प्रकाश 12:11 - चेपाङ11 ङीकोः पुःचोङ् हौचोङ्लम्इपाय् भेदाकोः चोःकोः वयःइमा ओउःकोः कुरा छ्यानःतीमा सैतान्कायः क्लीमःआकानी। ख्रीस्कोः कुरा छ्यानःसाकायः ‘लौ सीसामा ग्यालेःनाङी’ त दाय्ह्तीलेः नोःआकाय्। အခန်းကိုကြည့်ပါ။ |
प्रकाश 12:11
33 ပူးပေါင်းရင်းမြစ်များ
ओउःत गानाक्ती तोङुसुतो “नीङ्इ इच्युक्लेः र्याःती झ्यान्ते ङाकोः ल्हुङ् लीह्तेःताक्तेःनाङ्स। इपाय् परल ङाकोः प्रभु येसुकोः काम् जाङ्ह्साकायः ओउः यरुसालेम्कोः मान्तालम्इ ङाकायः पानःनाःताङः त खेःयामा सात्नाःताङः त खेःयामा दोह् खेःयामा ङा आल्सा ग्यालेःनाङः” त दाय्ह्ती पावुल् त्याङ्आ।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
ओउःइ होताक्ओ तीः सीप्ओ लेःआः त योती झ्यान्ते ओउः ताङ्ह्ओ रुपाय् ओउः मोमःचोःकः आन ल्हुङ् मल्ह्ती ओउःकोः अरु चोःलम्कुस् मीन्ह्काय्लाङ् आल्आ। ओउः मोमःचोःकोः अरु चोःलम्पाय् परमेस्वर्इ तोओ कुरा ग्याती जाङ्ह्ओ येसुइ स्यान्ओ कुरा ङ्हाम्ओलम् लेःआः इ। ओहाङःसैको ओउः ताङ्ह्ओ रुपाय् द्युम्मालो तीःकोः चीनःसै मुओ खेःतो।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
लौ इ परमेस्वर्कोः ग्वालामःइ ङ्हाम्ओलम्कायः तोओ कुरापाय् पेतो सायःनु दा। सुसुइ रेव्ओकायः क्लीमःनानी ओउःकायः ङाइ नुस्ती गम्ओ मन्नकोःमा बयःलेःनाङः यात्ज्योः भाम्ओ बाङ्मा बयःलेःनाङः। ओउः बाङ्हाङः अरु सुइमा चीःमालो नया मय्ङ् लेखती मुलेःनाः। ओउः बाङ् दोःओ मान्ताइ ह दोह् मय्ङ् लेखओ मुनाः त चीःसा खाय्नानी।
ओहाङःसैको राजा च्युङःसा थाव्लम् च्यवःआलाङः। ओहाङः च्युङःती मुओलम्कायः तय्छनःती योसा ग्वम् बयःओ खेःतो। फेरी येसुकोः दोङ् कुरामा परमेस्वर्कोः नोःराय्मा थोल्ह्ती तोसाकायः पाल्ती सात्ओलम्कोः नामे रुआङ्लम्मा च्यवःआलाङः। ओउःमयःइपाय् ओउः तीःसै थाओकायःमा ओउःकोः मुर्तीकायःमा गलमा मानआक्नीली ओउःकोः चीन्ह जेल्ह्हाङः क्रुत्हाङः गलमा लात्आक्नीली। ओउःमयः सेलः उह्ती स्याव्ती ख्रीस्कुस् यात् हजार् बर्सच्युक्कायः राजालम् स्याव्नै।
सुसुइ रेव्ओकायः क्लीमःनानी ओउःकायः ङाकोः परमेस्वर्कोः मन्दीर्हाङः मुल्धुरीलो लेखा जाङ्ह्नाङःसु ओउः मन्दीर्सै ओउःपाय् गलमा ग्ल्युङ्ह्इली। फेरी ओउः मान्ताकःहाङः ङाकोः परमेस्वर्कोः मय्ङ्मा लेखनाङः ङाकोः परमेस्वर्कोः सहर्कोः मय्ङ्मा लेखनाङः। ओउः सहर्पाय् ङाकोः परमेस्वर्कःहाङःसै लाङ्कासै ग्ल्युङ्ह्लेःनाः ओउःपाय् “नया यरुसालेम्” त तोओ लेःआः। ओहाङःसै ओउः मान्ताकःहाङः ङाकोः नया मय्ङ्मा लेखलेःनाङः’
सुसुइ रेव्ओकायः क्लीमःनानी ओउःपाय् ओउःमयःलो लेखालेः भाम्ओ नाय् लावसा खाय्नानी। ओउःकोः मय्ङ्पाय् ओउः जीङः नाःओलम्कोः मय्ङ् लेखती गम्सा कीताप्सै गलमा म्हीत्ताक्ङल। ओउःकोः मय्ङ्पाय् पेह्ती ङाकोः आपाकोः मीक्हाङःमा ओउःकुस् मुओ ल्होक्ओमयःकोः मीक्हाङःमा “ङाकोः मान्ता लेःआः” त दाय्ह्ती सबैकायः छ्यानःती तोलेःनाङः’
ကြော်ငြာတွေ