प्रकाश 11:13 - चेपाङ

¹³ ओहाङःसैको ओउः नीस् लन्‍ह्ओ कुस्‌ब्रक्‌तलेः ताङ्‌ह्ओ ल्‍याङ् वाङ्‌ती सहर्‌कोः दस् भाक्‌कायः यात् भाक् ह्र्योङःती वाय्ओ खेःतो। ल्‍याङ्इ सात्ओ मान्‍तालम्‌पाय् सात् हजार्‌ खेःतो अरु सात्‌मालोलम्इपाय् आन रैती लाङ्‌काहाङः मुओ परमेस्‍वर्‌कायः ताङ्‌ह्‌ताक्आकानी।

प्रकाश 11:13 ပူးပေါင်းရင်းမြစ်များ

युहना 9:24

ओहाङःसैको ओउः ङ्‌हा मीक् लोक्ओ मान्‍ताकायः फेरी गोत्‌ती वानःआकानी “लौ परमेस्‍वर्‌कायः पेतो लुङ्‌ती ताङ्‌ह्‌ताक्‌तीलेः तोउ दा। ओउः मान्‍तापाय् रेव्ओलेः त चीःनाङःसु” त दाय्‍ह्‌ती तोनीतो

खबरदुत 1:15

ओउःतोक् बेलाहाङःमा यात् दीन्‌हाङः यात् सै बीस्‌च्‍युक् येसुकायः ङ्‌हाम्ओ मान्‍तालम् ओहाङः हुम्‌ती वाङ्आकाय्। हुम्‌ती वाङ्आक्‌तीको पत्रुस्‌पाय् चीङ्‌ती

प्रकाश 11:11

मान्‍तालम्‌पाय् ओउःतलेः म्रोइतो साधे तीन् दीन् पुत्आक्‌तीको परमेस्‍वर्‌सै वाङ्ओ जीङः बयःसा सास् दोःती ओउःनीस्‌पाय् उह्आकाच। उह्आक्‌तीको ओउः नीक्‌चाक् चीङ्आकाच। ओउःनीस् चीङ्ओ योती ओउःत योओलम्‌पाय् आन रैआकाय्।

प्रकाश 11:19

ओहाङःसैको ओउःमयः दाय्‍ह्आक्‌तीको परमेस्‍वर्‌कोः लाङ्‌काहाङः मुओ मन्‍दीर्‌पाय् फोल्ओ खेःतो। फोल्आक्‌तीको ओउःकोः भीत्रहाङः तोती गम्ओ कुराकोः बकीस् च्‍यवःसाकायः छ्यान्‍ह्ओ खेःतो। ओहाङःसैको न्‍याम् प्‍लीङ्‌ह्‌ती मुक्ओकुस् ल्‍याङ्‌मा तोल्‌तोल्ओ वेर्‌मा वाङ्आ।

प्रकाश 14:7

“लौ परमेस्‍वर्‌कायः एङःतीलेः ताङ्‌ह्‌ताक्‌नु। ओउःइ मान्‍तालम्‌कायः तय्‌छनःती योसा दीन् दाह्ओआः बा। लौ ओउः ल्‍हाव्‍ह्‌दैबाङ् फेल्‌बाङ् तीःलम् जापीनःती न्‍यास्ओचाक्‌कायः लुङ्‌तीलेः ताङ्‌ह्‌ताक्‌नु दा” त दाय्‍ह्‌ती ओउः ल्‍होक्ओमयःइ सोतोलेः दाय्‍ह्आकाय्।

प्रकाश 15:4

नाङ्‌कःहाङः सबै एङःतीलेः मुनै। नाङ्‌कोः मय्‍ङ्‌पाय् सबै ताङ्‌ह्‌ताक्‌लेःनानी दोह् हायःती दाय्‍ह्‌सा नाङ् ह जुगाङ् छय्‍ङ्ओलेः खेःतेःनाः। ‘नाङ्इ तय्‌छनःती योओ काम्‌लम् जुगाङ् पेओ लेःआः’ त सबैकायः छ्यानःओ लेःआः ओउःत झ्‍यान्‍ते सबै जात्‌लम् नाङ्‌कायः मानलाङ् वाङ्‌लेःनै” त दाय्‍ह्‌ती ओउःमयः मेआकाय्।

प्रकाश 19:7

द्याह् म्रोतोमा चोङाय्‌तोमा स्‍याव्‌ती परमेस्‍वर्‌कायः ताङ्‌ह्‌ताक्‌नी दा दोह् हायःती दाय्‍ह्‌सा ओउः भेदाकोः चोःकोः बीहा जाङ्‌ह्‌सा दीन्‌पाय् दाह्ओ लेःआः बा। ओउःकोः वानःसा कमापाय् चीङ्‌धै मुलेःजेःनाः।

प्रकाश 3:4

ओउःत तोलेःनेःनाङ् नाङ् सार्‌दीस्‌हाङः मुओलम्‌कःहाङः यात्‌नीस्‌चाक्इ पेतो छय्‍ङ्‌तो क्रीसीःमालो नाय् लावती वाह्‌धै मुधाङ्‌नै। ओउःमयःपाय् पेतो छय्‍ङ्‌तोलेः मुती झ्‍यान्‍ते ङाकुस् भाम्ओ नाय् लावती वाह्‌सा खाय्‌नानी।

प्रकाश 6:12

ओहाङःसैको ङाइ योधै मुतोक्‌हाङः ओउः भेदाकोः चोःइपाय् यात्‌ज्‍योः अरु छाप् तेत्आकान्। ओउःकुस् छगोता छाप् तेत्ओलेः खेःतो। ओहाङःसैको तेत्आक्‌तीको ताङ्‌ह्ओ ल्‍याङ्‌मा वाङ्आ न्‍याम्‌मा गाल्ओ ग्रान्‌नाय्‌लो लेखालेः च्‍याक्‌तो स्‍याव्आ लाह्‌मा वयःलो लेखालेः दुतो स्‍याव्आ।

प्रकाश 8:5

धुप् ल्‍हाआक्‌तीको ओउः ल्‍होक्ओमयःइ ओउः धुप् लात्‌सा तेव्‌केरा रोत्‌ती ओउः तेव्‌केराहाङः बेदीकोः म्‍हेः ब्‍लीङ्‌तोलेः काआकान्। म्‍हेः काआक्‌तीको ओउःइ ल्‍हाव्‍ह्‌दैबाङ्‌ताङ् तेव्‌केरा क्‍लाःआकान्। क्‍लाःआक्‌तीको न्‍याम् मुक्ओमा प्‍लीङ्‌ह्ओमा ल्‍याङ् वाङ्‌माआ।