प्रकाश 12:17 - चेपाङ17-18 ओउःइ होताक्ओ तीः सीप्ओ लेःआः त योती झ्यान्ते ओउः ताङ्ह्ओ रुपाय् ओउः मोमःचोःकः आन ल्हुङ् मल्ह्ती ओउःकोः अरु चोःलम्कुस् मीन्ह्काय्लाङ् आल्आ। ओउः मोमःचोःकोः अरु चोःलम्पाय् परमेस्वर्इ तोओ कुरा ग्याती जाङ्ह्ओ येसुइ स्यान्ओ कुरा ङ्हाम्ओलम् लेःआः इ। ओहाङःसैको ओउः ताङ्ह्ओ रुपाय् द्युम्मालो तीःकोः चीनःसै मुओ खेःतो। အခန်းကိုကြည့်ပါ။ |
प्रकाश 12:17
26 ပူးပေါင်းရင်းမြစ်များ
नीङ्खे लयः सैतान् आपाकःसै वाङ्ती ओउःकोः मोह्हाय्ओ काम्लम् जाङ्ह्तेःनानी बा। ओउः सैतान्पाय् ङ्हाहाङःसै सात्रेव् खेःतो। ओउःपाय् दोङ् कुरा गलमा झाक्ल ओउःत झ्यान्ते दोङ् कुरा तोती जुगाङ्मा वाह्ल। ओउःपाय् माःरेव् ल्हुङ्तुक् लेःआः बा गलमा माःती तोती वाह्नाः। माः रैस ओउःखे माःरेव्मयःकोः आपा लेःआः।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
ओहाङःसैको ओउःमयःपाय् ओउः भेदाकोः चोःकुस् मीन्ह्काय्लेःनै। ओउःकुस् मीन्ह्काय्इतो ओउःमयःकायः ओउः भेदाकोः चोःइ क्लीमःनाःथास दोह् हायःती दाय्ह्सा ओउः भेदाकोः चोःपाय् सबैसै ताङ्ह्ओ प्रभुमा राजा लेःआः बा। ओउःकुस् वाह्ओलम्पाय् ओउःइ छ्युङ्ह्ती गोत्ओ पेतो ङ्हाम्ओ मान्तालम् लेःआः इ” त दाय्ह्ती ओउः ल्होक्ओमयःइ तोआताङः।
“लौ लाङ्काहाङः मुओलम्य ओउः सहर् योती म्रोतोलेः मुन दा। नीङ् परमेस्वर्कायः ङ्हाम्ओलम्मा ओउःकोः छ्युङ्ह्ती ल्होक्ओमयःमा ओउःकोः कुरा छ्यानःओमयःमा नीङ् सबै म्रोतीलेः मुन दोह् हायःती दाय्ह्सा नीङ्कायः पेमालो हायःओ सहर्कायः परमेस्वर्इ ओउःकोः रेव्झ्याङ् बयःती द्याह् न्युम्ह्ताक्नौ बा” त दाय्ह्ती दाय्ह्ओ खेःतो।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ओहाङःसैको राजा च्युङःसा थाव्लम् च्यवःआलाङः। ओहाङः च्युङःती मुओलम्कायः तय्छनःती योसा ग्वम् बयःओ खेःतो। फेरी येसुकोः दोङ् कुरामा परमेस्वर्कोः नोःराय्मा थोल्ह्ती तोसाकायः पाल्ती सात्ओलम्कोः नामे रुआङ्लम्मा च्यवःआलाङः। ओउःमयःइपाय् ओउः तीःसै थाओकायःमा ओउःकोः मुर्तीकायःमा गलमा मानआक्नीली ओउःकोः चीन्ह जेल्ह्हाङः क्रुत्हाङः गलमा लात्आक्नीली। ओउःमयः सेलः उह्ती स्याव्ती ख्रीस्कुस् यात् हजार् बर्सच्युक्कायः राजालम् स्याव्नै।
ကြော်ငြာတွေ