प्रकाश 15:7 - चेपाङ

⁷ ओहाङःसैको ओउः प्‍लैज्‍योः जीङः नाःओलम्‌कोः यात्‌ज्‍योःइ ओउः सात्‌गोता ल्‍होक्ओमयःकायः सात्‌गोता सुन्‌कोः माना बयःआथास। ओउः मानालम्‌हाङः ओउः गलकायःमा सेलः मुओ परमेस्‍वर्‌कोः ल्‍हुङ् मल्‍ह्ओपाय् धाक्‌सायःकोः तीःलो लेखालेः ब्‍लीङ्‌तोलेः खेःतो।

प्रकाश 15:7 ပူးပေါင်းရင်းမြစ်များ

१ थेसलोनिकि 1:9

“पावुल् वाङ्‌तोक्‌हाङः ओउः थेसालोनीकाहाङः मुओलम्इ ओउःकायः पेतो रोम्आथै। ओहाङःसैको द्यव्‌ताकोः काम् फेती ओउः दोङ् जीङः नाःओ परमेस्‍वर्‌कोः काम् जाङ्‌ह्‌माआकानी।

प्रकाश 1:18

ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।

प्रकाश 10:6

ओउः गलकायःमा जीङः नाःओ परमेस्‍वर्‌कोः मय्‍ङ् पेह्‌ती लाङ्‌काहाङः ल्‍हाव्‍ह्‌दैबाङ्‌हाङः द्युम्‌मालो तीःहाङः नाःओ थोक्‌लम्‌कायः जापीनःती जाङ्‌ह्ओ परमेस्‍वर्‌कोः मय्‍ङ् पेह्‌ती कीरीया जेःआकान् “लौ द्याह्‌पाय् बीलम्‌ब नाःल।

प्रकाश 14:10

ओउःकःपाय् परमेस्‍वर्‌कोः ल्‍हुङ् आन मल्‍ह्‌तो स्‍याव्‌नाः। ओउःपाय् परमेस्‍वर्‌इ बयःसा न्‍युम्‍ह्‌झ्‍याङ्‌कोः जुदालेः दोःनाः बा। परमेस्‍वर्‌कोः छय्‍ङ्‌तो लाङ्‌काहाङः मुओ ल्‍होक्ओमयःकोः मीक्‌हाङःमा ओउः भेदाकोः चोःकोः मीक्‌हाङःमा ओउःइपाय् गन्‌धक्‌कोः म्‍हेःहाङः आन न्‍युम्‍ह्‌लेःनानी।

प्रकाश 15:1

ओहाङःसैको अलवःहाङः अरु आन ताङ्‌ह्ओ ग्‍याङ्‌ह्‌राय् च्‍यवःआलाङः। ओहाङः सात्‌गोता ल्‍होक्ओमयः सात्‌गोता महामारी लात्‌ती वानःओ खेःतो। ओउः महामारीलम्‌पाय् सोय्‍ह्ओ महामारी खेःतो दोह् हायःती दाय्‍ह्‌सा ओउः महामारी वाङ्आक्‌तीको परमेस्‍वर्‌कोः ल्‍हुङ् मल्‍ह्ओपाय् द्युम्‌जेःआ बा।

प्रकाश 16:2

ओउःत तोआक्‌तीको ओउः स्‍यालःओ ल्‍होक्ओमयः आल्‌ती ओउःकोः माना ल्‍हाव्‍ह्‌दैबाङ्‌हाङः पुह्आकान्। ओउःकोः माना पुह्आक्‌तीको ओउः तीःसै थाओकोः चीन्‍ह लात्ओलम्‌कायःमा ओउःकोः मुर्‌ती मानओलम्‌कायःमा आङ्‌हाङः आन पेमालो चालम् थाआकाय्।

प्रकाश 17:1

ओहाङःसैको यात्‌ज्‍योः माना लात्ओ ल्‍होक्ओमयःकोः ङाकःताङ् वाङ्‌ती “लौ ङाकुस् वाङ्अ ओउः आन पेमालो ल्‍हास्‍या मोमःचोः गत हायःती न्‍युम्‍ह्‌ताक्‌तोलेः स्‍याव्‌नाः त ङाइ छ्यानःनेःनाङ्। ओउःपाय् नाःतो तीः खोलालम्‌कोः चीनःसै मुओ सहर्‌ लेःआः।

प्रकाश 21:9

ओहाङःसैको ओउः सात्‌गोता मानाहाङः महामारी लात्ओ ल्‍होक्ओमयःकोः यात्‌चाक् ङाकःताङ् वाङ्‌ती “लौ वाङ्अ दा ङाइ ओउः भेदाकोः चोः त तोओकोः कमा छ्यानःनेःनाङ्” त दाय्‍ह्‌ती तोआताङः।

प्रकाश 4:10

ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 5:8

ओउःत त्‍याक्आक्‌तीको ओउः चार्‌गोता जीङः नाःओलम्‌मा ओउः चौबीस् थालवःपालम्‌मा ओउःकःताङ् बाःती स्‍यवआकानी। ओउःमयःपाय् क्रुत्‌क्रुत्‌हाङः याःआःज्‍योः वरनीमा धुप् लात्‌साकायः सुन्‌कोः लोतामा धुप् ब्‍लीङ्‌तोलेः लात्आकानी। ओउः धुप्‌पाय् ङ्‌हाम्ओलम्इ परमेस्‍वर्‌कायः तेती तोओ कुरा लेःआः।