प्रकाश 16:18 - चेपाङ

¹⁸ ओउःत दाय्‍ह्‌तोक्‌हाङः आन न्‍याम् प्‍लीङ्‌ह्ओमा न्‍याम् मुक्ओमा ङुह्र्ओमा वाङ्आ आन ताङ्‌ह्ओ ल्‍याङ्‌मा वाङ्आ। ओउःच्‍युक् ताङ्‌ह्ओ ल्‍याङ्‌पाय् मान्‍ताकायः जापीनःती न्‍यास्‌तोक्‌हाङःसै गलमा वाङ्आक्‌ल ओउःपाय् सबैसै पेमालो ल्‍याङ् लेःआः बा।

प्रकाश 16:18 ပူးပေါင်းရင်းမြစ်များ

मत्ती 24:21

न्‍याम् झ्‍युङ्ओ बेलाहाङः धोओ दीन्‌हाङः क्रव्‌सा खेःतो त खेःया आन जोक्‌तो लीह्ओ स्‍याव्‌नाः। ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै ओउःच्‍युक् जोक्‌तो लीह्‌सीःओ स्‍याव्‌धाङ्‌ल लोन्‍तेसैमा फेरी स्‍याव्‌नाः जुगु।

प्रकाश 11:13

ओहाङःसैको ओउः नीस् लन्‍ह्ओ कुस्‌ब्रक्‌तलेः ताङ्‌ह्ओ ल्‍याङ् वाङ्‌ती सहर्‌कोः दस् भाक्‌कायः यात् भाक् ह्र्योङःती वाय्ओ खेःतो। ल्‍याङ्इ सात्ओ मान्‍तालम्‌पाय् सात् हजार्‌ खेःतो अरु सात्‌मालोलम्इपाय् आन रैती लाङ्‌काहाङः मुओ परमेस्‍वर्‌कायः ताङ्‌ह्‌ताक्आकानी।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 4:5

ओहाङःसैको ओउः मुल् थाव्‌सै प्‍लीङ्‌ह्ओमा मुक्ओमा वाङ्आ। ङ्‌हाहाङः सात्‌गोता म्‍हेः ल्‍युङ्ओ चेर्‌म्‍हेः खेःतो ओउःपाय् परमेस्‍वर्‌कोः सात् ग्‍वालामः लेःआः बा।

प्रकाश 6:12

ओहाङःसैको ङाइ योधै मुतोक्‌हाङः ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउःकुस् छगोता छाप् तेत्ओलेः खेःतो। ओहाङःसैको तेत्आक्‌तीको ताङ्‌ह्ओ ल्‍याङ्‌मा वाङ्आ न्‍याम्‌मा गाल्ओ ग्रान्‌नाय्‌लो लेखालेः च्‍याक्‌तो स्‍याव्आ लाह्‌मा वयःलो लेखालेः दुतो स्‍याव्आ।

प्रकाश 8:5

धुप् ल्‍हाआक्‌तीको ओउः ल्‍होक्ओमयःइ ओउः धुप् लात्‌सा तेव्‌केरा रोत्‌ती ओउः तेव्‌केराहाङः बेदीकोः म्‍हेः ब्‍लीङ्‌तोलेः काआकान्। म्‍हेः काआक्‌तीको ओउःइ ल्‍हाव्‍ह्‌दैबाङ्‌ताङ् तेव्‌केरा क्‍लाःआकान्। क्‍लाःआक्‌तीको न्‍याम् मुक्ओमा प्‍लीङ्‌ह्ओमा ल्‍याङ् वाङ्‌माआ।