प्रकाश 11:16 - चेपाङ

¹⁶ ओहाङःसैको ओउः लःलयःकोः राजाकोः थाव्‌लम्‌हाङः च्‍युङःओ परमेस्‍वर्‌कोः मीक्‌हाङः मुओ चौबीस् थालवःपाइ साःताङ् बाःती परमेस्‍वर्‌कायः मानती

प्रकाश 11:16 ပူးပေါင်းရင်းမြစ်များ

मत्ती 19:28

“दोङ्‌सी दाय्‍ह्‌भनाङ् नीङ् ङाकुस् वाह्ओमयःपाय् लोने ओउः मान्‍ताकोः चोःत तोओकोः नया राजीहाङः आङ्‌ग थाङ्‌गत ताङ्‌ह्‌तो हुकुम् बयःओ स्‍याव्ओहाङः नीङ्‌मा बारगोता राजाकोः थाव्‌हाङः च्‍युङःती ओउःकुस् इस्राएल्‌कोः बार खलक्‌कायः तय्‌छनःती योतेःनानी।

प्रकाश 19:4

ओउः चौबीस् थालवःपालम्‌मा ओउः चार्‌गोता जीङः नाःओलम्‌मा ओउः राजाकोः थाव्‌हाङः च्‍युङःओ परमेस्‍वर्‌कायः मानआकानी “माः ओउःतलेः स्‍याव्‌पाः। परमेस्‍वर्‌कायः ताङ्‌ह्‌ताक्‌तीलेः तोपाःथै” त दाय्‍ह्‌ती लुङ्‌तीलेः तोआकानी।

प्रकाश 4:10

ओउः बेलाहाङः ओउः चौबीस् थालवःपालम्इ ओउः राजाकोः थाव्‌हाङः च्‍युङःओचाक्‌कायः बाःती स्‍यवती मनःनानी। ओहाङःसैको लःलयःकोः सुन्‌कोः मुकुत्‌लम् ओउःकोः दोम्‌हाङः ल्‍हाती गम्‌ती

प्रकाश 4:4

ओउः थाव् तोङःतीलेः अरु चौबीस् राजा च्‍युङःसा थाव्‌लम् मुओ खेःतो। ओउः थाव्‌लम्‌हाङः चौबीस् भाम्ओ नाय् लावओ सुन्‌कोः मुकुत् ल्‍हुप्‌ती गम्ओ थालवःपालम् मुओ खेःइतो।

प्रकाश 5:14

ओहाङःसैको ओउः चार्‌ जीङः नाःओलम्‌पाय् “ओउःतलेः स्‍याव्‌पाः” त दाय्‍ह्‌ती त्‍याङ्आकाय्। फेरीलेः ओउः चौबीस् थालवःपाइ बाःती ओउः नीस्‌कायः ताङ्‌ह्‌ताक्आथाच।

प्रकाश 7:11

ओउः नोःओलम् ओउःत दाय्‍ह्‌तोक्‌हाङः सबै ल्‍होक्ओमयःपाय् ओउः राजाकोः थाव्‌कायःमा थालवःपालम्‌कायःमा चार्‌ जीङः नाःओमयःकायःमा तोङःतीलेः चीङ्‌ती मुओ खेःइतो। ओहाङःसैको ओउः नाःतो हुम्ओलम् दाय्‍ह्आक्‌तीको ओउः ल्‍होक्ओमयःइ राजाकोः थाव्‌कःताङ् बाःती स्‍यवती परमेस्‍वर्‌कायः मनःआकानी।