प्रकाश 1:19 - चेपाङ

¹⁹ ओउःत दाय्‍ह्‌ती “लौ उया नाङ्इ द्याह् च्‍यवःओ कुरामा ङ्‌हा च्‍यवःओ कुरामा लोनेः च्‍यवःसा कुरामा लेखउ दा।

प्रकाश 1:19 ပူးပေါင်းရင်းမြစ်များ

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।

प्रकाश 1:11

“लौ दोह् दोह्‌तेः च्‍यवःतेःनौ ओउःलेः कीताप्‌हाङः लेखआक्‌तीको ओउः कीताप्‌पाय् इ सात् थाव्‌कोः ङ्‌हाम्ओलम्‌कायः ल्‍होक्उ दा। ओउः सात् थाव्‌पाय् एफेसस् स्‍मर्‌ना पर्‌गामम् थुयातीरा सार्‌दीस् फीलादेल्‍फीया लाओदीकीया त तोआ सात् सहर्‌ लेःआः” त दाय्‍ह्‌ती तोआताङः।

प्रकाश 1:12

ओउः हाव्‌नयः सायःआक्‌तीको “ङाकायः सुइ एत तोनाःताङः” त दाय्‍ह्‌ती म्‍हर्‌ती ङाइ काह्‌सै ल्‍हेःती योआलाङः। काह्‌सै ल्‍हेःती योतोक्‌हाङः ङाइ सात्‌गोता बत्ती गम्‌सा तेव्‌केरामा च्‍यवःआलाङः। ओउःपाय् सुन्‌कोः जाङ्‌ह्ओलेः खेःतो।

प्रकाश 10:4

त्‍याङ्आक्‌तीको ओउःमयः त्‍याङ्ओ कुरापाय् लेखसा बोङःङोतो लाङ्‌कासै हाव्‌नयः वाङ्‌ती “लौ ओउः सात्‌गोता मुक्ओइ नोःओ कुरापाय् अरुकायः छ्यानःमाःत ल्‍हुङ्‌हाङः सेती गम्उ ओउःपाय् लेखलाम्” त दाय्‍ह्‌ती ङाकायः तोआताङः।

प्रकाश 19:9

ओहाङःसैको ओउः ल्‍होक्ओमयः ङाकायः तोती “लौ ‘ओउः भेदाकोः चोःकोः बीहा भोस्‌हाङः गोत्ओलम्‌पाय् चोङाय्‌तोलेः स्‍याव्‌नै’ त दाय्‍ह्ओ लेखउ दा” त दाय्‍ह्‌ती ओउःइ ङाकायः तोआताङः “माः है ओउःपाय् परमेस्‍वर्‌इ नोःओ दोङ् कुरा लेःआः बा” तमा ओउः ल्‍होक्ओमयःइ दाय्‍ह्‌ती तोआताङः।