फीलेमोन् 1:8 - चेपाङ

⁸ ओउःत झ्‍यान्‍ते नाङ्इ दोह् हायःसा खेःतो त गानाक्‌ती तोनेःनाङ्‌ल। नाङ्‌कायः गानाक्‌ती तोसा खाय्‌सापाय् खाय्‌नेःनाङ् दोह् हायःती दाय्‍ह्‌सा ओउःत हायःसाकायः ख्रीस्इ बयःआताङः बा।

फीलेमोन् 1:8 ပူးပေါင်းရင်းမြစ်များ

२ कोरीन्‍थी 10:8

प्रभुइ ङीकायः बयःओ ग्‍वम्‌पाय् नीङ्‌कायः रेव्‌ताक्‌साकायः खेःल पेताक्‌साकायःलेः बयःआताङी। “इ ग्‍वम् दोःआलाङः” त दाय्‍ह्‌ती बल न्‍हाङ्‌तोलेः तोनेःनाङ्‌सतो ओउःत ङाःती तोसाकायः ङा रास्‌ङल।

२ कोरीन्‍थी 11:21

ङीखेपाय् काङ्‌तो मुती ओउःत हायःसा रैआलाङी। ओउःत झ्‍यान्‍ते ङी रास्‌सा खेःतो र। द्याह् यात्‌नीस्‌चाक् लयःकोः नेह्‌रो ओर्‌ताक्‌ती तोसा म्‍हर्‌नाः त खेःया “लौ ङामा ओउःतलेः नोःपाङः” त दाय्‍ह्‌सा खाय्‌नाङः। खाय्‌सापाय् खाय्‌लेःनाङः एत दाय्‍ह्‌ती ङा चीःमालो मान्‍तालो लेखा दाय्‍ह्‌नाङः।

२ कोरीन्‍थी 3:12

एत ताङ्‌ह्ओ कुरा चीःती झ्‍यान्‍ते ङीखे दोङ्‌ह्‌ती नोःसा ग्‍यानाङी।

एफेसस् 5:4

रेव्‌तो नोःओमा थ्‍यावःओ कुरामा गलमा नोःमाःत सबैकायः परमेस्‍वर्‌कायः “च्‍युता” त तोतेःपानी।

१ थेसलोनिकि 2:2

नीङ्‌कःताङ् वाङ्ओ ङ्‌हासै फीलीपीहाङः आन लीह्‌सीःओमा बयःआताङी हेलामा क्‍लाःआताङी ओउःतमा चीःतेःनानी। एतलेः ङीकायः त्‍याःसा बोङःताङीतो नीङ्‌कःहाङः परमेस्‍वर्‌इ ओउःकोः पेओ समचार्‌ फुती रैमामाःत नोःताक्आताङी।

१ थेसलोनिकि 2:6

नीङ्‌कःसैमा अरुकःसैमा ङीकायः नेह्‌रो ओर्‌ताक्‌सा कुरा बोङःङुसुलु। ङीपाय् ख्रीस्इ छ्युङ्‌ह्‌ती लोक्ओमयः खेःनाङी ओउःत झ्‍यान्‍ते नीङ्‌कःसै दोह् दोह् खेःयामा त्‍याक्‌सा स्‍याव्‌चाः खेःतो। स्‍याव्‌सापाय् स्‍याव्ओलेः खेःतो नीङ्‌कःसै दोह्‌मा त्‍याक्‌ङुसुलु।