म्‍हेःउलु।